ಕೊಲಂಬೊ: ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿಗೆ(Virat Kohli) ವಿಶ್ವದಾದ್ಯಂತ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಪ್ರಸ್ತುತ ಏಷ್ಯಾಕಪ್(Asia Cup 2023) ಆಡುತ್ತಿರುವ ವಿರಾಟ್ ಕೊಹ್ಲಿಗೆ ಲಂಕಾದ ಅಭಿಮಾನಿಯೊಬ್ಬಳು ತಾನೇ ಕೈಯಾರ ಮಾಡಿದ ಕೊಹ್ಲಿಯ ಭಾವಚಿತ್ರವನ್ನು ಉಡುಗೊರೆಯಾಗಿ ನೀಡಿ ಗಮನಸೆಳೆದಿದ್ದಾಳೆ.
ಟೀಮ್ ಇಂಡಿಯಾ ಆಟಗಾರರು ಕೊಲಂಬೊಂದ ಹೋಟೆಲ್ನಲ್ಲಿ ತಂಗಿದ್ದ ವೇಳೆ ಕೊಹ್ಲಿಯ ಈ ಅಪಟ್ಟ ಅಭಿಮಾನಿ ತನ್ನ ನೆಚ್ಚಿನ ಆಟಗಾರರನ್ನು ಭೇಟಿಯಾಗಲು ಬಂದಿದ್ದಾಳೆ, ಇದೇ ವೇಳೆ ತಾನು ರಚಿಸಿದ ಕೊಹ್ಲಿಯ ಪೇಟಿಂಗ್ ಕೂಡ ತಂದಿದ್ದಳು. ಅವಳ ಬಹುದಿನಗಳ ಆಸೆಯೂ ಇದೇ ವೇಳೆ ನೆರವೇರಿತು. ಕೊಹ್ಲಿಯನ್ನು ಭೇಟಿಯಾಗುವ ಸೌಭಾಗ್ಯವು ಅವಳಿಗೆ ದೊರಕಿದೆ.
19 ವರ್ಷಗಳ ಕಾಯುವಿಗೆ ತೆರೆ
ವಿರಾಟ್ ಕೊಹ್ಲಿಗೆ ಲಂಕಾದ ಅಭಿಮಾನಿ ಭಾವಚಿತ್ರವನ್ನು ನೀಡುತ್ತಿರುವ ವಿಡಿಯೊ ವೈರಲ್ ಆಗಿದೆ. ಇದೇ ವೇಳೆ ಖುಷಿಯನ್ನು ಹಂಚಿಕೊಂಡ ಈ ಅಭಿಮಾನಿ “ನಾನು 2009 ರಿಂದ ನಿಮ್ಮನ್ನು ಭೇಟಿಯಾಗಲು ಕಾಯುತ್ತಿದ್ದೇನೆ” ಇಂದು ನನ್ನ ಜೀವನದ ಬಹುದೊಡ್ಡ ಕನಸ್ಸೊಂದು ನನಸಾಗಿದೆ. ನಿಮ್ಮನ್ನು ನೋಡಿ ಅಪಾರ ಸಂತಸಗೊಂಡಿದ್ದೇನೆ” ಎಂದು ಈ ಹುಡುಗಿ ಹೇಳಿದ್ದಾಳೆ. ಅಭಿಮಾನಿಯಿಂದ ಕೊಹ್ಲಿ ಉಡುಗೊರೆಯನ್ನು ಸ್ವೀಕರಿಸಿ ಧನ್ಯವಾದಗಳನ್ನು ತಿಳಿಸಿದ್ದಾರೆ. ಅಂದಹಾಗೆ ಕೊಹ್ಲಿಯನ್ನು ಭೇಟಿಯಾಗಲು ಈ ಅಭಿಮಾನಿ ಶಬರಿಯಂತೆ ಕಾದಿದ್ದಳು. ಇದೀಗ 19 ವರ್ಷಗಳ ಬಳಿಕ ಅವಳ ಕನಸು ನನಸಾಗಿದೆ.
Virat Kohli Recieved A Hand Made Portrait Of Himself From A Fangirl At The Team Hotel in Colombo, Sri Lanka.😍♥️#ViratKohli #AsiaCup2023 @imVkohli @TajSamudra pic.twitter.com/oAwJPoJ1oN
— virat_kohli_18_club (@KohliSensation) September 13, 2023
ಲುಂಗಿ ಡ್ಯಾನ್ಸ್ ಮೂಲಕ ಪ್ರೇಕ್ಷಕರನ್ನು ರಂಜಿಸಿದ್ದ ಕೊಹ್ಲಿ
ಮಂಗಳವಾರ ನಡೆದಿದ್ದ ಶ್ರೀಲಂಕಾ ವಿರುದ್ಧದ ಏಷ್ಯಾಕಪ್ನ ಸೂಪರ್ 4(India vs Sri Lanka, Super Fours) ಪಂದ್ಯದ ವೇಳೆ ಕೊಹ್ಲಿ ಲುಂಗಿ ಡ್ಯಾನ್ಸ್(lungi dance) ಮಾಡಿದ ವಿಡಿಯೊ ವೈರಲ್(Viral Video) ಆಗಿತ್ತು. ಕೊಲಂಬೊದ ಆರ್.ಪ್ರೇಮದಾಸ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಶ್ರೀಲಂಕಾ ತಂಡ ಬ್ಯಾಟಿಂಗ್ ನಡೆಸುತ್ತಿದ್ದ ವೇಳೆ ಬಾಲಿವುಡ್ನ ಸ್ಟಾರ್ ಹಿರಿಯ ನಟ ಶಾರೂಖ್ ಖಾನ್(Shah Rukh Khan) ಮತ್ತು ದೀಪಿಕಾ ಪಡುಕೋಣೆ ನಟನೆಯ ಚೆನ್ನೈ ಎಕ್ಸ್ ಪ್ರೆಸ್ ಸಿನೆಮಾದ ಪ್ರಸಿದ್ಧ ಲುಂಗಿ ಡ್ಯಾನ್ಸ್ ಹಾಡನ್ನು ಹಾಕಲಾಯಿತು. ಇದೇ ವೇಳೆ ಫಿಲ್ಡಿಂಗ್ ನಡೆಸುತ್ತಿದ್ದ ವಿರಾಟ್ ಕೊಹ್ಲಿ ಒಂದೆರಡು ಸ್ಟೆಪ್ಸ್ ಹಾಕಿ ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸಿದ್ದರು.
ಇದನ್ನೂ ಓದಿ IND VS PAK | ಏಷ್ಯಾ ಕಪ್ ಆಡಲು ಪಾಕಿಸ್ತಾನಕ್ಕೆ ಬರುವಂತೆ ಕೊಹ್ಲಿಗೆ ಆಹ್ವಾನ ನೀಡಿದ ಪಾಕ್ ಅಭಿಮಾನಿಗಳು
ತೆರೆಗೆ ಬರಲಿದೆ ಕೊಹ್ಲಿ ಬಯೋಪಿಕ್
ವಿರಾಟ್ ಕೊಹ್ಲಿ(Virat Kohli) ಅವರ ಜೀವನಾಧಾರಿತ(virat kohli biopic) ಚಿತ್ರ ಸೆಟ್ಟೇರಲು ಭರ್ಜರಿ ಸಿದ್ದತೆ ನಡೆದಿದೆ ಎಂದು ವರದಿಯಾಗಿದೆ. ಚಿತ್ರದ ನಾಯಕನಾಗಿ ಟಾಲಿವುಡ್‌ನ ರಾಮ್ ಚರಣ್(Ram Charan) ನಟಿಸಲಿದ್ದಾರೆ ಎಂದು ತಿಳಿದುಬಂದಿದೆ.
ವರದಿಗಳ ಪ್ರಕಾರ, ಕೊಹ್ಲಿ ತಮ್ಮ ಬಯೋಪಿಕ್ ಹಕ್ಕನ್ನು ಮಾರಾಟ ಮಾಡಲು 800-1000 ಕೋಟಿ ರೂ.ಗೆ ಬೇಡಿಕೆ ಇಡುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಮಹೇಂದ್ರ ಸಿಂಗ್ ಧೋನಿ ಅವರು ತಮ್ಮ ಬಯೋಪಿಕ್ ಹಕ್ಕುಗಳನ್ನು 100 ಕೋಟಿ ರೂ.ಗೆ ಮಾರಾಟ ಮಾಡಿದ್ದರು. ಬಯೋಪಿಕ್ ಬಗ್ಗೆ ವಿರಾಟ್ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ. ಆದರೆ ರಾಮ್ಚರರಣ್ ಕೊಹ್ಲಿಯನ್ನು ಹೊಗಳ್ಳಿದ್ದು ಈ ಸುದ್ದಿ ಹರಿದಾಡಲು ಮೂಲ ಕಾರಣ. ಕೆಳವು ತಿಂಗಳ ಹಿಂದೆ ರಾಮ್ ಚರಣ್ ಅವರು ವಿರಾಟ್ ಕೊಹ್ಲಿ ನನ್ನ ನೆಚ್ಚಿನ ಕ್ರಿಕೆಟಿಗ, ನಾನು ಕ್ರೀಡಾಪಟುಗಳ ಬಯೋಪಿಕ್ನಲ್ಲಿ ನಟಿಸಿದರೆ ಅದು ವಿರಾಟ್ ಕೊಹ್ಲಿಯ ಪಾತ್ರದಲ್ಲಿ ಎಂದು ಹೇಳಿದ್ದರು.