ಪುಣೆ: ಯೋಜಿತ ರೂಪದಲ್ಲಿ ಏಕ ದಿನ ಕ್ರಿಕೆಟ್ ವಿಶ್ವ ಕಪ್ ಅಭಿಯಾನ (ICC World Cup 2023) ನಡೆಸುತ್ತಿರುವ ಅಫಘಾನಿಸ್ತಾನ ತಂಡ 30ನೇ ಪಂದ್ಯದಲ್ಲಿ 1996ರ ವಿಶ್ವ ಕಪ್ ಚಾಂಪಿಯನ್ ಶ್ರೀಲಂಕಾ ತಂಡವನ್ನು 7 ವಿಕೆಟ್ಗಳಿಂದ ಸೋಲಿಸಿದೆ. ಈ ಮೂಲಕ ಆಫ್ಘನ್ ತಂಡ ಹಾಲಿ ಆವೃತ್ತಿಯಲ್ಲಿ ಮೂರನೇ ಗೆಲುವು ಕಂಡಂತಾಗಿದೆ. ಇಷ್ಟೊಂದು ಪಂದ್ಯಗಳನ್ನು ಈ ತಂಡ ಗೆಲ್ಲಬಹುದು ಎಂದು ನಿರೀಕ್ಷೆ ಮಾಡಿರಲಿಲ್ಲ. ಆದರೆ, ನಿಯಂತ್ರಿತ ಪ್ರದರ್ಶನ ನೀಡುತ್ತಿರುವ ಈ ತಂಡ ಹೆಚ್ಚು ಕೌಶಲವನ್ನು ಬೇಡುವ ಏಕ ದಿನ ಮಾದರಿಗೆ ಸಂಪೂರ್ಣವಾಗಿ ಒಗ್ಗಿಕೊಂಡಿದೆ. ಈ ಗೆಲುವಿನೊಂದಿಗೆ ಆರು ಅಂಕ ಸಂಪಾದಿಸಿರುವ ಹಶ್ಮತುಲ್ಲಾ ಶಾಹಿದಿ ಪಡೆ ವಿಶ್ವ ಕಪ್ನ ಅಂಕಪಟ್ಟಿಯಲ್ಲಿ ಐದನೇ ಸ್ಥಾನಕ್ಕೇರಿದೆ. ಐದನೇ ಸ್ಥಾನದಲ್ಲಿದ್ದ ಲಂಕಾ ತಂಡವನ್ನು ಆರನೇ ಸ್ಥಾನಕ್ಕೆ ತಳ್ಳಿದೆ. ಒಂದು ವಿಶ್ವ ಕಪ್ ಆವೃತ್ತಿಯಲ್ಲಿ ಮೂರು ಪಂದ್ಯಗಳನ್ನು ಗೆದ್ದಿರುವ ಆ ತಂಡಕ್ಕೆ ಇದು ವಿಶೇಷ ಸಾಧನೆ. ಅಫಘಾನಿಸ್ತಾನ ತಂಡಕ್ಕೆ ಇನ್ನೂ 3 ಪಂದ್ಯಗಳು ಬಾಕಿ ಉಳಿದಿವೆ. ಹೀಗಾಗಿ ಸೆಮಿಫೈನಲ್ ರೇಸ್ನಲ್ಲಿ ಉಳಿದುಕೊಂಡಿದೆ ಎಂದು ಹೇಳಬಹುದು.
Afghanistan players thanking the crowd for all the support….!!!! pic.twitter.com/0Gt2nAiULx
— Johns. (@CricCrazyJohns) October 30, 2023
ಇಲ್ಲಿನ ಮಹಾರಾಷ್ಟ್ರ ಕ್ರಿಕೆಟ್ ಸಂಸ್ಥೆಯ ಸ್ಟೇಡಿಯಮ್ನಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಅಫಘಾನಿಸ್ತಾನ ತಂಡ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಬ್ಯಾಟಿಂಗ್ ಆಹ್ವಾನ ಪಡೆದ ಲಂಕಾ ಪಡೆ 49.3 ಓವರ್ಗಳಲ್ಲಿ 241 ರನ್ ಗಳಿಗೆ ಆಲ್ಔಟ್ ಆಯಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಅಫಘಾನಿಸ್ತಾನ ತಂಡ ಇನ್ನೂ 26 ಎಸೆತಗಳು ಬಾಕಿ ಇರುವಂತೆಯೇ 3 ವಿಕೆಟ್ ಕಳೆದುಕೊಂಡು 242 ರನ್ ಬಾರಿಸಿ ಜಯಶಾಲಿಯಾಯಿತು.
Afghanistan players thanking the crowd #CWC23
— ICT Fan (@Delphy06) October 30, 2023
🔼They did in Chennai when they Beat Afghanistan and now today in Pune vs Srilanka
⭐️Indian Fans support them till eternity#SLvsAFG #AFGvsL pic.twitter.com/q8B8VnWQ3s pic.twitter.com/TOlvZ0qC8o
ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ಅಫಘಾನಿಸ್ತಾನ ತಂಡ ಉತ್ತಮ ಆರಂಭ ಪಡೆಯಲಿಲ್ಲ. ರಹ್ಮನುಲ್ಲಾ ಗುರ್ಬಜ್ ಶೂನ್ಯಕ್ಕೆ ಔಟಾಗುವ ಮೂಲಕ ತಂಡ ಆರಂಭಿಕ ಆಘಾತಕ್ಕೆ ಒಳಗಾಯಿತು. ಆದರೆ, ಆರಂಭಿಕ ಬ್ಯಾಟರ್ ಇಬ್ರಾಹಿ ಜದ್ರಾನ್ (39) ಹಾಗೂ ರಹ್ಮತ್ ಶಾ (62) ರನ್ ಗಳಿಕೆಯನ್ನು ಮುಂದುವರಿಸಿದರು. ಈ ಜೋಡಿ ಎರಡನೇ ವಿಕೆಟ್ಗೆ 73 ರನ್ ಕಲೆ ಹಾಕಿದರು. ಇಬ್ರಾಹಿಂ ಔಟಾಗುತ್ತಿದ್ದಂತೆ ಕ್ರೀಸ್ಗೆ ಬಂದ ನಾಯಕ ಹಶ್ಮತುಲ್ಲಾ ಜವಾಬ್ದಾರಿಯಿಂದ ಬ್ಯಾಟ್ ಮಾಡಿದರು. ರಹ್ಮತ್ ಜತೆ ಇನಿಂಗ್ಸ್ ಕಟ್ಟಿದರು. ಏತನ್ಮಧ್ಯೆ, 72 ಎಸೆತಗಳನ್ನು ಎದುರಿಸಿದ ರಹ್ಮತ್ 7 ಪೋರ್ಗಳ ಮೂಲಕ 62 ರನ್ ಬಾರಿಸಿ ಔಟಾದರು. ಈ ವೇಳೆ ತಂಡದ ಮೊತ್ತ 131.
Afghanistan players thanking the crowd for all the support….!!!! pic.twitter.com/0Gt2nAiULx
— Johns. (@CricCrazyJohns) October 30, 2023
ಬಳಿಕ ಜತೆಯಾದ ಹಶ್ಮತುಲ್ಲಾ ಹಾಗೂ ಅಜ್ಮತುಲ್ಲಾ ಒಮರ್ಜೈ 111 ರನ್ಗಳ ಜತೆಯಾಟವಾಡಿ ತಂಡವನ್ನು ಗೆಲ್ಲಿಸಿದರು. ಅಜ್ಮತುಲ್ಲಾ ಅಬ್ಬರದ ಬ್ಯಾಟಿಂಗ್ ಮೂಲಕ 63 ಎಸೆತಗಳಲ್ಲಿ 6 ಫೋರ್ ಹಾಗೂ 3 ಸಿಕ್ಸರ್ ಮೂಲಕ 73 ರನ್ ಬಾರಿಸಿ ಅಜೇಯರಾಗಿ ಉಳಿದರು. ನಾಯಕ ಶಾಹಿದಿ 74 ಎಸೆತಗಳಲ್ಲಿ 2 ಫೋರ್ ಹಾಗೂ ಒಂದು ಸಿಕ್ಸ್ನೊಂದಿಗೆ 58 ರನ್ ಬಾರಿಸಿದರು.
ಈ ಸುದ್ದಿಯನ್ನೂ ಓದಿ : ICC World Cup 2023 : ಭಾರತದ ಪಿಚ್ ಹಿಡಿಸಲಿಲ್ಲ; ಸೋಲಿಗೊಂದು ಕುಂಟು ನೆಪ ಹೇಳಿದ ಪಾಕ್ ಕೋಚ್
ಲಂಕಾ ಬ್ಯಾಟಿಂಗ್ ವೈಫಲ್ಯ
ಅಂಕಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದ್ದು ಸೆಮಿಫೈನಲ್ ಕನಸು ಕಾಣುತ್ತಿದ್ದ ಲಂಕಾ ತಂಡ ಬ್ಯಾಟಿಂಗ್ ಮೂಲಕ ಉತ್ತಮ ಪ್ರದರ್ಶನ ನೀಡಲಿಲ್ಲ. ಆರಂಭದಿಂದಲೇ ಸತತವಾಗಿ ವಿಕೆಟ್ ಕಳೆದುಕೊಂಡು ಹೋಗಿ ಆಲ್ಔಟ್ ಆಯಿತು. ಆರಂಭಿಕ ಬ್ಯಾಟರ್ ಪಾಥುಮ್ ನಿಸ್ಸಾಂಕ 46 ರನ್ ಬಾರಿಸಿದರೂ, ಕರುಣಾರತ್ನೆ 15 ರನ್ಗೆ ಸೀಮಿತಗೊಂಡರು. ಕುಸಾಲ್ ಮೆಂಡಿಸ್ 39 ರನ್ ಹೊಡೆದು ಔಟಾದರೆ, ಸಮರವಿಕ್ರಮ ಅವರ ಕೊಡುಗೆ 36. ಅಸಲಂಕಾ 22 ರನ್ ಗಳಿಸಿ ಔಟಾದರೆ, ಧನಂಜಯ ಡಿಸಿಲ್ವಾ 14 ರನ್ಗಳಿಗೆ ವಿಕೆಟ್ ಒಪ್ಪಿಸಿದರು. ಏಂಜೆಲೋ ಮ್ಯಾಥ್ಯೂಸ್ 23 ಹಾಗೂ ಕೊನೆಯಲ್ಲಿ ಮಹೀಶ್ ತೀಕ್ಷಣಾ 29 ರನ್ ಗಳಿಸಿದರು.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ