ಲಂಡನ್: ಆಶಸ್‌ ಸರಣಿಯ (Ashes 2023) 3ನೇ ಟೆಸ್ಟ್ ಜಯದ ಮೂಲಕ ಇಂಗ್ಲೆಂಡ್ ಟೆಸ್ಟ್ ಕ್ರಿಕೆಟ್ ತಂಡದ ಕ್ಯಾಪ್ಟನ್‌ ಬೆನ್‌ ಸ್ಟೋಕ್ಸ್ (Ben Stokes) ಅವರು ಭಾರತದ ಆಟಗಾರ ಮಹೇಂದ್ರ ಸಿಂಗ್‌ ಧೋನಿ (mahendra singh dhoni) ಅವರ ಹೆಸರಿನಲ್ಲಿದ್ದ ಟೆಸ್ಟ್ ವಿಜಯದ ದಾಖಲೆಯನ್ನು (test cricket record) ಮುರಿದಿದ್ದಾರೆ.
ಟೆಸ್ಟ್ ಪಂದ್ಯದಲ್ಲಿ 250ಕ್ಕೂ ಹೆಚ್ಚಿನ ರನ್‌ಗಳನ್ನು ಚೇಸಿಂಗ್‌ ಮಾಡಿ ಗೆದ್ದ ಹೆಚ್ಚಿನ ಪಂದ್ಯಗಳ ದಾಖಲೆ ಧೋನಿ ನಾಯಕತ್ವಕ್ಕೆ ಇದುವರೆಗೆ ಇತ್ತು. ಧೋನಿ ನಾಯಕತ್ವದಲ್ಲಿ ಅತ್ಯಧಿಕ ರನ್‌ಗಳ ನಾಲ್ಕು ಟೆಸ್ಟ್ ಪಂದ್ಯಗಳನ್ನು ಚೇಸ್‌ ಮಾಡಿ ಗೆಲುವು ಸಾಧಿಸಲಾಗಿತ್ತು. ಈಗ ನಡೆಯುತ್ತಿರುವ ಆಶಸ್‌ ಟೆಸ್ಟ್ ಕ್ರಿಕೆಟ್ ಸರಣಿಯಲ್ಲಿ (Ashes test Series) ಹೆಡಿಂಗ್ಲೇಯಲ್ಲಿ ನಡೆದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ರೋಚಕ ಗೆಲುವು ಸಾಧಿಸಿದ್ದು, ಬೆನ್‌ ಸ್ಟೋಕ್ಸ್ ನಾಯಕತ್ವದಲ್ಲಿ ಅಧಿಕ ರನ್‌ಗಳನ್ನು ಚೇಸ್‌ ಮಾಡಿ ಗೆಲುವು ಸಾಧಿಸಿದ ಐದನೇ ಪಂದ್ಯ ಎನಿಸಿದೆ. ಹಾಗಾಗಿ, ಧೋನಿ ದಾಖಲೆ ಈಗ ಸ್ಟೋಕ್ಸ್ ಪಾಲಾಗಿದೆ.
ಹೆಡಿಂಗ್ಲೇಯಲ್ಲಿ ನಡೆದ ಆಶಸ್‌ ಟೆಸ್ಟ್ ಕ್ರಿಕೆಟ್ ಸರಣಿಯ ಮೂರನೇ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ 3 ವಿಕೆಟ್‌ಗಳಿಂದ ಗೆಲುವು ದಾಖಲಿಸಿತು. ಆಸ್ಟ್ರೇಲಿಯಾ 251 ರನ್‌ಗಳನ್ನು ಪೇರಿಸಿತ್ತು. ಈ ಮೊತ್ತದ ಬೆನ್ನು ಹತ್ತಿದ ಇಂಗ್ಲೆಂಡ್ 7 ವಿಕೆಟ್‌ ಕಳೆದುಕೊಂಡು ಗುರಿ ತಲುಪಿತು.
ಇದನ್ನೂ ಓದಿ: Ashes 2023 : ಮೂರನೇ ಟೆಸ್ಟ್ನಲ್ಲಿ ಇಂಗ್ಲೆಂಡ್ ತಂಡಕ್ಕೆರೋಚಕ ಜಯ