ನವದೆಹಲಿ: ನೇರ ನಡೆ, ದಿಟ್ಟ ಮಾತು, ಯಾರ ಬಗ್ಗೆಯೂ ಟೀಕೆಗಳನ್ನು ವ್ಯಕ್ತಪಡಿಸಲು ಹಿಂಜರಿಯದ ಕಾರಣ ಬಿಜೆಪಿ ಮುಖಂಡ ಸುಬ್ರಮಣಿಯನ್ ಸ್ವಾಮಿ (Subramanian Swamy) ಅವರು ಅಪಾರ ಅಭಿಮಾನಿಗಳನ್ನೂ, ಬೆಂಬಲಿಗರನ್ನೂ ಹೊಂದಿದ್ದಾರೆ. ಆದರೆ, “ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರಿಗೆ ರಾಮ ಪೂಜೆ ಮಾಡುವ ಹಕ್ಕಿದೆಯೇ” ಎಂದು ಸುಬ್ರಮಣಿಯನ್ ಸ್ವಾಮಿ ಅವರು ಎಕ್ಸ್‌ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದು, ನೆಟ್ಟಿಗರು ಸುಬ್ರಮಣಿಯನ್ ಸ್ವಾಮಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
“ರಾಜಕೀಯವಾಗಿ ಯಾವುದೇ ಭಿನ್ನಾಭಿಪ್ರಾಯ ಇದ್ದರೂ ನೀವು ಮೋದಿ ಜತೆಗೆ ಇರಬೇಕು. ಎಲ್ಲ ಭಿನ್ನಾಭಿಪ್ರಾಯ ಬದಿಗಿಟ್ಟು ನೀವು ರಾಮಮಂದಿರ ಉದ್ಘಾಟನೆಯ ಸುವರ್ಣ ಘಳಿಗೆಯಲ್ಲಿ ಭಾಗಿಯಾಗಿ. ಶತಮಾನಗಳ ಹೋರಾಟದ ಭಾಗವಾಗಿ ರಾಮಮಂದಿರದ ಕನಸು ನನಸಾಗುತ್ತಿರುವುದು ಅದ್ಭುತವಲ್ಲವೇ” ಎಂದು ದಿವ್ಯಾ ಕಾಮತ್‌ ಎಂಬುವರು ಪ್ರತಿಕ್ರಿಯಿಸಿದ್ದಾರೆ. ಆ ಮೂಲಕ ಸುಬ್ರಮಣಿಯನ್ ಸ್ವಾಮಿ ಅವರ ಅಭಿಪ್ರಾಯವನ್ನು ಖಂಡಿಸಿದ್ದಾರೆ.
Sir, regardless of any political disagreements you may have with Modi, I urge you to set them aside and simply embrace the joyous occasion of the Ram Mandir inaugurations..
— Divya Kamat (@divi_tatatal) December 27, 2023
Isn't it wonderful that a long-awaited dream for Hindus has finally become a reality after centuries?
ಗೌತಮ ಬುದ್ಧನೂ ಪತ್ನಿಯನ್ನೂ ತೊರೆದಿದ್ದ!
ಸ್ಟುಡೆಂಟ್‌ ಆಫ್‌ ಸಂಸ್ಕೃತ ಎಂಬ ಖಾತೆಯಿಂದಲೂ ಸುಬ್ರಮಣಿಯನ್ ಸ್ವಾಮಿ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ. “ಗೌತಮ ಬುದ್ಧನೂ ಪತ್ನಿಯನ್ನು ತೊರೆದಿದ್ದ. ಸ್ವಾಮಿ ದಯಾನಂದ ಸರಸ್ವತಿಯವರೂ ಪತ್ನಿಯನ್ನು ಬಿಟ್ಟಿದ್ದರು. ಇತಿಹಾಸದುದ್ದಕ್ಕೂ ಇಂತಹ ತ್ಯಾಗಗಳನ್ನು ಸ್ಮರಿಸಲಾಗುತ್ತದೆ. ನಿಮ್ಮಂತಹವರು ಮಾತ್ರ ಇತಿಹಾಸದಲ್ಲಿ ಯಾವುದೇ ಸ್ಥಾನ ಪಡೆಯುವುದಿಲ್ಲ” ಎಂದು ಜಾಡಿಸಲಾಗಿದೆ.
Gautam Buddha abandoned his wife.
— Student of Sanskrit (@LiberalRW) December 27, 2023
Like Modi, even Swami Dayanand Saraswati abandoned material life and left home before his parents were to get him married. History is full of people who make sacrifices and they are remembered. Whereas, pathetic sore losers like yourself are…
ಇದನ್ನೂ ಓದಿ: Ram Mandir: ರಾಮಮಂದಿರ ಆತ್ಮನಿರ್ಭರತೆಯ ಸಂಕೇತ; ಹೇಗೆ ಅಂತೀರಾ? ಇಲ್ಲಿದೆ ಮಾಹಿತಿ
“ನರೇಂದ್ರ ಮೋದಿ ಅವರ ಬಳಿ ಆಂಜನೇಯನ ಗುಣ ಇದೆ. ಅವರೊಬ್ಬ ರಾಜಕಾರಣಿ ಎನ್ನುವುದಕ್ಕಿಂತ ಹೆಚ್ಚಾಗಿ ರಾಷ್ಟ್ರೀಯವಾದಿ ಆಗಿದ್ದಾರೆ. ದೇಶದಲ್ಲಿ ರಾಮಮಂದಿರ ಉದ್ಘಾಟಿಸಲು ಎಲ್ಲ ರಾಜಕಾರಣಿಗಳಿಗಿಂತ ಹೆಚ್ಚು ಅರ್ಹತೆಯನ್ನು ನರೇಂದ್ರ ಮೋದಿ ಹೊಂದಿದ್ದಾರೆ. ಅವರು ರಾಮಲಲ್ಲಾನ ಪ್ರಾಣಪ್ರತಿಷ್ಠಾಪನೆ ಮಾಡುವುದನ್ನು ನೋಡಲು ನಾವು ಕಾಯುತ್ತಿದ್ದೇವೆ” ಎಂದು ನಟರಾಜನ್‌ ಎಂಬುವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ModI is more human, nationalist, religious than any politician in this country. He is the most qualified person to do anything in that temple than any politician in india. We are so happy and excited to see him in the prana prathishta event.
— 🇮🇳 Natarajan 🇮🇳 (@natrajan22) December 27, 2023
ಹಾಗೆಯೇ, “ರಾಮಮಂದಿರ ನಿರ್ಮಾಣದ ಹಿಂದೆ ನರೇಂದ್ರ ಮೋದಿ ಅವರ ಶ್ರಮ ತುಂಬ ಇದೆ. ಅವರೇ ರಾಮಮಂದಿರ ಉದ್ಘಾಟಿಸಬೇಕು” ಎಂದು ಮತ್ತೊಬ್ಬರು ಹೇಳಿದ್ದಾರೆ. ಇನ್ನೊಬ್ಬರು ಪ್ರತಿಕ್ರಿಯಿಸಿ, “ನರೇಂದ್ರ ಮೋದಿ ಅವರೇ ರಾಮಮಂದಿರವನ್ನು ಉದ್ಘಾಟಿಸಬೇಕು. ಅವರ ಆಡಳಿತದಲ್ಲಿ ರಾಮಮಂದಿರ ಕನಸು ನನಸಾಗಿದೆ ಎಂದರೆ, ಅವರೇ ಉದ್ಘಾಟಿಸಬೇಕು” ಎಂದಿದ್ದಾರೆ. “ನಿಮಗೆ ಏನಾಗಿದೆ? ನಿಜವಾಗಿಯೂ ನೀವೇ ಪೋಸ್ಟ್‌ ಮಾಡುತ್ತಿದ್ದೀರಾ? ರಾಜಕೀಯವಾಗಿ ಏಳಿಗೆ ಹೊಂದದ ನೀವು ಇಂತಹ ಮಟ್ಟಕ್ಕೆ ಇಳಿಯಬಾರದಿತ್ತು” ಎಂದು ಮಗದೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
ಸುಬ್ರಮಣಿಯನ್ ಸ್ವಾಮಿ ಹೇಳಿದ್ದೇನು?
“ಅಯೋಧ್ಯೆಯಲ್ಲಿ ರಾಮಲಲ್ಲಾ ಮೂರ್ತಿಗೆ ಪ್ರಾಣ ಪ್ರತಿಷ್ಠಾಪನೆ ಮಾಡಲು ಮೋದಿ ಅವರನ್ನು ರಾಮಭಕ್ತರು ಹೇಗೆ ಬಿಡುತ್ತಾರೆ? ಶ್ರೀರಾಮನು ಸೀತೆಯನ್ನು ರಕ್ಷಿಸಲು ಒಂದೂವರೆ ದಶಕವನ್ನು ಕಾಡಿನಲ್ಲೇ ಕಳೆದ, ಹೋರಾಡಿದ. ಹೆಂಡತಿಯನ್ನೇ ತೊರೆದ ನರೇಂದ್ರ ಮೋದಿ ಅವರು ಹೇಗೆ ಪೂಜೆ ಮಾಡಲು ಅರ್ಹರು” ಎಂದು ಸುಬ್ರಮಣಿಯನ್ ಸ್ವಾಮಿ ಪೋಸ್ಟ್‌ ಮಾಡಿದ್ದಾರೆ.
How can we Ram bhakts allow Modi to join the performing of the Pran Prathishta Puja of the Ram Lala murti in Ayodhya, when Ram spent almost one and half decades, and waged a war, to rescue his wife Sita? Modi is instead known for abandoning his wife, and yet he will do the puja?
— Subramanian Swamy (@Swamy39) December 27, 2023
ಸುಬ್ರಮಣಿಯನ್ ಸ್ವಾಮಿ ಅವರ ಪೋಸ್ಟ್‌ಗೆ ಸಾವಿರಾರು ಜನ ಪ್ರತಿಕ್ರಿಯಿಸಿದ್ದಾರೆ. ಇವರಲ್ಲಿ ಕೆಲವರು ಮಾತ್ರ ಸ್ವಾಮಿ ಅವರ ಅಭಿಪ್ರಾಯವನ್ನು ಒಪ್ಪಿದರೆ, ಹೆಚ್ಚಿನ ಜನ ತಿರುಗೇಟು ನೀಡಿದ್ದಾರೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ