ಮುಂಬೈ: ತಮ್ಮ ಬೋಲ್ಡ್ ಉಡುಗೆಗಳಿಂದಾಗಿ ಇಂಟರ್ನೆಟ್‌ನಲ್ಲಿ ಸಖತ್ ಸುದ್ದಿಯಾಗುವ ಕಿರು ತೆರೆ ನಟಿ ( television actress) ಉರ್ಫಿ ಜಾವೇದ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ(Urfi Javed Hospitalised). ನಟಿ ಆಸ್ಪತ್ರೆಯ ಹಾಸಿಗೆಯಲ್ಲಿರುವ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ(Photo Viral). ಈ ಕುರಿತಾದ ಮಾಹಿತಿಯನ್ನು ಉರ್ಫಿ ಅವರು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಷೇರ್ ಮಾಡಿದ್ದರು. ಆದರೆ, ಬಳಿಕ ಡಿಲಿಟ್ ಮಾಡಿದ್ದರು. ಅವರು ಯಾವ ಅನಾರೋಗ್ಯದಿಂದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆಂದು ತಿಳಿದು ಬಂದಿಲ್ಲ.
ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಫೋಟೋದಲ್ಲಿ ಉರ್ಫಿ ಜಾವೇದ್ ಅವರು ಆಸ್ಪತ್ರೆಯ ಬೆಡ್‌ ಮೇಲೆ ಮಲಗಿದ್ದು, ಮುಖಕ್ಕೆ ಮಾಸ್ಕ್ ಇರುವುದನ್ನು ಕಾಣಬಹುದು. ಉರ್ಫಿ ಯಾವ ಕಾರಣಕ್ಕಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆಂಬುದು ತಿಳಿದು ಬಂದಿಲ್ಲ. ಹಲವು ನೆಟ್ಟಿಗರು, ಕಮೆಂಟ್ ಮಾಡಿ ತಮ್ಮ ಕಾಳಜಿಯನ್ನು ವ್ಯಕ್ತಪಡಿಸಿದ್ದಾರೆ. ಬೇಗ ಗುಣಮುಖವಾಗಲಿ ಎಂದು ಹಲವರು ಹಾರೈಸಿದ್ದಾರೆ.
#UrfiJaved HOSPITALIZED; shares health update on social mediahttps://t.co/asbr4ihgXh pic.twitter.com/WSYjCD8RBI
— Telly Talk (@TellyTalkIndia) January 4, 2024
ಉರ್ಫಿ ಜಾವೇದ್ ಖಾತೆ ಸಸ್ಪೆಂಡ್
ಸಮುದಾಯ ಮಾರ್ಗಸೂಚಿಗಳನ್ನು ಅನುಸರಿಸದ ಕಾರಣ ತಮ್ಮ ಇನಸ್ಟಾ ಖಾತೆಯನ್ನು ಅಮಾನತುಗೊಳಿಸಲಾಗಿದೆ ಎಂದು ಅವರು ಇತ್ತೀಚೆಗೆ ಹೇಳಿಕೊಂಡಿದ್ದರು. ಆದಾಗ್ಯೂ, ಇದು ಮೊದಲ ಬಾರಿಯೇನೂ ಉರ್ಫಿ ಅವರ ಖಾತೆ ಸಸ್ಪೆಂಡ್ ಆಗಿಲ್ಲ. ಈ ಹಿಂದೆಯೂ ಅನೇಕ ಬಾರಿ ಅವರ ಖಾತೆಯನ್ನು ಅಮಾನತು ಮಾಡಲಾಗಿದೆ. ಇನ್‌ಸ್ಟಾ ಪೇರೆಂಟ್ ಕಂಪನಿ ಮೆಟಾಗೆ ಪತ್ರ ಬರೆದಿದ್ದ ಅವರು, ಖಾತೆಯನ್ನು ಅಮಾನತು ಮಾಡಿದ್ದರ ಬಗ್ಗೆ ತಮ್ಮ ಅಸಮಾಧಾನವನ್ನು ಹಂಚಿಕೊಂಡಿದ್ದರು.
ಸ್ಕ್ರೀನ್‌ಶಾಟ್‌ಗಳ ಬಂಡಲ್ ಅನ್ನು ಹಂಚಿಕೊಂಡಿದ್ದ ಉರ್ಫಿ ಜಾವೇದ್ ಅವರು, ನನ್ನ ಇನ್‌ಸ್ಟಾ ಖಾತೆ ಸಾಕಷ್ಟು ತಾಂತ್ರಿಕ ತೊಂದರೆಗಳನ್ನು ಎದುರಿಸುತ್ತಿದೆ. ಒಂದೇ ವಾರದಲ್ಲಿ ನನ್ನ ಖಾತೆ ಡಿಆ್ಯಕ್ಟಿವೇಟ್ ಆಗಿದೆ. ಇತರ ವೃತ್ತಿಪರ ಡ್ಯಾಶ್‌ಬೋರ್ಡ್‌ಗಳು ದೋಷವನ್ನು ತೋರಿಸುತ್ತವೆ. ಮಾರ್ಗಸೂಚಿಗಳನ್ನು ಉಲ್ಲಂಘಿಸಲಾಗಿದೆ ಮತ್ತು ನಂತರ ಅದನ್ನು ಮತ್ತೆ ಮರು ಪೋಸ್ಟ್ ಮಾಡಲಾಗುವುದು ಎಂದು ಪ್ರತಿದಿನ ನನ್ನ ಪೋಸ್ಟ್‌ನಲ್ಲಿ ನಾನು ಅಧಿಸೂಚನೆಯನ್ನು ಪಡೆಯುತ್ತಿದ್ದೇನೆ. ಪ್ರತಿ ಬಾರಿ ನಾನು ಏನನ್ನಾದರೂ ಪೋಸ್ಟ್ ಮಾಡುತ್ತೇನೆ ಅನುಯಾಯಿಗಳ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗುತ್ತದೆ. ನಂತರ ಮತ್ತೆ ಹೆಚ್ಚಾಗುತ್ತದೆ. ಮತ್ತೆ ಕಡಿಮೆಯಾಗುತ್ತದೆ. ಇದು ರೋಲರ್ ಕೋಸ್ಟರ್‌ನಂತಿದೆ. ಇದಕ್ಕೆ ಮೆಟಾ ಕಂಪನಿ ಪ್ರತಿಕ್ರಿಯಿಸಬೇಕು ಎಂದು ಅವರು ಹೇಳಿದ್ದಾರೆ.
ಉರ್ಫಿ ಜಾವೇದ್ ಅವರು, ಯೇ ರಿಶ್ತಾ ಕ್ಯಾ ಕೆಹ್ಲಾತಾ ಹೈ ಮತ್ತು ಕಸೌತಿ ಜಿಂದಗಿ ಕೇ ಸೇರಿದಂತೆ ಹಲವಾರು ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಬಿಗ್ ಬಾಸ್ ಒಟಿಟಿಯಲ್ಲಿ ಭಾಗವಹಿಸಿದ ನಂತರ ಅವರು ಹೆಚ್ಚು ಜನಪ್ರಿಯವಾದರು. ಸಾಕಷ್ಟು ಬೋಲ್ಡ್ ಉಡುಗೆ ತೊಟ್ಟು ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಷೇರ್ ಮಾಡುವ ಮೂಲಕ ಯಾವಾಗಲೂ ಸುದ್ದಿಯಲ್ಲಿರುತ್ತಾರೆ.
ಈ ಸುದ್ದಿಯನ್ನೂ ಓದಿ: Urfi Javed: ಹಿಂದು ಯುವಕನ ಜತೆ ಉರ್ಫಿ ಜಾವೇದ್ ನಿಶ್ಚಿತಾರ್ಥ? ಹೋಮಕುಂಡದ ಬಳಿ ಕುಳಿತು ಪೂಜೆ ಮಾಡಿದ ನಟಿ!