ಬ್ಯೂನೋಸ್ ಐರಿಸ್ : ಫಿಫಾ ವಿಶ್ವ ಕಪ್ ವಿಜೇತ ಅರ್ಜೆಂಟೀನಾ ತಂಡದ ಸದಸ್ಯರು ಮಂಗಳವಾರ (ಡಿಸೆಂಬರ್20) ತವರೂರು ಅರ್ಜೆಂಟೀನಾ ತಲುಪಿದರು. ವಿಶೇಷ ವಿಮಾನದ ವಿಮಾನದ ಮೂಲಕ ಬ್ಯೂನಸ್ ಐರಿಸ್ನಲ್ಲಿ ಇಳಿದ ಅವರಿಗೆ ಸ್ಥಳೀಯ ಅಭಿಮಾನಿಗಳಿಂದ ಭರ್ಜರಿ ಸ್ವಾಗತ ದೊರೆಯಿತು.
ನಾಯಕ ಲಿಯೋನೆಲ್ ಮೆಸ್ಸಿ ಟ್ರೋಫಿಯನ್ನು ಹಿಡಿದುಕೊಂಡು ವಿಮಾನ ಇಳಿಯುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ತವರಿಗೆ ಬಂದಿಳಿದ ವಿಶ್ವ ವಿಜೇತ ಆಟಗಾರರಿಗೆ ಅಭಿಮಾನಿಗಳು ಕೆಂಪು ಹಾಸಿನ ಸ್ವಾಗತವನ್ನೂ ನೀಡಿದ್ದಾರೆ. ಅದೇ ರೀತಿ ಆಟಗಾರರು ತೆರೆದ ಬಸ್ ಮೂಲಕ ಪ್ರಮುಖ ಬೀದಿಯಲ್ಲಿ ಸಾಗಿ ಅಭಿಮಾನಿಗಳ ಶುಭ ಹಾರೈಸಿದರು.
ರಾತ್ರಿಯ ಬಳಿಕ ಒಬೆಲಿಸ್ಕ್ನಲ್ಲಿ ದೊಡ್ಡ ಮಟ್ಟದ ಕಾರ್ಯಕ್ರಮ ಆಯೋಜನೆಗೊಂಡಿದೆ. ಆಟಗಾರರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅಭಿಮಾನಿಗಳಿಗೆ ಶುಭ ಹಾರೈಸಲಿದ್ದಾರೆ.
ಇದನ್ನೂ ಓದಿ | FIFA World Cup | ಅರ್ಜೆಂಟೀನಾ ಗೋಲ್ ಕೀಪರ್ ವರ್ತನೆಗೆ ಅಭಿಮಾನಿಗಳ ಬೇಸರ