ನವದೆಹಲಿ: ರಾಷ್ಟ್ರ ರಾಜಧಾನಿಯು ಕಾಮುಕರ ರಾಜಧಾನಿ ಎಂಬ ಮಾತು ತುಂಬ ವರ್ಷಗಳಿಂದ ಇದೆ. ಹೆಣ್ಣುಮಕ್ಕಳ ಮೇಲೆ ಅತ್ಯಾಚಾರ, ಲೈಂಗಿಕ ದೌರ್ಜನ್ಯದಂತಹ ಪ್ರಕರಣಗಳು ದೆಹಲಿಗೆ ಇಂತಹದ್ದೊಂದು ಖ್ಯಾತಿ ತಂದಿವೆ. ಹೀಗಿರುವಾಗಲೇ, ದೆಹಲಿಯ ಡಿಟಿಎಸ್‌ ಬಸ್‌ನಲ್ಲಿ ಯುವಕನೊಬ್ಬ ಯುವತಿ (Man Masturbates On Bus) ಎದುರು ಹಸ್ತಮೈಥುನ ಮಾಡಿಕೊಳ್ಳುವ ಮೂಲಕ ಹೀನ ಮನಸ್ಥಿತಿ ಪ್ರದರ್ಶಿಸಿದ್ದಾನೆ.
ದೆಹಲಿಯ ರೋಹಿಣಿ ಪ್ರದೇಶದಲ್ಲಿ ಬಸ್‌ನಲ್ಲಿ ಸಂಚರಿಸುವಾಗ ಯುವಕನು ಯುವತಿ ಎದುರು ಹಸ್ತಮೈಥುನ ಮಾಡಿಕೊಂಡಿದ್ದಾನೆ. ಇದರಿಂದಾಗಿ ವಿಚಲಿತಳಾದ ಯುವತಿ ಕೂಗಾಡಿದ್ದಾಳೆ. ಬಸ್‌ನಲ್ಲಿದ್ದ ಮಾರ್ಷಲ್‌ ಸಂದೀಪ್‌ ಚಕಾರ ಅವರು ಯುವಕನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಬಸ್‌ನಲ್ಲಿ ಇಷ್ಟೆಲ್ಲ ಉಪಟಳ ಮಾಡಿದ ಯುವಕನು ಪೊಲೀಸರ ಕೈಗೆ ಸಿಗುತ್ತಲೇ ಗಳಗಳನೆ ಅತ್ತಿದ್ದಾನೆ. ಮತ್ತೊಂದೆಡೆ, ಪ್ರಕರಣ ದಾಖಲಿಸುವ ಕುರಿತು ಪೊಲೀಸರು ಯುವತಿಗೆ ಕರೆ ಮಾಡಿದರೆ, ಆಕೆ ದೂರು ದಾಖಲಿಸಲು ನಿರಾಕರಿಸಿದ್ದಾಳೆ. ಹಾಗಾಗಿ, ಯುವಕನಿಗೆ ಎಚ್ಚರಿಕೆ ನೀಡಿ ಮನೆಗೆ ಕಳುಹಿಸಲಾಗಿದೆ ಎಂದು ತಿಳಿದುಬಂದಿದೆ. ವ್ಯಕ್ತಿಯು ಬಿಹಾರದವನು ಎಂದು ಮೂಲಗಳು ತಿಳಿಸಿವೆ.
ಇದನ್ನೂ ಓದಿ | ಏರ್ ಇಂಡಿಯಾ ವಿಮಾನದಲ್ಲಿ ಕಂಬಳಿ ಹೊದ್ದು ಕುಳಿತಿದ್ದವಳ ಮೇಲೆ ಮೂತ್ರ ವಿಸರ್ಜಿಸಿದ ಕುಡುಕ ಪ್ರಯಾಣಿಕ; ಇದು ಮತ್ತೊಂದು ಪ್ರಕರಣ!