ಮುಂಬಯಿ: ಮಹಿಳೆಯರ ಪ್ರೀಮಿಯರ್ ಲೀಗ್ನ 16ನೇ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಗುಜರಾತ್ ಜಯಂಟ್ಸ್ ತಂಡ ಎದುರಾಳಿ ಆರ್ಸಿಬಿಗೆ 189 ರನ್ಗಳ ಗೆಲುವಿನ ಸವಾಲೊಡ್ಡಿದೆ. ಗುಜರಾತ್ ತಂಡದ ಪರ ಆರಂಭಿಕ ಬ್ಯಾಟರ್ ಲಾರಾ ವೋಲ್ವರ್ತ್ (68) ಅರ್ಧ ಶತಕ ಬಾರಿಸಿದರೆ ಆಶ್ಲೀ ಗಾರ್ಡ್ನರ್ (41) ದೊಡ್ಡ ಮೊತ್ತ ಪೇರಿಸಲು ನೆರವಾದರು ಶ್ರೇಯಾಂಕ ಪಾಟೀಲ್ (17 ರನ್ಗಳಿಗೆ 2 ವಿಕೆಟ್) ಬಿಟ್ಟರೆ ಉಳಿದ ಬೌಲರ್ಗಳು ಗುಜರಾತ್ ತಂಡದ ಬ್ಯಾಟಿಂಗ್ ಅಬ್ಬರಕ್ಕೆ ಬೆಚ್ಚಿಬಿದ್ದರು.
ಇಲ್ಲಿನ ಬ್ರಬೊರ್ನ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರುವ ಹಣಾಹಣಿಯಲ್ಲಿ ಗುಜರಾತ್ ತಂಡದ ನಾಯಕಿ ಸ್ನೇಹಾ ರಾಣಾ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಅದಕ್ಕೆ ತಕ್ಕುದಾಗಿ ಆಡಿದ ತಂಡದ ಸದಸ್ಯರು ನಿಗದಿತ 20 ಓವರ್ಗಳ ಮುಕ್ತಾಯದ ವೇಳೆಗೆ 4 ವಿಕೆಟ್ ಕಳೆದುಕೊಂಡು 188 ರನ್ ಬಾರಿಸಿತು.
ಬ್ಯಾಟಿಂಗ್ ಆರಂಭಿಸಿದ ಗುಜರಾತ್ ತಂಡ ಉತ್ತಮ ಅರಂಭ ಪಡೆಯಿತು. ಸೋಫಿ ಡಂಕ್ಲಿ 16 ರನ್ ಬಾರಿಸಿದ ಔಟಾಗಿರುವ ಹೊರತಾಗಿಯೂ ಮೊದಲ ವಿಕೆಟ್ಗೆ 27 ರನ್ ಬಾರಿಸಿತು. ಬಳಿಕ ಆಡಲು ಬಂದ ಸಬ್ಬಿನೇನಿ ಮೇಘನಾ ನಿಧಾನಗತಿಯಲ್ಲಿ ಆಡಿ 31 ರನ್ ಬಾರಿಸಿದರು. ಆದರೆ, ಮತ್ತೊಂದು ತುದಿಯಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಲಾರಾ ವೋಲ್ವರ್ತ್ 42 ಎಸೆತಗಳಲ್ಲಿ 9 ಫೋರ್ ಹಾಗೂ 2 ಸಿಕ್ಸರ್ಗಳ ನೆರವಿನಿಂದ 62 ಬಾರಿಸಿದರು. ಮೇಘನಾ ಇನಿಂಗ್ಸ್ನಲ್ಲಿ 4 ಫೋರ್ಗಳು ಸೇರಿಕೊಂಡಿದ್ದವು.
ಮೇಘನಾ ಔಟಾದ ಬಳಿಕ ಆಡಲು ಬಂದ ಆ್ಯಶ್ಲ್ರೀ ಗಾರ್ಡ್ನರ್ ವಿಸ್ಫೋಟಕ ಬ್ಯಾಟಿಂಗ್ ನಡೆಸಿದರು. 6 ಫೋರ್ ಹಾಗೂ 1 ಸಿಕ್ಸರ್ ಸಮೇತ ಅವರ 41 ರನ್ ಬಾರಿಸಿದರು. ಕೊನೆಯಲ್ಲಿ ದಯಾಲನ್ ಹೇಮಲತಾ 6 ಎಸೆತಗಳಲ್ಲಿ 16 ರನ್ ಬಾರಿಸಿದರೆ, ಹರ್ಲಿನ್ ಡಿಯೋಲ್ 5 ಎಸೆತಗಳಿಗೆ 12 ರನ್ ಗಳಿಸಿದರು.
ಬೆಂಗಳೂರು ತಂಡದ ಪರ ಸೋಫಿ ಡಿವೈನ್ ಹಾಗೂ ಪ್ರೀತಿ ಬೋಸ್ ತಲಾ ಒಂದು ವಿಕೆಟ್ ಪಡೆದರು.
ಅದಕ್ಕಿಂತ ಮೊದಲು ಟಾಸ್ ಗೆದ್ದ ಬಳಿಕ ಮಾತನಾಡಿದ ಗುಜರಾತ್ ತಂಡದ ನಾಯಕಿ ಸ್ನೇಹಾ ರಾಣಾ, ನನ್ನ ತಂಡದ ಆಟಗಾರ್ತಿಯರೆಲ್ಲರೂ ಅತೀವ ಆತ್ಮವಿಶ್ವಾಸದಲ್ಲಿದ್ದೇವೆ. 160ರಿಂದ 170 ರನ್ ಪೇರಿಸಿ ಗೆಲ್ಲುವ ಯೋಜನೆ ರೂಪಿಸಿಕೊಂಡಿದ್ದೇವೆ ಎಂದು ಹೇಳಿದ್ದಾರೆ.
ಸ್ಮೃತಿ ಮಂಧಾನಾ ಮಾತನಾಡಿ, ನಾವು ಟಾಸ್ ಸೋತರೂ ಮ್ಯಾಚ್ ಗೆಲ್ಲುತ್ತೇವೆ. ಟಾಸ್ ಗೆದ್ದಿದ್ದರೂ ಫೀಲ್ಡಿಂಗ್ ಆಯ್ಕೆ ಮಾಡುವ ಉದ್ದೇಶ ಹೊಂದಿದ್ದೆವು ಎಂದು ಹೇಳಿದ್ದಾರೆ. ಇತ್ತಂಡಗಳಲ್ಲಿ ತಲಾ ಒಂದು ಬದಲಾವಣೆ ಆಗಿದೆ. ರೇಣುಕಾ ಸಿಂಗ್ ಈ ಪಂದ್ಯದಲ್ಲಿ ಆಡುತ್ತಿಲ್ಲ. ಅವರ ಬದಲಿಗೆ ಪ್ರೀತಿ ಅವಕಾಶ ಪಡೆದಿದ್ದಾರೆ. ಗುಜರಾತ್ ತಂಡಕ್ಕೆ ಮೇಘನಾ ವಾಪಸಾಗಿದ್ದ, ಮಾನ್ಸಿ ಹೊರಕ್ಕುಳಿದಿದ್ದಾರೆ.