ಲಂಡನ್: ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ನಾಲ್ಕನೇ ಇನ್ನಿಂಗ್ಸ್ನಲ್ಲಿ ವಿರಾಟ್ ಕೊಹ್ಲಿ ಸ್ಕಾಟ್ ಬೋಲ್ಯಾಂಡ್ ಅವರ ಚೆಂಡನ್ನು ಎದುರಿಸಲು ಹೋಗಿ ಸ್ಮಿತ್ ಕ್ಯಾಚ್ ನೀಡಿ ಔಟಾದರು. ಈ ಮೂಲಕ ಭಾರತ ತಂಡದ ಗೆಲುವಿನ ಭರವಸೆಗೆ ಹೊಡೆತ ಬಿತ್ತು ಓವಲ್ನಲ್ಲಿ ನಡೆದ ಫೈನಲ್ನಲ್ಲಿ 444 ರನ್ ಟಾರ್ಗೆಟ್ ಬೆನ್ನಟ್ಟಿದ ಟೀಂ ಇಂಡಿಯಾ ವಿರಾಟ್ ಔಟಾಗುವುದರೊಂದಿಗೆ ಆಘಾತಕ್ಕೆ ಬಿತ್ತು. ಅದಕ್ಕಿಂತಲೂ ಹೆಚ್ಚಾಗಿ ವಿರಾಟ್ ಕೊಹ್ಲಿ ಔಟಾಗುತ್ತಿದ್ದಂತೆ ಪಂದ್ಯ ವೀಕ್ಷಿಸುತ್ತಿದ್ದ ಅವರ ಪತ್ನಿ ಅನುಷ್ಕಾ ಶರ್ಮಾ ಕೂಡ ಆಘಾತಕ್ಕೆ ಒಳಗಾದರು. ಈ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
The crowd was chanting kohli kohli kohli@imVkohli was on 49, and he didn't disappoint them and got out immediately 😂
— Syed Moazzam Uddin (@iammoazzam93) June 11, 2023
Whole #India thought kohli would win this match for them
A huge LOL😂#AUSvsIND #WorldTestChampionshipFinal pic.twitter.com/SRTRCdrLQH
ಐದನೇ ದಿನದಾಟದ ಆರಂಭಿಕ 30 ನಿಮಿಷಗಳ ಕಾಲ ರಕ್ಷಣಾತ್ಮಕ ಆಟಕ್ಕೆ ಸೀಮಿತವಾಗಿದ್ದ ಕೊಹ್ಲಿ ಬೋಲ್ಯಾಂಡ್ ಆಫ್ಸ್ಟಂಪ್ನಿಂದ ಹೊರಕ್ಕೆಸೆದ ಚೆಂಡನ್ನು ಬಾರಿಸಲು ಮುಂದಾದರು. ಆದರೆ ಚೆಂಡು ಸರಿಯಾಗಿ ಕನೆಕ್ಟ್ ಆಗದೇ ಬ್ಯಾಟ್ ಸವರಿಕೊಂಡು ಹೋಗಿ ಸ್ಲಿಪ್ನಲ್ಲಿದ್ದ ವಿರಾಟ್ ಕೊಹ್ಲಿಯ ಕೈ ಸೇರಿತು. ಸ್ಮಿತ್ ಪಾಲಿಗೂ ಇದು ಅಭೂತಪೂರ್ವ ಕ್ಯಾಚ್. ಅಲ್ಲಿಗೆ ಕೊಹ್ಲಿಯ ಎರಡನೇ ಇನಿಂಗ್ಸ್ ಬ್ಯಾಟಿಂಗ್ 49 ರನ್ಗಳಿಗೆ ಕೊನೆಗೊಂಡಿತು. 4ನೇ ದಿನದ ಮೂರನೇ ಸೆಷನ್ನಲ್ಲಿ ಉತ್ತಮವಾಗಿ ಆಡಿದ್ದ ಕೊಹ್ಲಿ ಐದನೇ ದಿನ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲಲಿಲ್ಲ.
ಕೊಹ್ಲಿ ಔಟಾದ ತಕ್ಷಣ , ಕ್ಯಾಮೆರಾಗಳು ಪ್ರೇಕ್ಷಕರಲ್ಲಿ ಕುಳಿತಿದ್ದ ಅವರ ಪತ್ನಿ ಅನುಷ್ಕಾ ಶರ್ಮಾ ಅವರತ್ತ ತಿರುಗಿದ್ದವು. ವಿರಾಟ್ ವಿಕೆಟ್ ಬೀಳುವುದನ್ನು ನೋಡಿದಅ ವರು ಆಘಾತಕ್ಕೆ ಒಳಗಾದಂತೆ ಕುಳಿತಿದ್ದರು. ಅನುಷ್ಕಾ ಅವರಂತೆಯೇ ವಿರಾಟ್ ಕೊಹ್ಲಿಯ ಅಭಿಮಾನಿಗಳು ಕೂಡ ಆಘಾತಕ್ಕೆ ಓಳಗಾದರು.
ಇದನ್ನೂ ಓದಿ : World Cup 2023 : ಮೋದಿ ಸ್ಟೇಡಿಯಂ ಅಂದ್ರೆನೆ ಪಾಕ್ ತಂಡಕ್ಕೆ ಭಯ! ಅಲ್ಲಿ ಆಡುವುದಿಲ್ಲ ಎಂದು ರಚ್ಚೆ ಹಿಡಿದ ಪಿಸಿಬಿ
ಡಬ್ಲ್ಯುಟಿಸಿ ಫೈನಲ್ನಲ್ಲಿ ದಾಖಲೆಯ ಚೇಸಿಂಗ್ ಪೂರ್ಣಗೊಳಿಸಲು ಕೊಹ್ಲಿ ನೆರವು ನೀಡುತ್ತಾರೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ, ಆಸ್ಟ್ರೇಲಿಯಾ ಬೌಲರ್ಗಳ ಮುಂದೆ ಭಾರತ ತಂಡದ ಆಟ ನಡೆಯಲಿಲ್ಲ.
ಇದಕ್ಕೂ ಮುನ್ನ ಭಾರತ 4ನೇ ದಿನದಾಟದ ಅಂತ್ಯಕ್ಕೆ 3 ವಿಕೆಟ್ ನಷ್ಟಕ್ಕೆ 164 ರನ್ ಗಳಿಸಿತ್ತು. ಕೊಹ್ಲಿ ತಮ್ಮ ಇನಿಂಗ್ಸ್ ಆರಂಭದಲ್ಲಿ ಆಸೀಸ್ ವೇಗಿಗಳನ್ನು ಎದುರಿಸಿದರೆ, ರಹಾನೆ ಕೂಡ ಸಾಥ್ ಕೊಟ್ಟರು.