ಲಖನೌ: ಸಾಮಾನ್ಯ ನಾಗರಿಕರೊಂದಿಗೆ ನಿರಂತತ ಸಂವಹನವನ್ನು ಸ್ಥಾಪಿಸಲು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಹೊಸ ಉಪಕ್ರಮವೊಂದನ್ನು ಕೈಗೊಂಡಿದ್ದಾರೆ. ಸಾಮಾನ್ಯ ಜನರು ಮತ್ತು ಮುಖ್ಯಮಂತ್ರಿ ಕಚೇರಿಯ ನಡುವೆ ಸಂವಹನಕ್ಕೆ ಅನುಕೂಲವಾಗುವಂತೆ ಅವರ ತಂಡವು ‘ಮುಖ್ಯಮಂತ್ರಿ ಕಚೇರಿ, ಉತ್ತರ ಪ್ರದೇಶ’ ಎಂಬ ಹೊಸ ವಾಟ್ಸಾಪ್ ಚಾನೆಲ್ ಅನ್ನು ಪ್ರಾರಂಭಿಸಿದೆ. ಈ ಚಾನೆಲ್ ಮೂಲಕ ಜನರು ತಮ್ಮ ಆಲೋಚನೆಗಳು ಮತ್ತು ಕಳವಳಗಳನ್ನು ಸಿಎಂ ಕಚೇರಿಯೊಂದಿಗೆ ತಡೆರಹಿತವಾಗಿ ಹಂಚಿಕೊಳ್ಳಬಹುದು ಎಂದು ಸರ್ಕಾರದ ಪ್ರಕಟಣೆ ಶನಿವಾರ ತಿಳಿಸಿದೆ.
ಸಾಮಾನ್ಯ ನಾಗರಿಕರೊಂದಿಗೆ ಸಂವಹನ ನಡೆಸಲು ವಾಟ್ಸಾಪ್ ಚಾನೆಲ್ ಅನ್ನು ಬಳಸುವ ಈ ಉಪಕ್ರಮವನ್ನು ಕೈಗೊಂಡ ಮೊದಲ ಮುಖ್ಯಮಂತ್ರಿ ಸಿಎಂ ಯೋಗಿ ಆದಿತ್ಯನಾಥ್ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾಗಿದ್ದಾರೆ.
ಉತ್ತರ ಪ್ರದೇಶದ ಮುಖ್ಯಮಂತ್ರಿ ಕಚೇರಿಯ ಅಧಿಕೃತ ಹ್ಯಾಂಡಲ್ @CMOfficeUP ನಲ್ಲಿ ಈ ರೀತಿ ಬರೆಯಲಾಗಿದೆ. ಉತ್ತರ ಪ್ರದೇಶದ ಯಶಸ್ವಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಜಿ ಅವರಿಗೆ, ರಾಜ್ಯದ 25 ಕೋಟಿ ನಾಗರಿಕರು ‘ಒಂದು ಕುಟುಂಬ’. ಮುಖ್ಯಮಂತ್ರಿಯ ಸಮರ್ಥ ನಾಯಕತ್ವದಲ್ಲಿ, ಉತ್ತರ ಪ್ರದೇಶ ಸರ್ಕಾರವು ‘ಕುಟುಂಬದ’ ಪ್ರತಿಯೊಬ್ಬ ಸದಸ್ಯರ ಯೋಗಕ್ಷೇಮ ಮತ್ತು ಸಮೃದ್ಧಿಗಾಗಿ ಸಂಪೂರ್ಣ ಬದ್ಧತೆಯಿಂದ ಕೆಲಸ ಮಾಡುತ್ತಿದೆ. ಸಂವಹನವನ್ನು ಪ್ರಜಾಪ್ರಭುತ್ವದ ಆತ್ಮವೆಂದು ಪರಿಗಣಿಸುವ ಯೋಗಿ ಅವರು ‘ಉತ್ತರ ಪ್ರದೇಶ ಕುಟುಂಬದ’ ಪ್ರತಿಯೊಬ್ಬ ಸದಸ್ಯರೊಂದಿಗೆ ಸುಲಭ ಸಂವಹನಕ್ಕಾಗಿ ‘ಮುಖ್ಯಮಂತ್ರಿ ಕಚೇರಿ, ಉತ್ತರ ಪ್ರದೇಶ’ ಎಂಬ ಅಧಿಕೃತ ವಾಟ್ಸಾಪ್ ಚಾನೆಲ್ ಅನ್ನು ಪ್ರಾರಂಭಿಸಿದೆ.
ಇದನ್ನೂ ಓದಿ : CWC meet : ಸಿಡಬ್ಲ್ಯುಸಿ ಸಭೆಯಲ್ಲಿ ಮೋದಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ಖರ್ಗೆ; ಏನಂದರು ಅವರು?
ಸಂವಹನದ ಈ ಹೊಸ ಮತ್ತು ಪರಿಣಾಮಕಾರಿ ವೇದಿಕೆಯು ಸಾರ್ವಜನಿಕ ಕಲ್ಯಾಣ ಮತ್ತು ಸರ್ಕಾರದ ಉಪಕ್ರಮಗಳಿಗೆ ಸಂಬಂಧಿಸಿದ ಮಾಹಿತಿಯ ತ್ವರಿತ ಪ್ರಸಾರವನ್ನು ಖಚಿತಪಡಿಸುತ್ತದೆ ಎಂದು ಹೇಳಲಾಗಿದೆ. ಈ ಚಾನೆಲ್ ನ ವಿಶೇಷವೆಂದರೆ ಯಾರು ಬೇಕಾದರೂ ಸೇರಬಹುದು. ಮುಖ್ಯಮಂತ್ರಿ ಕಚೇರಿಯಿಂದ ನೇರ ಮತ್ತು ತ್ವರಿತ ಅಪ್ಡೇಟ್ಗಳಲ್ನು ಪಡೆಯಲು, ಈ ವಾಟ್ಸಾಪ್ ಚಾನೆಲ್ಗೆ ಸೇರಬಹುದಾಗಿದೆ.