ನವ ದೆಹಲಿ: ಭಾರತದ ಆತಿಥ್ಯದಲ್ಲಿ ನಡೆಯುತ್ತಿರುವ ವಿಶ್ವ ಕಪ್ನಲ್ಲಿ (ICC World Cup 2023) ಅಚ್ಚರಿಯ ಫಲಿತಾಂಶವೊಂದು ಪ್ರಕಟವಾಗಿದೆ. ಹಾಲಿ ಚಾಂಪಿಯನ್ (2019ರ ಏಕ ದಿನ ವಿಶ್ವಕಪ್) ಇಂಗ್ಲೆಂಡ್ ತಂಡವನ್ನು ಕ್ರಿಕೆಟ್ ಶಿಶು ಅಫಘಾನಿಸ್ತಾನ 69 ರನ್ಗಳಿಂದ ಸೋಲಿಸಿ ಇತಿಹಾಸ ಬರೆದಿದೆ. ಇದರೊಂದಿಗೆ ಇಂಗ್ಲೆಂಡ್ ತಂಡ ಹಾಲಿ ಟೂರ್ನಿಯಲ್ಲಿ ಎರಡನೇ ಸೋಲಿಗೆ ಒಳಗಾಗಿದೆ. ಮೊದಲ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಹೀನಾಯ 9 ವಿಕೆಟ್ ಹೀನಾಯ ಸೋಲಿಗೆ ಒಳಗಾಗಿದ್ದ ಇಂಗ್ಲೆಂಡ್, ಅಫಘಾನಿಸ್ತಾನ ವಿರುದ್ಧ ಮತ್ತೊಂದು ಆಘಾತ ಎದುರಿಸಿದೆ. ಇಂಗ್ಲೆಂಡ್ ತಂಡ ತನ್ನ ಎರಡನೇ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ 137 ರನ್ಗಳ ಗೆಲುವು ದಾಖಲಿಸಿತ್ತು.
2019ರ ವಿಶ್ವ ಕಪ್ ವೇಳೆ ಮ್ಯಾಂಚೆಸ್ಟರ್ನಲ್ಲಿ ನಡೆದ ಪಂದ್ಯದಲ್ಲಿ 150 ರನ್ಗಳ ಹೀನಾಯ ಸೋಲಿಗೆ ಒಳಗಾಗಿದ್ದ ಅಫಘಾನಿಸ್ತಾನ ತಂಡದ ಇದೀಗ ಆ ತಂಡವನ್ನು ಮಣಿಸಿ ಸೇಡು ತೀರಿಸಿಕೊಂಡಿದೆ. ಇಂಗ್ಲೆಂಡ್ ಹಾಗೂ ಅಪಘಾನಿಸ್ತಾನ ತಂಡ ಇದುವರೆಗೆ ಮೂರು ಬಾರಿ ಏಕ ದಿನ ಕ್ರಿಕೆಟ್ನಲ್ಲಿ ಮುಖಾಮುಖಿಯಾಗಿವೆ. ಮೂರು ಪಂದ್ಯಗಳು ವಿಶ್ವ ಕಪ್ನಲ್ಲಿ ಏರ್ಪಟ್ಟಿದ್ದವು. 2015ರಲ್ಲಿ ಹಾಗೂ 2019ರಲ್ಲಿ ಇಂಗ್ಲೆಂಡ್ ಪಾರಮ್ಯ ಮೆರೆದಿದ್ದರೆ, ಇದೀಗ ನವ ದೆಹಲಿಯಲ್ಲಿ ಅಫಾನಿಸ್ತಾನ ತಂಡ ಸಂದರ್ಭೋಚಿತ ಪ್ರದರ್ಶನ ನೀಡಿ ಗೆದ್ದು ಸಂಭ್ರಮಿಸಿತು. ಈ ಫಲಿತಾಂಶವನ್ನು ಕ್ರಿಕೆಟ್ ಪಂಡಿತರು ಯಾರೂ ನಿರೀಕ್ಷೆ ಮಾಡಿರಲಿಲ್ಲ. ಆದರೆ, ಕ್ರಿಕೆಟ್ನಲ್ಲಿ ಏನು ಬೇಕಾದರೂ ನಡೆಯಬಹುದು ಎಂಬುದಕ್ಕೆ ಈ ಫಲಿತಾಂಶವೇ ಮತ್ತೊಂದು ಸಾಕ್ಷಿ ಎನಿಸಿತು.
Afghanistan scripted history with a stunning upset win over defending champions England in Delhi in a thrilling #CWC23 clash 🙌#ENGvAFG | 📝: https://t.co/9T8oxF60Dt pic.twitter.com/E5c9OmRvIf
— ICC Cricket World Cup (@cricketworldcup) October 15, 2023
ಇಲ್ಲಿನ ಅರುಣ್ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಬ್ಯಾಟಿಂಗ್ಗೆ ಪೂರಕವಾಗಿರುವ ಪಿಚ್ನಲ್ಲಿ ಚೇಸ್ ಮಾಡಿ ಗೆಲ್ಲುವುದು ಸುಲಭ ಎಂಬ ಲೆಕ್ಕಾಚಾರದೊಂದಿಗೆ ಈ ನಿರ್ಧಾರ ತೆಗೆದುಕೊಂಡಿತು. ಜತೆಗೆ ಅಫಘಾನಿಸ್ತಾನ ತಂಡವನ್ನು ಕಡಿಮೆ ಮೊತ್ತಕ್ಕೆ ಕಟ್ಟಿ ಹಾಕುವ ಉದ್ದೇಶ ಹೊಂದಿತ್ತು. ಆಂತೆಯೇ ಮೊದಲು ಬ್ಯಾಟ್ ಮಾಡಿದ ಅಫಘಾನಿಸ್ತಾನ ತಂಡ 49.5 ಓವರ್ಗಳಲ್ಲಿ 284 ರನ್ ಬಾರಿಸಿತು. ಸ್ಪರ್ಧಾತ್ಮಕ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ 40.3 ಓವರ್ಗಳಲ್ಲಿ 215 ರನ್ಗಳಿಗೆ ಆಲ್ಔಟ್ ಆಗುವ ಮೂಲಕ ಸೋಲೊಪ್ಪಿಕೊಂಡಿತು.
ಇದನ್ನೂ ಓದಿ : Urvashi Rautela : ನಟಿ ಊರ್ವಶಿಯ 24 ಕ್ಯಾರೆಟ್ ಚಿನ್ನವಿರುವ ಐಫೋನ್ ನಾಪತ್ತೆ
ಅಫಘಾನಿಸ್ತಾನ ತಂಡದ ಉತ್ತಮ ಬ್ಯಾಟಿಂಗ್
ಬ್ಯಾಟಿಂಗ್ ಆಹ್ವಾನ ಪಡೆದ ಅಫಘಾನಿಸ್ತಾನ ತಂಡ ಉತ್ತಮ ಆರಂಭ ಪಡೆಯಿತು. ರಹ್ಮನುಲ್ಲಾ ಗುರ್ಬಜ್ (80) ಹಾಗೂ ಇಬ್ರಾಹಿಂ ಜದ್ರಾನ್ (28) ಅವರ ಉತ್ತಮ ಬ್ಯಾಟಿಂಗ್ ನೆರವಿನಿಂದ ಮೊದಲ ವಿಕೆಟ್ಗೆ 114 ರನ್ ಬಾರಿಸಿತು. ಈ ಆರಂಭದೊಂದಿಗೆ ದೊಡ್ಡ ಮೊತ್ತ ಪೇರಿಸುವ ಗುರಿ ಹೊಂದಿದ್ದ ಅಫಘಾನಿಸ್ತಾನ ತಂಡ ಬಳಿಕ ಏಕಾಏಕಿ ಕುಸಿತ ಕಂಡಿತು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ಇಕ್ರಮ್ ಅಲಿಖಿಲ್ 58 ರನ್ ಬಾರಿಸುವ ಮೂಲಕ ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು. ಮುಜೀಬ್ ಉರ್ ರಹಮಾನ್ 16 ರನ್ಗಳಿಗೆ 28 ರನ್ ಬಾರಿಸುವ ಮೂಲಕ ತಂಡಕ್ಎಕ ನೆರವಾದರು.
The England captain is OUT 🤯
— ICC Cricket World Cup (@cricketworldcup) October 15, 2023
This Naveen-ul-Haq wicket is one of the moments that could be featured in your @0xFanCraze Crictos Collectible packs!
Visit https://t.co/2yiXAnq84l to own iconic moments from the #CWC23 pic.twitter.com/dZSxQHDFWr
ಗುರಿ ಬೆನ್ನಟ್ಟಲು ಆರಂಭಿಸಿದ ಇಂಗ್ಲೆಂಡ್ ಚಾಂಪಿಯನ್ ಪಟ್ಟಕ್ಕೆ ಪೂರಕವಾಗಿ ಆಡಲಿಲ್ಲ. 3 ರನ್ಗೆ 1 ವಿಕೆಟ್ ಕಳೆದುಕೊಂಡು ತನ್ನ ವೈಫಲ್ಯವನ್ನು ಪ್ರದರ್ಶಿಸಿತು. ಬಳಿಕ ಸತತವಾಗಿ ವಿಕೆಟ್ ನಷ್ಟ ಮಾಡಿಕೊಂಡಿತು. ಮುಜೀಬ್ ಉರ್ ರಹಮಾನ್ ಅವರು 51 ರನ್ಗೆ 3 ವಿಕೆಟ್ ಉರುಳಿಸಿ ಇಂಗ್ಲೆಂಡ್ ಬ್ಯಾಟಿಂಗ್ ಬೆನ್ನೆಲುಬು ಮುರಿದರು. ಮೊಹಮ್ಮದ್ ನಬಿ ಕೂಡ 16 ರನ್ ನೀಡಿ 2 ವಿಕೆಟ್ ಕಬಳಿಸಿದರೆ, ರಶೀದ್ ಖಾನ್ 37 ರನ್ಗೆ 3 ವಿಕೆಟ್ ಉರುಳಿಸುವ ಮೂಲಕ ಇಂಗ್ಲೆಂಡ್ ಬೌಲರ್ಗಳನ್ನು ಕಾಡಿದರು. ಹ್ಯಾರಿ ಬ್ರೂಕ್ 66 ರನ್ ಬಾರಿಸಿ ಇಂಗ್ಲೆಂಡ್ ಪರ ಗರಿಷ್ಠ ಮೊತ್ತ ದಾಖಲಿಸಿದ ಶ್ರೇಯಸ್ಸು ಪಡೆದರು. ಡೇವಿಡ್ ಮಲಾನ್ 32 ರನ್ ಬಾರಿಸಿದ್ದು ಬಿಟ್ಟರೆ ಉಳಿದ ಬ್ಯಾಟರ್ಗಳ ನೆರವು ದೊರೆಯಲಿಲ್ಲ.