ಹ್ಯಾಂಗ್‌ಝೌ: ಏಷ್ಯನ್ ಗೇಮ್ಸ್ನಲ್ಲಿ(Asian Games 2023) ಮಂಗೋಲಿಯಾ ವಿರುದ್ಧದ ಪಂದ್ಯದಲ್ಲಿ ಹಲವು ವಿಶ್ವ ದಾಖಲೆ ಬರೆದ ಡೇಂಜರಸ್ ನೇಪಾಳ ವಿರುದ್ಧ ಭಾರತ ಮೊದಲ ಕ್ವಾರ್ಟರ್ ಫೈನಲ್ನಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿಯಲಿದೆ. ಮಂಗಳವಾರ ಇತ್ತಂಡಗಳ ನಡುವಣ ಮುಖಾಮುಖಿ ನಡೆಯಲಿದೆ.
ನೇಪಾಳಕ್ಕೆ ಬ್ಯಾಟಿಂಗ್ ಬಲ
ಈಗ ತಾನೆ ಕ್ರಿಕೆಟ್ ಅಂಗಳಕ್ಕೆ ಕಾಲಿಟ್ಟಿರುವ ಕ್ರಿಕೆಟ್ ಶಿಸು ನೇಪಾಳ ತಂಡದ ಆಟಗಾರ ಪ್ರದರ್ಶನವನ್ನು ನೋಡುವಾಗ ಅನುಭವಿಗಳು ಕೂಡ ಇವರ ಮುಂದೆ ತಲೆಬಾಗುವಂತಿದೆ. ಇದಕ್ಕೆ ಕಳೆದ ಮಂಗೋಲಿಯಾ ವಿರುದ್ಧದ ಪಂದ್ಯವೇ ಉತ್ತಮ ನಿದರ್ಶನ. ಈ ಪಂದ್ಯದಲ್ಲಿ 19 ವರ್ಷದ ಎಡಗೈ ಬ್ಯಾಟರ್ ಕುಶಾಲ್ ಮಲ್ಲ ಕೇವಲ 34 ಎಸೆತಗಳಲ್ಲಿ ಶತಕವನ್ನು ಸಿಡಿಸುವ ಮೂಲಕ ಡೇವಿಡ್‌ ಮಿಲ್ಲರ್‌, ರೋಹಿತ್ ಶರ್ಮಾ ಅವರ ಹೆಸರಿನಲ್ಲಿದ್ದ ವಿಶ್ವ ದಾಖಲೆಯನ್ನು ಮುರಿದ್ದಿದ್ದರು. ದೀಪೇಂದ್ರ ಸಿಂಗ್ ಐರೆ ವಿಸ್ಫೋಟ ಬ್ಯಾಟಿಂಗ್ ನಡೆಸಿ ಕೇವಲ 9 ಎಸೆತಗಳಲ್ಲಿ ಅರ್ಧ ಶತಕವನ್ನು ಸಿಡಿಸಿ ಎಲ್ಲರನ್ನು ನಿಬ್ಬೆರಗಾಗುವಂತೆ ಮಾಡಿದ್ದರು. ಅವರ ಈ ಆಕ್ರಮಣ ಆಟದ ವೇಳೆ 2007 ಟಿ20 ವಿಶ್ವಕಪ್ನಲ್ಲಿ ಯುವರಾಜ್ ಸಿಂಗ್(12 ಎಸೆತಗಳಲ್ಲಿ ಅರ್ಧ ಶತಕ) ನಿರ್ಮಿಸಿದ್ದ ದಾಖಲೆಯೊಂದು ಪತನಗೊಂಡಿತ್ತು. ಭಾರತ ವಿರುದ್ಧದ ಪಂದ್ಯದಲ್ಲಿಯೂ ಉಭಯ ಆಟಗಾರರ ಮೇಲೆ ತಂಡ ಹೆಚ್ಚಿನ ನಿರೀಕ್ಚೆ ಇರಿಸಿದೆ.
ಇದನ್ನೂ ಓದಿ Asian Games 2023: ಟಿಟಿಯಲ್ಲಿ ಕಂಚು ಗೆದ್ದ ಐಹಿಕಾ-ಸುತೀರ್ಥ ಜೋಡಿ
ಭಾರತ ಸಮರ್ಥ ತಂಡ
ಐಪಿಎಲ್ನಲ್ಲಿ ಹೊಡಿ ಬಡಿ ಆಟದ ಮೂಲಕ ಗಮನಸೆಳೆದ ಆಟಗಾರರೇ ಭಾತರ ತಂಡದಲ್ಲಿ ಕಾಣಿಸಿಕೊಂಡಿದ್ದಾರೆ. ವಿಂಡೀಸ್ ವಿರುದ್ಧದ ಟೆಸ್ಟ್ ಮತ್ತು ಟಿ20 ಕ್ರಿಕೆಟ್ ಸರಣಿಯಲ್ಲಿ ವಿಸ್ಫೋಟಕ ಬ್ಯಾಟಿಂಗ್ ನಡೆಸಿದ ಯಶಸ್ವಿ ಜೈಸ್ವಾಲ್, ಐಪಿಎಲ್ನ ಸಿಕ್ಸರ್ ಕಿಂಗ್ ರಿಂಕು ಸಿಂಗ್, ತಿಲಕ್ ವರ್ಮ, ಗೂಗ್ಲಿ ಸ್ಟಾರ್ ರವಿ ಬಿಷ್ಣೋಯ್, ಯಾರ್ಕರ್ ಸ್ಟಾರ್ ಅರ್ಷದೀಪ್ ಸಿಂಗ್ ತಂಡದಲ್ಲಿರುವ ಪ್ರಮುಖ ಆಟಗಾರರು. ಇವರನ್ನೊಳಗೊಂಡ ತಂಡವನ್ನು ನೋಡುವಾಗ ಭಾರತವೇ ಪೇವರಿಟ್ ಎನ್ನಲಡ್ಡಿಯಿಲ್ಲ. ಆದರೆ ಪ್ರತಿ ಹೆಜ್ಜೆಯಲ್ಲಿ ಎಚ್ಚರ ಅಗತ್ಯ.
#AsianGames2022 bound 🇮🇳 Men's Cricket Team come together to spread the message of cleanliness 🌍
— SAI Media (@Media_SAI) October 2, 2023
As they prepare to hit the pitch tomorrow, let's join hands to create a cleaner and healthier future for our nation! 💚
Visit https://t.co/wzT5ZQaiWN, share your photo with the… pic.twitter.com/ik31Ebw4PJ
ಮಹಿಳೆಯರ ಸಾಧನೆಯೇ ಸ್ಫೂರ್ತಿಯಾಗಲಿ
ಭಾರತ ಪರುಷರ ತಂಡ ಇದುವರೆಗೆ ಏಷ್ಯನ್ ಗೇಮ್ಸ್ನಲ್ಲಿ ಕ್ರಿಕೆಟ್ ಆಡಿಲ್ಲ. ಮಹಿಳಾ ತಂಡವೂ ಆಡಿರಲಿಲ್ಲ. ಆದರೆ ಮಹಿಳಾ ತಂಡ ಚೊಚ್ಚಲ ಪ್ರಯತ್ನದಲ್ಲೇ ಗೆದ್ದು ಐತಿಹಾಸಿಕ ಚಿನ್ನದ ಪದಕ ಗೆದ್ದ ಸಾಧನೆ ಮಾಡಿತ್ತು. ಇದನ್ನೇ ಸ್ಫೂರ್ತಿಯಾಗಿರಿಸಿ ಪರುಷರ ತಂಡವೂ ಕಣಕ್ಕಿಳಿಯಬೇಕಿದೆ.
ಸಂಭಾವ್ಯ ತಂಡ
ಭಾರತ: ಋತುರಾಜ್ ಗಾಯಕ್ವಾಡ್ (ನಾಯಕ), ಯಶಸ್ವಿ ಜೈಸ್ವಾಲ್, ತಿಲಕ್ ವರ್ಮಾ, ರಿಂಕು ಸಿಂಗ್, ಜಿತೇಶ್ ಶರ್ಮಾ (ವಿ.ಕೀ), ವಾಷಿಂಗ್ಟನ್ ಸುಂದರ್, ರವಿ ಬಿಷ್ಣೋಯ್, ಅವೇಶ್ ಖಾನ್, ಅರ್ಶ್ದೀಪ್ ಸಿಂಗ್, ಮುಖೇಶ್ ಕುಮಾರ್, ಶಿವಂ ದುಬೆ.
ನೇಪಾಳ: ಕುಶಾಲ್ ಭುರ್ಟೆಲ್, ಆಸಿಫ್ ಶೇಖ್ (ವಿಕೆಟ್ ಕೀಪರ್), ರೋಹಿತ್ ಪೌಡೆಲ್ (ನಾಯಕ), ಭೀಮ್ ಶರ್ಕಿ, ಸೋಂಪಾಲ್ ಕಮಿ, ಗುಲ್ಸನ್ ಝಾ, ದೀಪೇಂದ್ರ ಸಿಂಗ್ ಐರಿ, ಕುಶಾಲ್ ಮಲ್ಲಾ, ಸಂದೀಪ್ ಲಮಿಚಾನೆ, ಕರಣ್ ಕೆಸಿ, ಲಲಿತ್ ರಾಜಬನ್ಶಿ.ಲ.