ಬರ್ಮಿಂಗ್‌ಹ್ಯಾಮ್‌: ಇಂಗ್ಲೆಂಡ್ ವಿರುದ್ಧ ಸಾಗುತ್ತಿರುವ ಮೊದಲ ಆ್ಯಶಸ್ ಟೆಸ್ಟ್(Ashes 2023) ಪಂದ್ಯದಲ್ಲಿ ಆರಂಭಕಾರ ಉಸ್ಮಾನ್ ಖವಾಜ ಅಜೇಯ ಶತಕ ಬಾರಿಸಿ ಸಂಭ್ರಮಿಸಿದ್ದಾರೆ, ಅವರ ಈ ಶತಕದ ನೆರವಿನಿಂದ ಆಸ್ಟ್ರೇಲಿಯ 5 ವಿಕೆಟ್ಗೆ 311 ರನ್ಗಳಿದೆ. ಆದರೆ ಶತಕ ಬಾರಿಸಿದ ವೇಳೆ ಖವಾಜ ಅವರು ವಿಚಿತ್ರ ರೀತಿಯಲ್ಲಿ ಸಂಭ್ರಮಿಸಿದ ವಿಡಿಯೊ ಇದೀಗ ಎಲ್ಲಡೆ ವೈರಲ್(viral video) ಆಗಿದೆ.
ವಿಕೆಟ್ ನಷ್ಟವಿಲ್ಲದೆ 14 ರನ್ ಮಾಡಿದಲ್ಲಿಂದ ಶನಿವಾರದ ಆಟ ಮುಂದುವರಿಸಿದ್ದ ಆಸ್ಟ್ರೇಲಿಯ ತಂಡ 29 ರನ್ ತಲುಪಿದ ಅವಳಿ ಆಘಾತಕ್ಕೆ ಸಿಲುಕಿತು. ಸ್ಟುವರ್ಟ್‌ ಬ್ರಾಡ್‌ ಒಂದೇ ಓವರ್‌ನಲ್ಲಿ ಡೇವಿಡ್‌ ವಾರ್ನರ್‌ (9) ಮತ್ತು ಮಾರ್ನಸ್‌ ಲಬುಶೇನ್‌ (0) ಅವರನ್ನು ಪೆವಿಲಿಯನ್‌ಗೆ ಅಟ್ಟಿದರು. ಲಬುಶೇನ್‌ ಗೋಲ್ಡನ್‌ ಡಕ್‌ ಸಂಕಟಕ್ಕೆ ಸಿಲುಕಿದರು. ಸ್ಟೀವನ್‌ ಸ್ಮಿತ್‌ (16) ಕೂಡ ತಂಡದ ನೆರವಿಗೆ ನಿಲ್ಲಲಿಲ್ಲ. ಈ ವೇಳೆ ಕ್ರೀಸ್ ಕಚ್ಚಿ ನಿಂತ ಖವಾಜ 4ನೇ ವಿಕೆಟಿಗೆ ಟ್ರಾವಿಸ್ ಹೆಡ್ ಜತೆ ಸೇರಿ 81 ರನ್‌ಗಳ ಜತೆಯಾಟ ನಡೆಸಿದರು. ಹೆಡ್ ವಿಕೆಟ್ ಪತನದ ಬಳಿಕ ಅಲೆಕ್ಸ್ ಕೇರಿ ಜತೆಗೂಡಿ ಮತ್ತೆ ಉತ್ತಮ ಜತೆಯಾಟ ನಡೆಸುವ ಮೂಲಕ ತಂಡಕ್ಕೆ ಆಸರೆಯಾದರು.
ಭಾರತ ವಿರುದ್ಧದ ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯದಲ್ಲಿ ನಿರೀಕ್ಷಿತ ಮಟ್ಟದ ಪ್ರದರ್ಶನ ತೋರುವಲ್ಲಿ ಎಡವಿದ್ದ ಅವರು ಇಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಟೆಸ್ಟ್ನಲ್ಲಿ 15ನೇ ಶತಕ ಪೂರ್ತಿಗೊಳ್ಳುತ್ತಿದ್ದಂತೆ ಅತ್ಯಂತ ಆಕ್ರೋಶಭರಿತವಾದ ರೀತಿಯಲ್ಲಿ ಬ್ಯಾಟ್ ಬೀಸಾಡುವ ಮೂಲಕ ಸಂಭ್ರಮಾಚರಣೆ ಮಾಡಿದರು. ಇದನ್ನು ಕಂಡ ಇಂಗ್ಲೆಂಡ್ ಆಟಗಾರರು ಒಂದು ಕ್ಷಣ ದಂಗಾದರು. ಖವಾಜ ಈ ವರ್ತನೆಗೆ ಕೆಲ ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ಅವರ ಮೇಲೆ ದೆವ್ವ ಬಂದಿದೆ ಎಂದು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ Ashes 2023: ಉಸ್ಮಾನ್ ಖವಾಜ ಶತಕ; ಆಂಗ್ಲರಿಗೆ ತಿರುಗೇಟು ನೀಡುತ್ತಿರುವ ಆಸೀಸ್
A magnificent 💯 from Usman Khawaja 😍
— Sony Sports Network (@SonySportsNetwk) June 17, 2023
The south-paw fights against all odds to get Australia back in the game 👊#SonySportsNetwork #RivalsForever #ENGvAUS #Ashes2023 pic.twitter.com/yaz1Y7gIt1
126 ರನ್ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿರುವ ಅವರು ಭಾನುವಾರ ತಮ್ಮ ಶತಕವನ್ನು ದ್ವಿಶತಕವನ್ನಾಗಿ ಪರಿವರ್ತಿಸಿದರೂ ಅಚ್ಚರಿಯಿಲ್ಲ. ಮತ್ತೊಂದು ತುದಿಯಲ್ಲಿ ಅಲೆಕ್ಸ್ ಕೇರಿ 52 ರನ್ ಬಾರಿಸಿದ್ದಾರೆ. ಅವರೂ ಕೂಡ ಶತಕ ಬಾರಿಸುವ ವಿಶ್ವಾಸದಲ್ಲಿದ್ದಾರೆ.