ನವದೆಹಲಿ: ಸುಲ್ತಾನ್‌ಪುರಿಯಲ್ಲಿ ಜನವರಿ 1ರ ಬೆಳಗಿನ ಜಾವ ಸಂಭವಿಸಿದ ಅಪಘಾತದಲ್ಲಿ ದಾರುಣವಾಗಿ ಮೃತಪಟ್ಟ ಅಂಜಲಿ ಸಿಂಗ್ (20) (Shah Rukh Khan Donation) ಅವರ ಕುಟುಂಬಸ್ಥರಿಗೆ ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಅವರ ಸರ್ಕಾರೇತರ ಸಂಘಸಂಸ್ಥೆ (NGO)ಯಿಂದ ಹಣಕಾಸು ನೆರವು ನೀಡಲಾಗಿದೆ.
ಶಾರುಖ್‌ ಖಾನ್‌ ಒಡೆತನದ ಮೀರ್‌ ಫೌಂಡೇಷನ್‌ ವತಿಯಿಂದ ಅಂಜಲಿ ಸಿಂಗ್ ಅವರ ಕುಟುಂಬಸ್ಥರಿಗೆ ಹಣಕಾಸು ನೆರವು ನೀಡಲಾಗಿದೆ. ಆದರೆ, ಎಷ್ಟು ಹಣ ನೀಡಲಾಗಿದೆ ಎಂಬುದರ ಮಾಹಿತಿ ಲಭ್ಯವಾಗಿಲ್ಲ. ನೆರವು ನೀಡುವ ಮೂಲಕ ಮಾನವೀಯತೆ ಮೆರೆದ ಶಾರುಖ್‌ ಖಾನ್‌ ಅವರ ಬಗ್ಗೆ ಜನ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಜನವರಿ 1ರಂದು ಅಂಜಲಿ ಸಿಂಗ್ ಸ್ಕೂಟಿಗೆ ಕಾರು ಡಿಕ್ಕಿಯಾಗಿತ್ತು. ಇದಾದ ಬಳಿಕ ಅಂಜಲಿ ಸಿಂಗ್ ಕಾರಿನ ಅಡಿಗೆ ಸಿಲುಕಿದ್ದಳು. ಇದನ್ನು ಗಮನಿಸದ ಚಾಲಕನು 12 ಕಿ.ಮೀ ಎಳೆದುಕೊಂಡು ಹೋಗಿದ್ದರಿಂದ ಯುವತಿಯು ದಾರುಣವಾಗಿ ಮೃತಪಟ್ಟಿದ್ದಳು. ಈ ಪ್ರಕರಣ ದೇಶಾದ್ಯಂತ ಸುದ್ದಿಯಾಗಿದೆ.
ಇದನ್ನೂ ಓದಿ | Heeraben Modi | ಪ್ರಧಾನಿ ಮೋದಿ ತಾಯಿ ನಿಧನಕ್ಕೆ ಸಂತಾಪ ಸೂಚಿಸಿದ ಶಾರುಖ್‌ ಖಾನ್‌