ನವ ದೆಹಲಿ: ಮೊಟ್ಟ ಮೊದಲ ಬಾರಿಗೆ ನೌಕಾಪಡೆಗೆ ಅಗ್ನಿಪಥ್‌ ಯೋಜನೆಯ ಮೂಲಕ ಮಹಿಳಾ ನಾವಿಕರ ನೇಮಕಾತಿ ನಡೆಯಲಿದೆ.
ಇದರೊಂದಿಗೆ ಯುದ್ಧ ನೌಕೆಯಲ್ಲಿ ಭವಿಷ್ಯದ ದಿನಗಳಲ್ಲಿ ಮಹಿಳಾ ನಾವಿಕರೂ ಸಕ್ರಿಯ ಸೇವೆ ಸಲ್ಲಿಸಲಿದ್ದಾರೆ.
ಸುಮಾರು 3,000 ನಾವಿಕರನ್ನು ಅಗ್ನಿಪಥ್‌ ಯೋಜನೆಯ ಮೂಲಕ ಈ ವರ್ಷ ನೌಕಾಪಡೆಗೆ ಸೇರಿಸಿಕೊಳ್ಳಲಾಗುತ್ತಿದೆ. ಇದರಲ್ಲಿ 20% ಮಂದಿ ಮಹಿಳೆಯರಿಗೆ ಉದ್ಯೋಗಾವಕಾಶ ನೀಡಲಾಗುವುದು.
ಭೂಸೇನೆ, ವಾಯುಸೇನೆ ಮತ್ತು ನೌಕಾ ಸೇನೆಯಲ್ಲಿ ಮಹಿಳಾ ಅಧಿಕಾರಿಗಳು ಇದ್ದಾರೆ. ಮೊದಲ ಬಾರಿಗೆ ಅಧಿಕಾರಿಗಳಿಗಿಂತ ಕೆಳ ಹಂತದ ಹುದ್ದೆಗೆ ಮಹಿಳೆಯರ ನೇಮಕಾತಿ ನಡೆಯಲಿದೆ.