ಲಖನೌ: ಶಿಕ್ಷಕ ಎಂದರೆ ಹೇಗಿರಬೇಕು? ವಿದ್ಯಾರ್ಥಿಗಳು ತಪ್ಪು ಮಾಡಿದಾಗ ತಿದ್ದಿ, ಸರಿಯಾಗಿ ವಿದ್ಯಾಭ್ಯಾಸ ಮಾಡುವವರನ್ನು ಹೊಗಳಿ, ಅವರಿಗೆ ಉತ್ತೇಜನ ನೀಡಿ, ಅವರ ಭವಿಷ್ಯ ಉಜ್ವಲವಾಗುವಂತೆ ಮಾಡಬೇಕು. ದೊಡ್ಡ ತಪ್ಪು ಮಾಡಿದಾಗ ಗದರಿ ಬುದ್ಧಿ ಹೇಳಬೇಕು. ಅದರಲ್ಲೂ, ಪ್ರಾಥಮಿಕ ಶಾಲೆ ಶಿಕ್ಷಕರಂತೂ ಪ್ರತಿ ಹೆಜ್ಜೆಯಲ್ಲೂ ಮಕ್ಕಳನ್ನು ತಿದ್ದಬೇಕು. ಆದರೆ, ಉತ್ತರ ಪ್ರದೇಶದಲ್ಲಿ ಪ್ರಾಥಮಿಕ ಶಾಲೆ ಶಿಕ್ಷಕನೊಬ್ಬ ಆರೇಳು ವರ್ಷದ ವಿದ್ಯಾರ್ಥಿನಿ ಜತೆ ಅಸಭ್ಯವಾಗಿ ವರ್ತಿಸಿ ಶಿಕ್ಷಕ ವೃತ್ತಿಗೇ ದ್ರೋಹ (Viral Video) ಬಗೆದಿದ್ದಾನೆ.
ಬಹ್ರೈಚ್‌ ಜಿಲ್ಲೆಯ ಶಿವಪುರ ಬೈರಾಗಿ ಪ್ರಾಥಮಿಕ ಶಾಲೆಯಲ್ಲಿ ಹಂಗಾಮಿ ಮುಖ್ಯೋಪಾಧ್ಯಾಯನಾಗಿರುವ ದುರ್ಗಾ ಪ್ರಸಾದ್‌ ಜೈಸ್ವಾಲ್‌ ಎಂಬಾತನು ಬಾಲಕಿಯನ್ನು ಪಕ್ಕಕ್ಕೆ ಕರೆದಿದ್ದಾನೆ. ಆ ಮುಗ್ಧ ಮಗುವನ್ನು ಕರೆದು, ಆಕೆಯ ಜತೆ ಅಸಭ್ಯವಾಗಿ ವರ್ತಿಸಿದ್ದಾನೆ. ಈತನ ನೀಚ ಕೃತ್ಯವನ್ನು ವ್ಯಕ್ತಿಯೊಬ್ಬರು ರೆಕಾರ್ಡ್‌ ಮಾಡಿದ್ದು, ವಿಡಿಯೊ ಜಾಲತಾಣದಲ್ಲಿ ಹರಿದಾಡಿದೆ. ಕೊನೆಗೆ ಮೇಲಧಿಕಾರಿಯು ಶಿಕ್ಷಕನನ್ನು ಅಮಾನತುಗೊಳಿಸಿದ್ದಾರೆ ಎಂದು ತಿಳಿದುಬಂದಿದೆ.
ಶಿಕ್ಷಕನ ನೀಚ ಕೃತ್ಯ
राक्षस भी बच्चों पर रहम खाते हैं, तुम कौन से कचड़े से पैदा हुए हो?
— Ashutosh Tripathi (@tripsashu) July 26, 2023
देखिए इस हैवान को ये एक अध्यापक है, स्कूल में पढ़ने वाली अबोध छात्राओं के साथ अश्लील हरकत कर रहा है।
वीडियो बहराइच के विशेश्वरगंज विकासखंड के प्राथमिक विद्यालय शिवपुर बैरागी का है। pic.twitter.com/RhunB4JOAI
ಐದಾರು ತಿಂಗಳಿಂದ ಅಸಭ್ಯ ವರ್ತನೆ
ದುರ್ಗಾ ಪ್ರಸಾದ್‌ ಜೈಸ್ವಾಲ್‌ ಎಂಬ ವಿಕೃತ ಶಿಕ್ಷಕನು ಕಳೆದ ಐದಾರು ತಿಂಗಳಿಂದ ಇಂತಹ ಕೃತ್ಯಗಳಲ್ಲಿ ತೊಡಗಿದ್ದಾನೆ ಎಂದು ತಿಳಿದುಬಂದಿದೆ. ಸ್ಟಾಫ್‌ ರೂಮಿನಲ್ಲೇ ಬೆತ್ತಲಾಗಿ ಮಲಗುವುದು, ವಿದ್ಯಾರ್ಥಿನಿಯರ ಜತೆ ಅಸಭ್ಯವಾಗಿ ವರ್ತಿಸುವುದು ಹೆಚ್ಚಾಗಿತ್ತು. ಆದರೀಗ, ಆತನು ಸಾಕ್ಷ್ಯ ಸಮೇತ ಸಿಕ್ಕಿಬಿದ್ದಿದ್ದಾನೆ. ವಿಡಿಯೊ ಲಭ್ಯವಾದ ಬಳಿಕ ಗ್ರಾಮದ ಜನರು ಶಿಕ್ಷಕನ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈತನ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.
ಇದನ್ನೂ ಓದಿ: Viral Video: ಮಳೆಯಲಿ ಮಿಂದ ಹೂವಿನ ಹಾಗೆ… ಮಳೆ ನೀರಲ್ಲಿ ನೆನೆದು ಮಸ್ತ್‌ ಡಾನ್ಸ್‌ ಮಾಡಿದ ಯುವತಿ
ಶಿಕ್ಷಣಾಧಿಕಾರಿ ಮನಮೋಹನ್‌ ಅವರು ದುರ್ಗಾ ಪ್ರಸಾದ್‌ ಜೈಸ್ವಾಲ್‌ನನ್ನು ಅಮಾನತುಗೊಳಿಸಿದ್ದಾರೆ. ಅಲ್ಲದೆ, ಈತನ ವಿರುದ್ಧ ತನಿಖೆ ನಡೆಸುತ್ತಿದ್ದು, ಫೋಟೊ ಹಾಗೂ ವಿಡಿಯೊವನ್ನು ಪರಿಶೀಲನೆ ನಡೆಸಲು ಆದೇಶಿಸಿದ್ದಾರೆ. ತನಿಖಾ ವರದಿ ಬಂದ ಬಳಿಕ ಶಿಕ್ಷಕನ ವಿರುದ್ಧ ಕೇಸ್‌ ದಾಖಲಿಸುವುದಾಗಿ ತಿಳಿಸಿದ್ದಾರೆ. ಆದಾಗ್ಯೂ, ಕಾಮುಕನ ವಿರುದ್ಧ ಗ್ರಾಮದ ಜನರು ಪ್ರಕರಣ ದಾಖಲಿಸಿಲ್ಲ ಎಂದು ತಿಳಿದುಬಂದಿದೆ.