ಮುಂಬಯಿ: ಗ್ಲೆನ್ ಮ್ಯಾಕ್ಸ್ವೆಲ್ ಅವರ ದ್ವಿಶತಕದ (ಅಜೇಯ 201 ರನ್) ನೆರವು ಪಡೆದ ಆಸ್ಟ್ರೇಲಿಯಾ ತಂಡ ಅಫಘಾನಿಸ್ತಾನ ವಿರುದ್ಧದ ತನ್ನ ವಿಶ್ವ ಕಪ್ ಪಂದ್ಯದಲ್ಲಿ (ICC World Cup 2023) 3 ವಿಕೆಟ್ ರೋಚಕ ಗೆಲುವು ಸಾಧಿಸಿದೆ. ಈ ಮೂಲಕ ಪ್ಯಾಟ್ ಕಮಿನ್ಸ್ ನೇತೃತ್ವದ ಆಸೀಸ್ ಬಳಗ ವಿಶ್ವ ಕಪ್ನ ಸೆಮಿಫೈನಲ್ಗೆ ಪ್ರವೇಶ ಪಡೆದುಕೊಂಡಿದೆ. ಆಸ್ಟ್ರೇಲಿಯಾ ತಂಡ ಪ್ರಸ್ತುತ ಆರು ಗೆಲುವುಗಳೊಂದಿಗೆ ಒಟ್ಟು 12 ಅಂಕಗಳನ್ನು ಪಡೆದು ಮೂರನೇ ಸ್ಥಾನ ಪಡೆದುಕೊಂಡಿದೆ. ಈ ತಂಡಕ್ಕೆ ಇನ್ನೂ ಒಂದು ಪಂದ್ಯ ಬಾಕಿ ಇದೆ. ಅದು ಬಾಂಗ್ಲಾದೇಶ ತಂಡದ ವಿರುದ್ಧ. ಅಲ್ಲೂ ಗೆದ್ದರೆ ಗರಿಷ್ಢ 14 ಅಂಕಗಳನ್ನ ಗಳಿಸಬಹುದು. ಹೀಗಾಗಿ ಗರಿಷ್ಠ ಎರಡನೇ ಸ್ಥಾನಕ್ಕೆ ಮಾತ್ರ ಏರಲು ಆಸ್ಟ್ರೇಲಿಯಾ ತಂಡಕ್ಕೆ ಸಾಧ್ಯವಿದೆ.
Final in 1975.
— Johns. (@CricCrazyJohns) November 7, 2023
Champions in 1987.
Final in 1996.
Champions in 1999.
Champions in 2003.
Champions in 2007.
Champions in 2015.
Semi-Final in 2019.
Semi-Final* in 2023.
The Greatest team in World Cup history – Australia 🐐 pic.twitter.com/SIawiTvzQk
ಪ್ರಸ್ತು ದಕ್ಷಿಣ ಆಫ್ರಿಕಾ ತಂಡ 6 ಗೆಲುವಿನೊಂದಿಗೆ 12 ಅಂಕಗಳನ್ನು ಸಂಪಾದಿಸಿಕೊಂಡು ಎರಡನೇ ಸ್ಥಾನದಲ್ಲಿದೆ. ಅದು (+1.376) ಆಸ್ಟ್ರೇಲಿಯಾ ತಂಡಕ್ಕಿಂತ (+0.861) ಹೆಚ್ಚಿನ ರನ್ರೇಟ್ ಹೊಂದಿರುವ ಕಾರಣ ಎರಡನೇ ಸ್ಥಾನ ಪಡೆದಿದೆ. ಎರಡೂ ತಂಡಗಳಿಗೆ ತಲಾ ಒಂದು ಪಂದ್ಯ ಬಾಕಿ ಇದೆ. ದಕ್ಷಿಣ ಆಫ್ರಿಕಾಗೆ ಅಫಘಾನಿಸ್ತಾನ ತಂಡವೇ ಎದುರಾಳಿ. ಹೀಗಾಗಿ ಆ ತಂಡವೂ ಗೆಲ್ಲುವ ಚಾನ್ಸ್ ಇದೆ. ಆದಾಗ್ಯೂ ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ, ಎರಡನೇ ಮತ್ತು ಮೂರನೇ ಸ್ಥಾನವನ್ನು ಮಾತ್ರ ಪಡೆಯಲು ಸಾಧ್ಯವಿದೆ. ಹೀಗಾಗಿ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಈ ಎರಡೂ ತಂಡಗಳು ಮುಖಾಮುಖಿಯಾಗುವುದು ಖಚಿತ.
ಇದನ್ನೂ ಓದಿ: Glenn Maxwell : ಆಫ್ಘನ್ ವಿರುದ್ಧ ದ್ವಿಶತಕ ಬಾರಿಸಿ ಹಲವು ದಾಖಲೆಗಳನ್ನು ಛಿದ್ರಗೊಳಿಸಿದ ಮ್ಯಾಕ್ಸ್ವೆಲ್
ಇನ್ನು ಮೊದಲ ಸ್ಥಾನಕ್ಕೆ ಭಾರತಕ್ಕೆ ನಿಶ್ಚಿವಾಗಿದೆ. ಆತಿಥೇಯ ಭಾರತ ಸೆಮೀಸ್ಗೆ ಪ್ರವೇಶ ಪಡೆಯಲು ಹೊಂಚು ಹಾಕುತ್ತಿರುವ ನ್ಯೂಜಿಲ್ಯಾಂಡ್, ಅಫಘಾನಿಸ್ತಾನ ಮತ್ತು ಪಾಕಿಸ್ತಾನ ತಂಡದಲ್ಲಿ ಒಂದನ್ನು ಸೆಮೀಸ್ನಲ್ಲಿ ಎದುರಿಸಿದೆ.
ಅಂಕ ಪಟ್ಟಿ ಇಲ್ಲಿದೆ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ | ನೆಟ್ ರನ್ರೇಟ್ |
| ಭಾರತ | 8 | 8 | 0 | 16 | +2.456 |
| ದಕ್ಷಿಣ ಆಫ್ರಿಕಾ | 8 | 6 | 2 | 12 | +1.376 |
| ಆಸ್ಟ್ರೇಲಿಯಾ | 8 | 6 | 2 | 12 | +0.861 |
| ನ್ಯೂಜಿಲ್ಯಾಂಡ್ | 8 | 4 | 4 | 8 | +0.398 |
| ಪಾಕಿಸ್ತಾನ | 8 | 4 | 4 | 8 | +0.036 |
| ಅಫಘಾನಿಸ್ತಾನ | 8 | 4 | 4 | 8 | -0.338 |
| ಬಾಂಗ್ಲಾದೇಶ | 8 | 2 | 6 | 4 | -1.142 |
| ಶ್ರೀಲಂಕಾ | 8 | 2 | 6 | 4 | -1.160 |
| ನೆದರ್ಲ್ಯಾಂಡ್ಸ್ | 7 | 2 | 5 | 4 | -1.398 |
| ಇಂಗ್ಲೆಂಡ್ | 7 | 1 | 6 | 2 | -1.504 |
ಭಾರತ ತಂಡ ಒಟ್ಟು 16 ಅಂಕಗಳನ್ನು ಗಳಿಸುವ ಮೂಲಕ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನವನ್ನು ಮುಂದುವರಿಸಿದೆ. ಅಲ್ಲದೆ, ಭಾರತವೀಗ ಗರಿಷ್ಠ +2.456 ನೆಟ್ರನ್ ರೇನ್ ಪಡೆದುಕೊಂಡಿದೆ. ಅತ್ತ ದಕ್ಷಿಣ ಆಫ್ರಿಕಾ ತಂಡ 12 ಅಂಕಗಳೊಂದಿಗೆ ಎರಡನೇ ಸ್ಥಾನವನ್ನು ಕಾಪಾಡಿಕೊಂಡಿದೆ. ಅದರೆ, ಬೃಹತ್ ಅಂತರದ ಸೋಲಿನೊಂದಿಗೆ ನೆಟ್ರನ್ರೇಟ್ ಕಳೆದುಕೊಂಡಿದೆ. ಪಂದ್ಯಕ್ಕೆ ಮೊದಲು +2.290 ನೆಟ್ರನ್ರೇಟ್ ಹೊಂದಿದ್ದ ಹರಿಣಗಳ ಪಡೆ +1.376 ರನ್ರೇಟ್ಗೆ ಇಳಿದಿದೆ. ಈ ಲೆಕ್ಕಾಚಾರದ ಪ್ರಕಾರ ನೋಡುವುದಾದರೆ ಭಾರತ ತಂಡ ಲೀಗ್ ಹಂತದ ಮುಕ್ತಾಯದ ವೇಳೆಗೆ ಅಗ್ರ ಕ್ರಮಾಂಕವನ್ನು ಕಾಪಾಡಿಕೊಳ್ಳುವುದು ಬಹುತೇಕ ನಿಶ್ಚಿತ.