ಬೆಂಗಳೂರು: ಜಾಗತಿಕವಾಗಿ ಅತ್ಯಂತ ಹೆಚ್ಚು ಬಳಕೆಯಲ್ಲಿರುವ ಮೆಸೇಜಿಂಗ್ ಆ್ಯಪ್ ವಾಟ್ಸ್ಆ್ಯಪ್ (WhatsApp) ತನ್ನ ಯೂಸರ್ ಇಂಟರ್ಫೇಸ್ನಲ್ಲಿ (User Interface) ಗಮನಾರ್ಹ ಬದಲಾವಣೆ ಮಾಡಿದೆ. ಮೆಟಾ ಒಡೆತನದ ಮೆಸೇಜಿಂಗ್ ಸೇವೆಯ ಆ್ಯಂಡ್ರಾಯ್ಡ್ ಫೋನ್ಗಳಿಗೆ (Android Smartphones) ಮೇಲ್ಭಾಗದಲ್ಲಿರುವ ನಾಲ್ಕು ನ್ಯಾವಿಗೇಷನ್ ಟ್ಯಾಬ್ ಗಳನ್ನು ಕೆಳಭಾಗಕ್ಕೆ ತಂದಿದೆ. ಅಪ್ಡೇಟ್ ಆಗಿರುವ ಇಂಟರ್ಫೇಸ್ ಅನ್ನು ಕಳೆದ ಕೆಲವು ತಿಂಗಳುಗಳಿಂದ ಅಪ್ಲಿಕೇಶನ್ನ ಬೀಟಾ ಆವೃತ್ತಿಯಲ್ಲಿ ಸಕ್ರಿಯಗೊಳಿಸಲಾಗಿತ್ತು. ಇದೀಗ ಎಲ್ಲಾ ಬಳಕೆದಾರರಿಗೆ ನೀಡಲಾಗಿದೆ. ಹೊಸ ವಿನ್ಯಾಸವು ಬಳಕೆದಾರರಿಗೆ ಫೋನ್ ಅನ್ನು ಒಂದು ಕೈಯಿಂದ ಬಳಸಲು ಅನುಕೂಲ ಮಾಡಿಕೊಡುತ್ತದೆ. ಒಂದು ವೇಳೆ ನಿಮ್ಮ ಫೋನ್ನಲ್ಲಿ ಈ ಫೀಚರ್ ಬಂದಿಲ್ಲವಾದರೆ ತಕ್ಸಣವೇ ಅಪ್ಡೇಟ್ ಮಾಡಿಕೊಳ್ಳಿ.
ಆಂಡ್ರಾಯ್ಡ್ ಫೋನ್ಗಳಲ್ಲಿ ಹೊಸ ಬಾಟಮ್ ನ್ಯಾವಿಗೇಷನ್ ಬಾರ್ ಅನ್ನು ಹೊರತಂದಿರುವುದಾಗಿ ವಾಟ್ಸ್ಆ್ಯಪ್ ಎಕ್ಸ್ನಲ್ಲಿ ಘೋಷಿಸಿದೆ. ಹಳೆಯ ಇಂಟರ್ಫೇಸ್ನ ಚಿತ್ರಗಳನ್ನು ಪೋಸ್ಟ್ ಮಾಡಿದೆ. ಹಳೆ ಟ್ಯಾಬ್ನಲ್ಲಿ ಕಮ್ಯುನಿಟಿ, ಚಾಟ್, ಸ್ಟೇಟಸ್ ಹಾಗೂ ಆಯ್ಕೆಯನ್ನು ನೀಡಲಾಗಿತ್ತು. ಕೆಳಕ್ಕೆ ತರಲಾದ ಟ್ಯಾಬ್ನಲ್ಲಿ ಚಾಟ್, ಅಪ್ಟೇಡ್, ಕಮ್ಯುನಿಟಿ ಮತ್ತು ಕಾಲ್ ಆಯ್ಕೆಯನ್ನು ನೀಡಲಾಗಿದೆ.
android friends, we moved some things around to make it easier to access what you need, when you need it
— WhatsApp (@WhatsApp) March 28, 2024
meet your new navigation tools 🤝 closer to your thumbs and easy on the eyes pic.twitter.com/CqLvZf9meo
ಇದು ನಿರೀಕ್ಷಿ ಸಮಯದ ಅವಧಿಯಲ್ಲಿ ಆಂಡ್ರಾಯ್ಡ್ ಆಧಾರಿತ ಪೋನ್ಗಳ ವಾಟ್ಸ್ಆ್ಯಪ್ ಇಂಟರ್ಫೇಸ್ನಲ್ಲಿ ಅತ್ಯಂತ ಗಮನಾರ್ಹ ಬದಲಾವಣೆಗಳಲ್ಲಿ ಒಂದು. ಅಪ್ಲಿಕೇಶನ್ ಮೇನ್ ನ್ಯಾವಿಗೇಷನ್ ಟ್ಯಾಬ್ಗಳನ್ನು ಹೆಬ್ಬೆರಳಿನ ಹತ್ತಿರವಾಗುವಂತೆ ಮಾಡಲಾಗಿದೆ. ಕೇವಲ ಒಂದು ಕೈಯಿಂದ ಬಳಸುವುದಾದರೂ ಅನುಕೂಲವಾಗಲಿದೆ. ನೀವು ಏನನ್ನಾದರೂ ಸರ್ಚ್ ಮಾಡಬೇಕಾದರೆ ಸ್ಕ್ರೀನ್ ಮೇಲ್ಭಾಗಕ್ಕೆ ಹೋಗಬೇಕಾಗುತ್ತದೆ.
ಇದನ್ನೂ ಓದಿ: ವಿಸ್ತಾರ ಸಂಪಾದಕೀಯ: ಡಿಜಿಟಲ್‌ ಇಂಡಿಯಾ ಬಗೆಗೆ ಬಿಲ್‌ ಗೇಟ್ಸ್‌ ಪ್ರಶಂಸೆ ಸ್ಫೂರ್ತಿದಾಯಕ
ಬೀಟಾ ಚಾನೆಲ್ನಲ್ಲಿ ತಿಂಗಳುಗಳ ಪರೀಕ್ಷೆಯ ನಂತರ ಕೆಳಗಿನ ನ್ಯಾವಿಗೇಷನ್ ಟ್ಯಾಬ್ಗಳನ್ನು ಅಂತಿಮವಾಗಿ ಬಳಕೆದಾರರಿಗೆ ನೀಡಲಾಗಿದೆ. ಭವಿಷ್ಯದಲ್ಲಿ ಅಪ್ಲಿಕೇಶನ್ ಇನ್ನಷ್ಟು ಫೀಚರ್ಗಳನ್ನು ಸೇರಿಸುವ ಸುಳಿವನ್ನು ಇದು ನೀಡಿದೆ. ಭಾರತದಲ್ಲಿ ಯುನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (ಯುಪಿಐ) ಬಳಸಿ ವಾಟ್ಸ್ಆ್ಯಪ್ ಅಪ್ಲಿಕೇಶನ್ ಮೂಲಕ ಅಂತಾರಾಷ್ಟ್ರೀಯ ಹಣಕಾಸು ವರ್ಗಾವಣೆಮಾಡುವ ಫೀಚರ್ ಅನ್ನು ಮೆಟಾ ಅಭಿವೃದ್ಧಿ ಮಾಡುತ್ತಿದೆ ಎನ್ನಲಾಗಿದೆ.
ಮೆಸೇಜಿಂಗ್ ಸೇವೆಯು ಅಪ್ಲಿಕೇಶನ್ಗೆ ಹೊಸ ಎಐ-ಚಾಲಿತ (ಕೃತಕ ಬುದ್ಧಿಮತ್ತೆ) ಫೀಚರ್ಗಳನ್ನು ಸೇರಿಸುವ ಕೆಲಸ ಮಾಡುತ್ತಿದೆ. ಅಪ್ಲಿಕೇಶನ್ನಲ್ಲಿ ಕೃತಕ ಬುದ್ಧಿಮತ್ತೆ (ಎಐ) ಬಳಸಿ ಸ್ಟಿಕ್ಕರ್ಗಳನ್ನು ರಚಿಸಲು ಬಳಕೆದಾರರಿಗೆ ಅನುಕೂಲ ಮಾಡಿಕೊಡಲಿದೆ. ಅಂತೆಯೇ, ವಾಟ್ಸಾಪ್ ಇತ್ತೀಚೆಗೆ ಎಐ-ಚಾಲಿತ ಇಮೇಜ್ ಎಡಿಟಿಂಗ್ ವೈಶಿಷ್ಟ್ಯಗಳನ್ನು ಅಭಿವೃದ್ಧಿಪಡಿಸುತ್ತಿರುವುದು ಮತ್ತು ಸರ್ಚ್ ಬಾರ್ ಮೂಲಕ ಮೆಟಾ ಎಐ ಪ್ರಶ್ನೆಗಳನ್ನೂ ಕೇಳುವ ಸೇವೆಯನ್ನೂ ಅಭಿವೃದ್ಧಿ ಮಾಡುತ್ತಿದೆ.