ಬೆಂಗಳೂರು : ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ ಅವರ ಮಾಜಿ ಪ್ರಿಯತಮ ರೋಹನ್ ಶ್ರೇಷ್ಠ ಅವರು ಫುಟ್ಬಾಲ್ ವಿಶ್ವ ಕಪ್ ಚಾಂಪಿಯನ್ ಲಿಯೋನೆಲ್ ಮೆಸ್ಸಿ (Lionel Messi) ಅವರೊಂದಿಗೆ ತೆಗೆಸಿಕೊಂಡಿರುವ ಫೋಟೊ ವೈರಲ್ ಆಗಿದೆ. ಬಾಲಿವುಡ್ ಸ್ಟಾರ್ಗಳೆಲ್ಲರೂ ಆ ಚಿತ್ರಕ್ಕೆ ಪ್ರೀತಿಯ ಸಂದೇಶ ರವಾನಿಸಿದ್ದಾರೆ.
ಅಂದ ಹಾಗೆ ರೋಹನ್ ಶ್ರೇಷ್ಠ ಅವರು ಸಲೆಬ್ರಿಟಿ ಫೋಟೋಗ್ರಾಫರ್. ಹೀಗಾಗಿ ವಿಶ್ವ ಕಪ್ ಆರಂಭಕ್ಕೆ ಮೊದಲು ಅವರು ಮೆಸ್ಸಿಯ ಫೋಟೋ ಶೂಟ್ ಮಾಡಿದ್ದರು. ಈ ವೇಳೆ ಅವರು ಮೆಸ್ಸಿ ಜತೆ ಸೆಲ್ಫಿ ಕೂಡ ತೆಗೆಸಿಕೊಂಡಿದ್ದರು. ಆ ಎಲ್ಲ ಚಿತ್ರಗಳನ್ನು ಅವರೀಗ ಇನ್ಸ್ಟಾಗ್ರಾಮ್ನಲ್ಲಿ ಬಿಡುಗಡೆ ಮಾಡಿದ್ದಾರೆ.
ಒಂದೂವರೆ ತಿಂಗಳ ಹಿಂದೆ ತೆಗೆದಿರುವ ಚಿತ್ರ ಇದಾಗಿದೆ. ಇದೀಗ ಅವರು ವಿಶ್ವ ಕಪ್ ಗೆದ್ದುಕೊಂಡಿದ್ದಾರೆ. ಈ ಖುಷಿಯಲ್ಲಿ ಚಿತ್ರವನ್ನು ಬಿಡುಗಡೆ ಮಾಡುತ್ತಿದ್ದೇನೆ ಎಂಬುದಾಗಿ ರೋಹನ್ ಶ್ರೇಷ್ಠ ಅವರು ಬರೆದುಕೊಂಡಿದ್ದಾರೆ. ರೋಹನ್ ಅವರಿಗೆ ಗೆಳೆಯರೊಬ್ಬರ ಮೂಲಕ ಮೆಸ್ಸಿಯ ಫೋಟೋ ಶೂಟ್ ಮಾಡುವ ಅವಕಾಶ ಲಭಿಸಿತ್ತು. ಅಂತೆಯೇ ಪ್ಯಾರಿಸ್ಗೆ ಹೋಗಿ ಫೋಟೊ ತೆಗೆದಿದ್ದರು. ಅದನ್ನವರು ಹಂಚಿಕೊಂಡಿದ್ದಾರೆ. ಅಲ್ಲದೆ, ತಮಗೆ ಸಿಕ್ಕ ಅಪರೂಪದ ಅವಕಾಶವನ್ನು ಬಣ್ಣಿಸಿದ್ದಾರೆ.
ಅನನ್ಯಾ ಪಾಂಡೆ, ಅಲಿಯಾ ಭಟ್, ಇಶಾನ್ ಕಟ್ಟರ್, ಪೂಜಾ ಹೆಗ್ಡೆ, ಡಿನೊ ಮೊರಿಯಾ, ಇಲಿಯಾನಾ ಡಿಕ್ರೂಸ್, ತಾರಾ ಸುತಾರಿಯಾ, ಮಲೈಕಾ ಅರೋರಾ. ಅಹಾನ್ ಶೆಟ್ಟಿ ಸೇರಿ ಬಾಲಿವುಡ್ ಸೆಲೆಬ್ರಿಟಿಗಳು ಈ ಚಿತ್ರಕ್ಕೆಶಹಬ್ಬಾಸ್ಗಿರಿ ಕೊಟ್ಟಿದ್ದಾರೆ.
ಮುರಿದು ಬಿದ್ದ ಶ್ರದ್ಧಾ ಜತೆಗಿನ ಸಂಬಂಧ
ಶ್ರದ್ಧಾಕಪೂರ್ ಹಾಗೂ ರೋಹನ್ ಶ್ರೇಷ್ಠ ಕಾಲೇಜು ದಿನಗಳಿಂದಲೇ ಗೆಳೆತನ ಹೊಂದಿದ್ದರು. ಅವರಿಬ್ಬರೂ ಡೇಟಿಂಗ್ನಲ್ಲಿದ್ದರು. ಶ್ರದ್ಧಾ ಅವರ ಕುಟುಂಬದವರೂ ರೋಹನ್ ಜತೆ ಉತ್ತಮ ಸಂಬಂಧ ಹೊಂದಿದ್ದರು. ಆದರೆ, ಅವರಿಬ್ಬರ ನಡುವಿನ ಬಾಂಧವ್ಯ ಏಕಾಏಕಿ ಮುರಿದು ಬಿದ್ದಿತ್ತು. ಅದಕ್ಕೆ ನೈಜ ಕಾರಣಗಳು ಇನ್ನೂ ಬಹಿರಂಗವಾಗಿಲ್ಲ.
ಇದನ್ನೂ ಓದಿ | Lionel Messi | ಪಿಎಸ್‌ಜಿ ಜತೆಗಿನ ಒಪ್ಪಂದದ ಅವಧಿಯನ್ನು ವಿಸ್ತರಿಸಲಿದ್ದಾರೆ ಲಿಯೋನೆಲ್ ಮೆಸ್ಸಿ!