ನವ ದೆಹಲಿ: ಭಾರತಕ್ಕೆ ಪ್ರವಾಸ ಬರುವ ವಿದೇಶಿಗರು ಇನ್ನು ಮುಂದೆ ಯುಪಿಐ ಪಾವತಿ (UPI Payment) ಮಾಡಲು ಸಾಧ್ಯವಾಗುವಂಥ ಹೊಸ ಸೌಲಭ್ಯವನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಫೆಬ್ರವರಿ 21ರಂದು ಜಾರಿಗೆ ತಂದಿದೆ. ಅಲ್ಲಿಂದ ಬರುವ ಪ್ರಯಾಣಿಕರು ಮೊಬೈಲ್ ವ್ಯಾಲೆಟ್ ಮೂಲಕ ನೇರವಾಗಿ ಇಲ್ಲಿನ ಔಟ್ಲೆಟ್ಗಳಲ್ಲಿ ಪಾವತಿ ಮಾಡಲು ಸಾಧ್ಯವಿದೆ. ಈ ಸೌಲಭ್ಯ ಸದ್ಯಕ್ಕೆ ದೆಹಲಿ, ಮುಂಬಯಿ ಹಾಗೂ ಬೆಂಗಳೂರಿನ ಏರ್ಪೋರ್ಟ್ಗಳಲ್ಲಿ ಲಭ್ಯವಿದೆ ಎಂದು ಆರ್ಬಿಐ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಈ ಸೌಲಭ್ಯ ಜಿ20 ದೇಶಗಳ ಪ್ರಜೆಗಳಿಗೆ ಸದ್ಯಕ್ಕೆ ಲಭ್ಯವಿದೆ. ಅರ್ಜೆಂಟೀನಾ, ಆಸ್ಟ್ರೇಲಿಯಾ. ಬ್ರೆಜಿಲ್, ಕೆನಡಾ, ಚೀನಾ. ಫ್ರಾನ್ಸ್, ಜರ್ಮನಿ, ಇಂಡೋನೇಷ್ಯಾ. ಇಟಲಿ, ಜಪಾನ್, ಕೊರಿಯಾ. ಮೆಕ್ಸಿಕೊ, ರಷ್ಯಾ. ಸೌದಿ ಅರೇಬಿಯಾ, ದಕ್ಷಿಣ ಆಫ್ರಿಕಾ. ಟರ್ಕಿ, ಯುಕೆ, ಯುಎಸ್ ಮತ್ತು ಯುರೋಪಿಯನ್ ಒಕ್ಕೂಟದ ರಾಷ್ಟ್ರಗಳ ನಾಗರಿಕರು ಆರ್ಬಿಐನ ಹೊಸ ಸೌಲಭ್ಯ ಪಡೆಯಲು ಸಾಧ್ಯವಿದೆ.
ಈ ದೇಶಗಳಿಂದ ಬರುವ ಪ್ರಯಾಣಿಕರಿಗೆ ಪ್ರೀಪೇಯ್ಡ್ ಪೇಮೆಂಟ್ ಇನ್ಸ್ಟ್ರುಮೆಂಟ್ (ಪಿಪಿಐ) ವಿತರಣೆ ಮಾಡಲಾಗುತ್ತದೆ. ಐಸಿಸಿಐ ಬ್ಯಾಂಕ್, ಐಡಿಬಿಐ ಬ್ಯಾಂಕ್ ಹಾಗೂ ಇನ್ನೂ ಎರಡು ಸಂಸ್ಥೆಗಳು ಪಿಪಿಐ ವಿತರಣೆ ಮಾಡಲಿವೆ. ಅದರ ಮೂಲಕ ಜಿ20 ಸಭೆ ನಡೆಯುವ ಪ್ರದೇಶದಲ್ಲೂ ಯುಪಿಐ ಪೇಮೆಂಟ್ ಆಯ್ಕೆಯನ್ನು ಬಳಸಬಹುದಾಗಿದೆ ಎಂದು ಆರ್ಬಿಐ ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ.