ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಬಿಜೆಪಿಯ ಹಿರಿಯ ನಾಯಕ ಎಲ್ ಕೆ ಆಡ್ವಾಣಿ (L K Advani) ಮನೆಗೆ ಹೋಗಿ, ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದರು. ಈ ವೇಳೆ ರಕ್ಷಣಾ ಸಚಿವ ರಾಜನಾಥ ಸಿಂಗ್ ಕೂಡ ಜತೆಗಿದ್ದರು. ಆಡ್ವಾಣಿ ಅವರ ಬರ್ತ್‌ಡೇಗೆ ಪ್ರತಿ ವರ್ಷವೂ ಮೋದಿ ಅವರು ಮನೆಗೇ ತೆರಳಿ ಶುಭಾಶಯ ಕೋರುತ್ತಾರೆ. 95ನೇ ಹುಟ್ಟು ಹಬ್ಬ ಆಚರಿಸಿಕೊಳ್ಳುತ್ತಿರುವ ಆಡ್ವಾಣಿ ಅವರಿಗೆ ಶುಭಾಶಯಗಳು ಹರಿದು ಬರುತ್ತಿವೆ.
ಫೋಟೋ ಕೃಪೆ : ANI
ದೇಶದಲ್ಲಿ ಇಂದು ಬಿಜೆಪಿ ಇಷ್ಟು ದೊಡ್ಡ ಮಟ್ಟಿಗೆ ಬೆಳೆಯಲು ಅಟಲ್ ಬಿಹಾರಿ ವಾಜಪೇಯಿ ಅವರ ಜತೆಗೆ ಎಲ್ ಕೆ ಆಡ್ವಾಣಿ ಅವರು ಕೊಡುಗೆಯೂ ಶ್ಲಾಘನಾರ್ಹವಾಗಿದೆ. ಈ ಇಬ್ಬರು ನಾಯಕರು ಬಿಜೆಪಿಯನ್ನು ತಳಮಟ್ಟದಿಂದ ಕಟ್ಟಿ ಬೆಳಿಸಿದ ಪರಿಣಾಮ ಇಂದು ಬಿಜೆಪಿ ಕಳೆದ 8 ವರ್ಷಗಳಿಂದ ಅಧಿಕಾರದಲ್ಲಿದೆ. ಈ ಕಾರಣಕ್ಕಾಗಿ ಬಿಜೆಪಿಯ ನಾಯಕರು ಎಲ್ ಕೆ ಆಡ್ವಾಣಿ ಅವರನ್ನು ಲೋಹ ಪುರುಷ ಎಂದು ಕರೆಯುತ್ತಾರೆ. ಬಿಜೆಪಿಯ ನಾಯಕರು ಮಾತ್ರವಲ್ಲದೇ ಪ್ರತಿಪಕ್ಷಗಳ ನಾಯಕರು ಸೇರಿದಂತೆ ಎಲ್ಲರೂ ಆಡ್ವಾಣಿ ಅವರಿಗೆ ಶುಭಾಶಯ ಕೋರಿದ್ದಾರೆ.
ಇದನ್ನು ಓದಿ | Modi birthday | ಪಿಎಂ ಆದ ಮೇಲೆ ಎಂಟು ವಿಶಿಷ್ಟ ಬರ್ತ್‌ಡೇಗಳು!