Viral News: ಬಂಗಾರದ ಆಭರಣಗಳ ಅಂಗಡಿಗಳಿಗೆ ಸಾಮಾನ್ಯ ಗ್ರಾಹಕರಂತೆ ಬಂದು ಬಳಿಕ ಚಿನ್ನ ಕದ್ದು ಹೋಗುವ ಕಳ್ಳರ ವಿಡಿಯೊಗಳು ಆಗಾಗ ಸೋಷಿಯಲ್‌ ಮೀಡಿಯಾಗಳಲ್ಲಿ ವೈರಲ್‌ ಆಗುತ್ತಲೇ ಇರುತ್ತವೆ. ಈಗ ಮತ್ತೊಂದು ಅಂಥದ್ದೇ ವಿಡಿಯೋ ಶೇರ್‌ ಆಗುತ್ತಿದೆ. ಮಹಿಳೆಯೊಬ್ಬಳು ಎಷ್ಟು ಚಾಲಾಕಿತನದಿಂದ ಬಂಗಾರ ಕದಿಯುತ್ತಾಳೆ ಎಂಬುದನ್ನಿಲ್ಲಿ ನೋಡಬಹುದು. ಇದೊಂದು ಸಿಸಿಟಿವಿ ದೃಶ್ಯ. ವಿಡಿಯೊ ನೋಡಿದ ನೆಟ್ಟಿಗರಂತೂ ಈಕೆ ಪಕ್ಕಾ ʼಫೋರ್‌ ಟ್ವೆಂಟಿ-ಆಂಟಿʼ ಎಂದೇ ಕಮೆಂಟ್‌ ಮಾಡುತ್ತಿದ್ದಾರೆ. ಹಾಗಿದ್ದಾಗ್ಯೂ ಈಕೆ ಬಂಗಾರ ಕದ್ದ ವಿಧಾನ ತುಂಬ ರಿಸ್ಕಿ ಕೂಡ ಹೌದು..!
ಇದನ್ನೂ ಓದಿ | Viral Video: ಶಾಲಾ ಸಮವಸ್ತ್ರದಲ್ಲಿಯೇ ಬೀದಿಯಲ್ಲಿ ಬಡಿದಾಡಿಕೊಂಡ ಹುಡುಗಿಯರು
ಇಬ್ಬರು ಮಹಿಳೆಯರು ಬಂಗಾರದ ಆಭರಣಗಳ ಅಂಗಡಿಯೊಂದಕ್ಕೆ ಹೋಗಿ ಅಕ್ಕಪಕ್ಕ ಕುಳಿತಿದ್ದಾರೆ. ಅಂಗಡಿಯಾತ ಇವರಿಗೆ ಆಭರಣಗಳನ್ನು ತೋರಿಸುವುದರಲ್ಲಿ ತೊಡಗಿದ್ದಾನೆ. ಮಹಿಳೆಯರು ಚಿಕ್ಕ ಓಲೆಯನ್ನೋ, ಉಂಗುರವನ್ನೋ ನೋಡುತ್ತಿದ್ದರು. ಅದರಂತೆ ಆತ ತನ್ನ ಹಿಂಭಾಗದಲ್ಲಿದ್ದ ವಿವಿಧ ಮಾದರಿಯ ಆಭರಣಗಳನ್ನು ತೆಗೆದು ಮಹಿಳೆಯರ ಎದುರು ಇಡುತ್ತಿದ್ದ. ಆತ ಇನ್ನೊಂದಷ್ಟು ಜ್ಯುವೆಲರಿ ತೆಗೆಯಲು ಹಿಂದಿರುಗಿದ ಹೊತ್ತಲ್ಲಿ ಒಬ್ಬಾಕೆ ಒಂದು ಚಿಕ್ಕ ಚಿನ್ನದ ಆಭರಣವನ್ನು ತೆಗೆದು ತನ್ನ ಬಾಯಲ್ಲಿ ಹಾಕಿಕೊಂಡಿದ್ದಾಳೆ. ಅದನ್ನೇನು ನುಂಗಿದಳೋ, ಹಾಗೇ ಬಾಯಲ್ಲೇ ಇಟ್ಟುಕೊಂಡಳೋ ಸ್ಪಷ್ಟವಾಗಲಿಲ್ಲ. ಆದರೆ ವಿಡಿಯೊದಲ್ಲಿ ಆಕೆ ಬಾಯಲ್ಲಿ ಹಾಕಿಕೊಂಡಿದ್ದು ಸರಿಯಾಗಿ ಕಾಣುತ್ತಿದೆ. ಅಂದಹಾಗೇ, ಈ ವಿಡಿಯೊ ಹಳೆಯದಾಗಿದ್ದು, ಈಗ ಮತ್ತೆ ವೈರಲ್‌ ಆಗುತ್ತಿದೆ.
memes.bks ಎಂಬ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಈ ವಿಡಿಯೊ ಶೇರ್‌ ಆಗಿದ್ದು, 12 ಸಾವಿರಕ್ಕೂ ಅಧಿಕ ವೀವ್ಸ್‌ ಕಂಡಿದೆ. 1200ಕ್ಕೂ ಹೆಚ್ಚಿನ ಜನರು ಲೈಕ್ಸ್‌ ಮಾಡಿ, ಅನೇಕರು ಕಮೆಂಟ್‌ ಮಾಡಿದ್ದಾರೆ. ಮಹಿಳೆಯ ಚಾಲಾಕಿತನವನ್ನು ಅನೇಕರು ಹೊಗಳಿದ್ದರೂ, ಇದು ಕೆಟ್ಟ ಕೆಲಸ ಎಂದೇ ಅಭಿಪ್ರಾಯಪಟ್ಟಿದ್ದಾರೆ. ಗಂಟಲಲ್ಲಿ ಸಿಕ್ಕಿದ್ರೆ ಪ್ರಾಣ ಹೋಗತ್ತೆ ಎಂಬ ಎಚ್ಚರಿಕೆಯನ್ನೂ ನೀಡಿದ್ದಾರೆ.
ಇದನ್ನೂ ಓದಿ | ಸೇನಾ ಕ್ಯಾಂಪ್‌ ಮೇಲೆ ಬಾಂಬ್‌ ಎಸೆದ ಬುರ್ಖಾಧಾರಿ ಮಹಿಳೆ: ವಿಡಿಯೋ ವೈರಲ್‌