ಬೆಂಗಳೂರು: ಪುಣೆಯಲ್ಲಿ ನಡೆದ ಹಾಲಿ ವಿಶ್ವ ಕಪ್ನ 30ನೇ ಪಂದ್ಯದ ಬಳಿಕ ಅಂಕಪಟ್ಟಿಯಲ್ಲಿ ಸಣ್ಣ ಬದಲಾಣೆಯಾಗಿದೆ. ಆದರೆ ಮೊದಲ ಸ್ಥಾನಗಳಲ್ಲಿ ಯಾವುದೇ ಪಲ್ಲಟ ಉಂಟಾಗಿಲ್ಲ. ಈ ಪಂದ್ಯದಲ್ಲಿ ಭಾಗಿಯಾದ ಶ್ರೀಲಂಕಾ ಹಾಗೂ ಅಫಘಾನಿಸ್ತಾನ ತಂಡದ ಸ್ಥಾನಗಳು ಮೇಲೆ ಕೆಳಗಾಗಿವೆ. ಪ್ರಸ್ತುತ ಆಡಿರುವ ಆರು ಪಂದ್ಯಗಳಲ್ಲಿ ಆಪ್ಘನ್ ಮೂರನ್ನು ಗೆದ್ದು ಒಟ್ಟು ಆರು ಅಂಕಗಳನ್ನು ಸಂಪಾದಿಸಿದೆ. ಇದರೊಂದಿಗೆ -0.718 ರನ್ ರೇಟ್ನೊಂದಿಗೆ ಐದನೇ ಸ್ಥಾನಕ್ಕೆ ಏರಿಕೆಯಾಗಿದೆ. ವಿಶ್ವ ಕಪ್ ಆವೃತ್ತಿಯೊಂದರಲ್ಲಿ ಮೂರು ಪಂದ್ಯ ಗೆದ್ದಿರುವ ಹೊಸ ಸಾಧನೆಯನ್ನೂ ಅಫಘಾನಿಸ್ತಾನ ತಂಡ ಮಾಡಿದೆ. ಇದೇ ವೇಳೆ ಹಶ್ಮತುಲ್ಲಾ ಶಾಹಿದಿ ನೇತೃತ್ವದ ಬಳಗ ಪಾಕಿಸ್ತಾನ ಹಾಗೂ ಶ್ರೀಲಂಕಾ ತಂಡವನ್ನು ಹಿಂದಕ್ಕೆ ತಳ್ಳಿದೆ. ಈ ಪಂದ್ಯಕ್ಕೆ ಮೊದಲು ಅಫಘಾನಿಸ್ತಾನ ತಂಡ ಏಳನೇ ಸ್ಥಾನ ಪಡೆದುಕೊಂಡಿತ್ತು. ಹೀಗಾಗಿ ಎರಡು ಕ್ರಮಾಂಕ ಬಡ್ತಿ ಪಡೆದುಕೊಂಡಂತಾಗಿದೆ.
Afghanistan Cricketers leading by Rashid khan thanking Pune crowd for their Support.
— Ishan Joshi (@ishanjoshii) October 30, 2023
– Beautiful Moment ❤️#CWC23 #AFGvSL #SLvAFG#Afghanistan pic.twitter.com/uxrvEclAgm
ಹೊಸ ಪಟ್ಟಿಯಲ್ಲಿ ಶ್ರೀಲಂಕಾ ತಂಡ ಆರನೇ ಸ್ಥಾನಕ್ಕೆ ಇಳಿದಿದೆ. ಪಂದ್ಯಕ್ಕೆ ಮೊದಲು ಲಂಕಾ ಐದನೇ ಸ್ಥಾನ ಪಡೆದಿತ್ತು. ಲಂಕಾ ತಂಡ 6 ಪಂದ್ಯಗಳಲ್ಲಿ ಆಡಿದ್ದು. 2 ಗೆಲುವಿನೊಂದಿಗೆ 4 ಅಂಕಗಳನ್ನು ಹೊಂದಿದೆ. -0.275 ಲಂಕಾ ತಂಡದ ರನ್ ರೇಟ್. ಇದೇ ವೇಳೆ ಆರನೇ ಸ್ಥಾನದಲ್ಲಿದ್ದ ಪಾಕ್ ತಂಡ ಏಳನೇ ಸ್ಥಾನಕ್ಕೆ ಜಾರಿದ. ಪಾಕ್ ತಂಡ ಆರರಲ್ಲಿ ಎರಡು ಗೆಲುವು ಕಂಡದೆ. ಈ ತಂಡ -0.387 ನೆಟ್ರನ್ರೇಟ್ ಹೊಂದಿದೆ. ಇದು ಲಂಕಾಗಿಂತಲೂ ಕಡಿಮೆಯಾಗಿದೆ.
ಇದನ್ನೂ ಓದಿ : Salman Khan: ಸಲ್ಮಾನ್‌ ಖಾನ್‌ರನ್ನು ನೋಡಿಯೂ ನೋಡದ ಹಾಗೆ ಹೋದ ರೊನಾಲ್ಡೊ; ಫ್ಯಾನ್ಸ್‌ ಕೆಂಡ!
ICC World Cup 2023 : ಭಾರತದ ಪಿಚ್ ಹಿಡಿಸಲಿಲ್ಲ; ಸೋಲಿಗೊಂದು ಕುಂಟು ನೆಪ ಹೇಳಿದ ಪಾಕ್ ಕೋಚ್
ಸದ್ಯ ಭಾರತ 6 ಪಂದ್ಯಗಳಲ್ಲಿ 6ನ್ನೂ ಗೆದ್ದು +1.405 ರನ್ ರೇಟ್ನೊಂದಿಗೆ ಮೊದಲ ಸ್ಥಾನ ಪಡೆದಿದೆ. ಭಾರತ ಮುಂದಿನ ಪಂದ್ಯವನ್ನು ಶ್ರೀಲಂಕಾ ವಿರುದ್ಧ ನವೆಂಬರ್ 2ರಂದು ಆಡಲಿದೆ. ಈ ಪಂದ್ಯವನ್ನೂ ಗೆದ್ದರೆ ಅಧಿಕೃತವಾಗಿ ಸೆಮಿಫೈನಲ್ ಪ್ರವೇಶ ಪಡೆಯಲಿದೆ.
A #WorldCup to remember for #Afghanistan 3rd win in #ICCWorldCup for the first time.
— Munaf Patel (@munafpa99881129) October 30, 2023
Congratulations guys @ACBofficials#AFGvSL pic.twitter.com/GTs2tLA5gg
ಭಾರತದ ಪಂದ್ಯಕ್ಕೂ ಮುನ್ನ ದಕ್ಷಿಣ ಆಫ್ರಿಕಾ ತಂಡ ನ್ಯೂಜಿಲ್ಯಾಂಡ್ ವಿರುದ್ಧ ಆಡಲಿದೆ. ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಗೆದ್ದರೆ ಮತ್ತೆ ನಂ.1ಸ್ಥಾನಕ್ಕೇರಲಿದೆ. ಆಗ ಭಾರತ ದ್ವಿತೀಯ ಸ್ಥಾನಕ್ಕೆ ಜಾರಲಿದೆ. ದಕ್ಷಿಣ ಆಫ್ರಿಕಾ, ಭಾರತಕ್ಕಿಂತ ಒಂದು ಪಂದ್ಯ ಕಡಿಮೆ ಗೆದ್ದಿದ್ದರೂ ರನ್ ರೇಟ್ ಉತ್ತಮವಾಗಿರುವುದರಿಂದ ಈ ಲಾಭ ಪಡೆಯಲಿದೆ. ಕಿವೀಸ್ ಗೆದ್ದರೆ ಭಾರತದ ಅಗ್ರಸ್ಥಾನ ಭದ್ರವಾಗಲಿದೆ. ಉತ್ತಮ ರನ್ ರೇಟ್ ಹೊಂದಿದ್ದರೆ ಕಿವೀಸ್ ಮೂರನೇ ಸ್ಥಾನದಿಂದ 2ನೇ ಸ್ಥಾನಕ್ಕೂ ಏರಬಹುದು. 6ರಲ್ಲಿ 4 ಪಂದ್ಯ ಗೆದ್ದ ಆಸ್ಟ್ರೇಲಿಯಾ ನಾಲ್ಕನೇ ಸ್ಥಾನದಲ್ಲಿದೆ.
ಅಂಕಪಟ್ಟಿ ಇಂತಿದೆ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ | ನೆಟ್ ರನ್ರೇಟ್ |
| ಭಾರತ | 6 | 6 | 0 | 12 | +1.405 |
| ದಕ್ಷಿಣ ಆಫ್ರಿಕಾ | 6 | 5 | 1 | 10 | +2.032 |
| ನ್ಯೂಜಿಲ್ಯಾಂಡ್ | 6 | 4 | 2 | 8 | +1.232 |
| ಆಸ್ಟ್ರೇಲಿಯಾ | 6 | 4 | 2 | 8 | +0.970 |
| ಅಫಘಾನಿಸ್ತಾನ | 6 | 3 | 3 | 6 | -0.718 |
| ಶ್ರೀಲಂಕಾ | 6 | 2 | 4 | 4 | -0.275 |
| ಪಾಕಿಸ್ತಾನ | 6 | 2 | 4 | 4 | -0.387 |
| ನೆದರ್ಲ್ಯಾಂಡ್ಸ್ | 6 | 2 | 4 | 4 | -1.277 |
| ಬಾಂಗ್ಲಾದೇಶ | 6 | 1 | 5 | 2 | -1.338 |
| ಇಂಗ್ಲೆಂಡ್ | 6 | 1 | 5 | 2 | -1.652 |
ವಿಶ್ವ ಕಪ್ನ 31ನೇ ಪಂದ್ಯದಲ್ಲಿ ಪಾಕಿಸ್ತಾನ ಹಾಗೂ ಬಾಂಗ್ಲಾದೇಶ ತಂಡಗಳು ಸೆಣಸಾಡಲಿವೆ. ಬಾಂಗ್ಲಾದೇಶ ತಂಡ ಇದುವರೆಗೆ ಆಡಿರುವ 6ರಲ್ಲಿ ಕೇವಲ 1 ಮಾತ್ರ ಗೆದ್ದಿದೆ. ಪಾಕ್ಗೆ 2 ವಿಜಯ ಲಭಿಸಿದೆ. ಈ ಪಂದ್ಯದ ಕೋಲ್ಕೊತಾದ ಈಡನ್ ಗಾರ್ಡನ್ಸ್ನಲ್ಲಿ ಆಯೋಜನೆಗೊಂಡಿದೆ.