Asia cup 2022: ಭಾರತ ಹಾಗೂ ಜಪಾನ್‌ ವಿರುದ್ಧದ ಹಾಕಿ ಪಂದ್ಯದಲ್ಲಿ ಮನ್‌ಜೀತ್‌ ಸಿಂಗ್‌ ಹಾಗೂ ಪವನ್‌ ರಾಜ್‌ಭರ್‌ ಭಾರತವನ್ನು ಗೆಲ್ಲಿಸಿ ಸ್ಟಾರ್‌ ಆಗಿದ್ದಾರೆ. ಇಂಡೋನೇಷ್ಯಾದ ಜಕಾರ್ತಾದಲ್ಲಿ ನಡೆದ ಈ ಪಂದ್ಯದಲ್ಲಿ ಭಾರತ ತಂಡವು ಜಪಾನ್‌ ವಿರುದ್ಧ 2-1 ಅಂತರದಲ್ಲಿ ರೋಚಕ ಗೆಲುವು ಸಾಧಿಸಿದೆ. ಕಳೆದ ಬಾರಿ ಜಪಾನ್‌ ವಿರುದ್ಧ ಭಾರತ ಸೋಲನ್ನು ಕಂಡಿದ್ದಕ್ಕೆ ʼಸೂಪರ್‌ 4ʼನಲ್ಲಿ ರಿವೆಂಜ್‌ ತೆಗೆದುಕೊಂಡಿದ್ದಾರೆ.
ಪಂದ್ಯದ ಮೊದಲ ಹಾಫ್‌ ಟೈಂ ವೇಳೆಗೆ ಜಪಾನ್‌ ಹಾಗೂ ಭಾರತ 1-1 ಗೋಲ್‌ ಹೊಡೆದು ಸರಿಸಮವಾಗಿತ್ತು. ಮೊದಲ 7 ನಿಮಿಷದಲ್ಲಿ ಮನ್‌ಜೀತ್‌ ಗೋಲ್‌ ಬಾರಿಸಿ ಮುನ್ನಡೆ ಸಾಧಿಸಿದ್ದರು. ಆದರೆ ಜಪಾನ್‌ ತಂಡದ ತಕುಮಾ ನಿವಾ ಕೂಡ ಗೋಲ್‌ ಪಡೆದು ಅರ್ಧ ಸಮಯದ ಹೊತ್ತಿಗೆ ಎರಡೂ ತಂಡಗಳ ಅಂಕ ಸಮವಾಗಿಸಿದರು.
ಜಪಾನ್‌ ತಂಡ ಪಂದ್ಯದುದ್ದಕ್ಕೂ ಉತ್ತಮ ಆಟವನ್ನಾಡಿ ಗೆಲುವಿನ ಭರವಸೆಯಲ್ಲಿತ್ತು. ಆದರೆ, ಭಾರತ ತಂಡ ಮೂರನೇ ಕ್ವಾರ್ಟರ್‌ನಲ್ಲಿ ಅದ್ಭುತ ಕಮ್‌ ಬ್ಯಾಕ್‌ ಮಾಡಿತು. ಮೂರನೇ ಕ್ವಾರ್ಟರ್‌ನಲ್ಲಿ ಪವನ್‌ ರಾಜ್‌ಭರ್‌ ಗೋಲ್‌ ಬಾರಿಸುವ ಮೂಲಕ ಎಲ್ಲರ ಪ್ರಶಂಸೆಗೆ ಪಾತ್ರರಾದರು. ಅವರ ಈ ಗೋಲ್‌ನಿಂದ ಭಾರತವು ಜಪಾನ್‌ ವಿರುದ್ಧ ಒಂದು ಗೋಲ್‌ನ ಲೀಡ್‌ ಪಡೆಯುವಲ್ಲಿ ಯಶಸ್ವಿಯಾಯಿತು.
ಇದನ್ನೂ ಓದಿ: Asia Cup 2022 | ಜಪಾನ್‌ ವಿರುದ್ಧ ಭಾರತ ಹಾಕಿ ತಂಡಕ್ಕೆ ಸೋಲು