ನವದೆಹಲಿ: ಬ್ಯಾಟಿಂಗ್ಗೆ ಅನುಕೂಲಕರವಾಗಿರವು ಡೆಲ್ಲಿಯ ಪಿಚ್ನಲ್ಲಿ ಅಫಘಾನಿಸ್ತಾನ ತಂಡ ತನ್ನ ಸಾಮರ್ಥ್ಯಕ್ಕೆ ತಕ್ಕ ಹಾಗೆ ಬ್ಯಾಟಿಂಗ್ ಮಾಡಿತು. ಹೀಗಾಗಿ ಭಾರತ ವಿರುದ್ಧ ವಿಶ್ವ ಕಪ್ ಪಂದ್ಯದಲ್ಲಿ (IND vs AFG) 272 ರನ್ಗಳನ್ನು ಪೇರಿಸಿತು. ಇದರೊಂದಿಗೆ ಭಾರತ ತಂಡಕ್ಕೆ 273 ರನ್ಗಳ ಗೆಲುವಿನ ಗುರಿ ಎದುರಾಗಿದೆ. ಭಾರತ ತಂಡದ ಪರ ಬೌಲಿಂಗ್ನಲ್ಲಿ ಜಸ್ಪ್ರಿತ್ ಬುಮ್ರಾ 39 ರನ್ಗಳಿಗೆ 4 ವಿಕೆಟ್ ಉರುಳಿಸಿ ಮಿಂಚಿದರು. ಅಫಘಾನಿಸ್ತಾನ ತಂಡದಲ್ಲಿ ನಾಯಕ ಹಶ್ಮತುಲ್ಲಾ ಶಾಹಿದಿ (80 ರನ್) ಹಾಗೂ ಅಜ್ಮತುಲ್ಲಾ ಒಮರ್ಜೈ (62 ರನ್) ಅರ್ಧ ಶತಕಗಳನ್ನು ಬಾರಿಸಿದರು.
ಇಲ್ಲಿನ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಅಫಘಾನಿಸ್ತಾನ ತಂಡದ ನಾಯಕ ಹಶ್ಮತುಲ್ಲಾ ಶಾಹಿದಿ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ತಂಡದ ಆಟಗಾರರು 8 ವಿಕೆಟ್ ನಷ್ಟಮಾಡಿಕೊಂಡು 272 ರನ್ಗಳನ್ನು ಬಾರಿಸಿದರು.
✅Best Figures in ODI World Cups
— Royal Challengers Bangalore (@RCBTweets) October 11, 2023
✅8️⃣th Four-fer in ODIs
3⃣ wickets in a matter of minutes to avoid last minute damage from the Afghan batters 💥#PlayBold #INDvAFG #TeamIndia #Bumrah pic.twitter.com/gnnbII18xH
ಇನಿಂಗ್ಸ್ ಆರಂಭಿಸಿದ ಅಘಘಾನಿಸ್ತಾನ ತಂಡ ದೊಡ್ಡ ಮೊತ್ತದ ಗುರಿಯೊಂದಿಗೆ ಆಡಿತು. ಆರಂಭಿಕರಾದ ರಹ್ಮನುಲ್ಲಾ ಗುರ್ಬಜ್ (21) ಹಾಗೂ ಇಬ್ರಾಹಿಂ ಜದ್ರಾನ್ (22) ರನ್ ಬಾರಿಸಿತು. ಆದರೆ, ಈ ಜೋಡಿ 31 ರನ್ ಗಳಿಸಿದಾದ ಬುಮ್ರಾ ಜದ್ರಾನ್ ವಿಕೆಟ್ ಉರುಳಿಸಿದರು. ಬಳಿಕ ಬಂದ ರಹ್ಮತ್ ಶಾ ಶಾರ್ದುಲ್ ಠಾಕೂರ್ ಅವರಿಗೆ ಎಲ್ಬಿಡಬ್ಲ್ಯೂ ಔಟ್ ಆದರು. ಇದೇ ವೇಳೆ ಶಾರ್ದೂಲ್ ಠಾಕೂರ್ ಬೌಂಡರಿ ಬಳಿ ಹಿಡಿದ ಅದ್ಭುತ ಕ್ಯಾಚ್ಗೆ ಗುರ್ಬಜ್ ಔಟಾದರು. 63 ರನ್ಗೆ ಮೂರು ವಿಕೆಟ್ ಕಳೆದುಕೊಂಡ ಅಫಘಾನಿಸ್ತಾನ ತಂಡ ಹಿನ್ನಡೆ ಅನುಭವಿಸಿತು.
ಈ ಸುದ್ದಿಗಳನ್ನೂ ಓದಿ
ICC World Cup 2023 : ಕಾಂಗರೂ- ಹರಿಣಗಳ ನಡುವಿನ ಹಣಾಹಣಿಯಲ್ಲಿ ಗೆಲುವು ಯಾರಿಗೆ?
ICC World Cup 2023 : ವಿಶ್ವ ಕಪ್ನಲ್ಲಿ ಹೊಸ ದಾಖಲೆ ಬರೆದ ಪಾಕಿಸ್ತಾನ
ICC World Cup 2023 : ಬಿಗ್ ಸ್ಕೋರ್ ಪಂದ್ಯದಲ್ಲಿ ಲಂಕಾ ಮಣಿಸಿದ ಪಾಕ್
ಹಶ್ಮತುಲ್ಲಾ, ಅಜ್ಮತುಲ್ಲಾ ಶತಕದ ಜತೆಯಾಟ
ಹಿನ್ನಡೆಗೆ ಒಳಗಾದ ಅಪಘಾನಿಸ್ತಾನ ತಂಡವನ್ನು ನಾಯಕ ಹಶ್ಮತುಲ್ಲಾ ಶಾಹಿದಿ (80) ಹಾಗೂ ಅಜ್ಮತುಲ್ಲಾ ಒಮರ್ಜೈ (63) ಕಾಪಾಡಿದರು. ಅವರಿಬ್ಬರೂ ಅರ್ಧ ಶತಕಗಳನ್ನು ಬಾರಿಸಿದರಲ್ಲದೆ, ನಾಲ್ಕನೇ ವಿಕೆಟ್ಗೆ 121 ರನ್ಗಳ ಜತೆಯಾಟವಾಡಿದರು. ಆದರೆ, ಸ್ಫೋಟಕ ಬ್ಯಾಟಿಂಗ್ ಮಾಡುತ್ತಿದ್ದ ಒಮರ್ಜೈ ಅವರನ್ನು ಹಾರ್ದಿಕ್ ಪಾಂಡ್ಯ ಬೌಲ್ಡ್ ಮಾಡಿದರು. ಹಶ್ಮತುಲ್ಲಾ ಕುಲ್ದೀಪ್ ಎಸೆತಕ್ಕೆ ಎಲ್ಬಿಡಬ್ಲ್ಯು ಔಟಾದರು. ಮೊಹಮ್ಮದ್ ನಬಿ 19 ರನ್ ಬಾರಿಸಿದರೆ, ರಶೀದ್ ಖಾನ್ 16 ರನ್ ಗಳಿಸಿದರು. ಮುಜೀಬ್ ಉರ್ ರಹಮಾನ್ 10 ರನ್ ಕೊಡುಗೆ ಕೊಟ್ಟರು.
1️⃣6️⃣ Overs ✅
— Afghanistan Cricket Board (@ACBofficials) October 11, 2023
AfghanAtalan have scored 76 runs but have lost the top three batters in the process. Skipper @Hashmat_50 (9*) and the young all-rounder Azmatullah (4*) are in the middle to take us forward. 👍#AfghanAtalan | #CWC23 | #AFGvIND | #WarzaMaidanGata pic.twitter.com/RWjGYEaPVr
ಹಾರ್ದಿಕ್ ಪಾಂಡ್ಯ ಭಾರತ ಪರವಾಗಿ 2 ವಿಕೆಟ್ ಉರುಳಿಸಿದರೆ, ಕುಲ್ದೀಪ್ ಯಾದವ್ ಹಾಗೂ ಶಾರ್ದೂಲ್ ಠಾಕೂರ್ ತಲಾ 1 ವಿಕೆಟ್ ಉರುಳಿಸಿದರು. ಆದರೆ, ಮೊಹಮ್ಮದ್ ಸಿರಾಜ್ 9 ಓವರ್ಗಳ ಸ್ಪೆಲ್ನಲ್ಲಿ ಯಾವುದೇ ವಿಕೆಟ್ ಪಡೆಯದೇ 70 ರನ್ ನೀಡಿದ್ದು ತಂಡದ ಪಾಲಿಗೆ ದುಬಾರಿ ಎನಿಸಿತು. ಅವರನ್ನು ಕ್ರಿಕೆಟ್ ಪ್ರೇಮಿಗಳು ಟ್ರೋಲ್ ಮಾಡಿದರು.
ತಂಡಗಳು ಇಂತಿವೆ
ಭಾರತ ತಂಡ: ರೋಹಿತ್ ಶರ್ಮಾ (ಸಿ), ಇಶಾನ್ ಕಿಶನ್, ವಿರಾಟ್ ಕೊಹ್ಲಿ (ಸಿ), ಶ್ರೇಯಸ್ ಅಯ್ಯರ್, ಕೆಎಲ್ ರಾಹುಲ್ (ವಿಕೆ), ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಶಾರ್ದೂಲ್ ಠಾಕೂರ್, ಕುಲದೀಪ್ ಯಾದವ್, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್.
ಅಫಘಾನಿಸ್ತಾನ ತಂಡ : ರಹಮಾನುಲ್ಲಾ ಗುರ್ಬಾಜ್ (ವಿಕೆ), ಇಬ್ರಾಹಿಂ ಝದ್ರನ್, ರಹಮತ್ ಶಾ, ಹಶ್ಮತುಲ್ಲಾ ಶಾಹಿದಿ (ಸಿ), ನಜೀಬುಲ್ಲಾ ಝದ್ರನ್, ಮೊಹಮ್ಮದ್ ನಬಿ, ಅಜ್ಮತುಲ್ಲಾ ಒಮರ್ಜೈ, ರಶೀದ್ ಖಾನ್, ಮುಜೀಬ್ ಉರ್ ರಹಮಾನ್, ನವೀನ್-ಉಲ್-ಹಕ್, ಫಜಲ್ಹಾಕ್ ಫಾರೂಕಿ.