ಮೆಲ್ಬೋರ್ನ್: ಇಟಲಿಯ ಯುವ ಆಟಗಾರ ಜಾನ್ನಿಕ್‌ ಸಿನ್ನರ್(Jannik Sinner) ಆಸ್ಟ್ರೇಲಿಯಾ ಓಪನ್(Australian Open Final) ಪ್ರಶಸ್ತಿ ಗೆದ್ದು ವರ್ಷದ ಮೊದಲ ಗ್ರ್ಯಾಂಡ್ ಸ್ಲಾಮ್ ಗೆದ್ದ ಸಾಧನೆ ಮಾಡಿದ್ದಾರೆ. ಇಂದು ನಡೆದ ಫೈನಲ್ ಪಂದ್ಯದಲ್ಲಿ ರಷ್ಯಾದ ಅನುಭವಿ ಆಟಗಾರ ಡ್ಯಾನಿಲ್ ಮೆಡ್ವೆಡೆವ್ಗೆ(Daniil Medvedev) ಸೋಲುಣಿಸಿ ಚೊಚ್ಚಲ ಆಸ್ಟ್ರೇಲಿಯಾ ಓಪನ್ ಕಿರೀಟ ತಮ್ಮದಾಗಿಸಿಕೊಂಡಿದ್ದಾರೆ.
ಭಾನುವಾರ ರಾಡ್ ಲೇವರ್ ಅರೆನಾದಲ್ಲಿ ನಡೆದ ಪುರುಷರ ಸಿಂಗಲ್ಸ್ ಫೈನಲ್ನ 5 ಸೆಟ್ಗಳ ಜಿದ್ದಾಜಿದ್ದಿನ ಹೋರಾಟದಲ್ಲಿ ಮೆಡ್ವೆಡೆವ್ ಅವರನ್ನು 3-6, 3-6, 6-4, 6-4, 6-3 ಸೆಟ್‌ಗಳಿಂದ ಹಿಮ್ಮಟಿಸಿದ ಸಿನ್ನರ್ ಓಪನ್ ಎರಾದಲ್ಲಿ ಗ್ರ್ಯಾಂಡ್ ಸ್ಲಾಮ್ ಗೆದ್ದ ಎರಡನೇ ಇಟಾಲಿಯನ್ ಆಟಗಾರ ಎನಿಸಿಕೊಂಡರು. ಉಭಯ ಆಟಗಾರರ 5 ಸೆಟ್ನ ಮ್ಯಾರಥಾನ್ ಫೈಟ್ 3 ಗಂಟೆ 44 ನಿಮಿಷಗದಲ್ಲಿ ಅಂತ್ಯಕಂಡಿತು.
Congratulations @DaniilMedwed on a remarkable #AO2024 💙
— #AusOpen (@AustralianOpen) January 28, 2024
Always fierce on court. Entertaining post-match. Humble in victory. And gracious in defeat.
We'll see you next year, Daniil 👋#AusOpen pic.twitter.com/49avZ38u4f
22 ವರ್ಷದ ಸಿನ್ನರ್ ಪ್ರತಿಷ್ಠಿತ ಹಾರ್ಡ್ ಕೋರ್ಟ್ ಮೇಜರ್ ಪ್ರಶಸ್ತಿ ಗೆದ್ದ ಮೂರನೇ ಕಿರಿಯ ಆಟಗಾರ ಎನಿಸಿಕೊಂಡರು. ಜೊಕೊವಿಕ್ ಮತ್ತು ಜಿಮ್ ಕೊರಿಯರ್ 1988ರಲ್ಲಿ ಈ ಸಾಧನೆ ಮಾಡಿದ್ದರು. ಸಿನ್ನರ್ ಸೆಮಿಫೈನಲ್ ಪಂದ್ಯದಲ್ಲಿ 24 ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿ ವೀರ ಸರ್ಬಿಯಾದ ನೊವಾಕ್ ಜೋಕೊವಿಕ್ಗೆ ಸೋಲುಣಿಸಿದ್ದರು. ಆಗಲೇ ಈ ಬಾರಿ ಸಿನ್ನರ್ ಚಾಂಪಿಯನ್ ಆಗುವು ಖಚಿತ ಎಂದು ಟೆನಿಸ್ ಅಭಿಮಾನಿಗಳು ನಿರೀಕ್ಷೆ ಮಾಡಿದ್ದರು. ಅಭಿಮಾನಿಗಳ ನಿರೀಕ್ಷೆಯಂತೆ ಸಿನ್ನರ್ ಚಾಂಪಿಯನ್ ಪಟ್ಟ ಅಲಂಕರಿಸಿದ್ದಾರೆ.
ಇದನ್ನೂ ಓದಿ Australian Open 2024 : ಚಾಂಪಿಯನ್ ರೋಹನ್ ಬೋಪಣ್ಣ ಗಳಿಸಿದ ಬಹುಮಾನ ಮೊತ್ತವೆಷ್ಟು?
Sublime from Sinner 🥕
— #AusOpen (@AustralianOpen) January 28, 2024
The Italian 🇮🇹 clinches his maiden Grand Slam title 🏆
He triumphs in five hardfought sets 3-6 3-6 6-4 6-4 6-3 to win #AO2024. @janniksin • @wwos • @espn • @eurosport • @wowowtennis pic.twitter.com/DTCIqWoUoR
ಡೇನಿಯಲ್ ಮೆಡ್ವೆಡೆವ್ ಅವರಿಗೆ ಇದು ಮೂರನೇ ಆಸ್ಟ್ರೇಲಿಯಾ ಓಪನ್ ಫೈನಲ್ ಪಂದ್ಯವಾಗಿತ್ತು. ಚೊಚ್ಚಲ ಬಾರಿ ಪ್ರಶಸ್ತಿ ಮೇಲೆ ಅವರು ಕಣ್ಣಿಟ್ಟಿದ್ದರು. ಆದರೆ ಇಟಲಿಯ ಯುವ ಆಟಗಾರ ಇದಕ್ಕೆ ಅನುವು ಮಾಡಿಕೊಡಲಿಲ್ಲ. ಇದಕ್ಕೂ ಹಿಂದೆ ಅಂದರೆ 2021 ಮತ್ತು 2022ರಲ್ಲಿ ಕ್ರಮವಾಗಿ ನೊವಾಕ್ ಜೊಕೊವಿಕ್ ಮತ್ತು ರಾಫೆಲ್ ನಡಾಲ್ ವಿರುದ್ಧ ಮೆಡ್ವೆಡೆವ್ ಫೈನಲ್ನಲ್ಲಿ ಸೋಲು ಕಂಡಿದ್ದರು.
ರೋಚಕ ಪಂದ್ಯ
ಮೊದಲ ಎರಡು ಸೆಟ್ಗಳಲ್ಲಿ 6-3, 6-3 ಅಂತರದಿಂದ ಸೋಲು ಕಂಡಿದ್ದ ಸಿನ್ನರ್ ಮೂರನೇ ಸೆಟ್ನಲ್ಲಿಯೂ ಸೋತು ಪ್ರಶಸ್ತಿ ಕಳೆದುಕೊಳ್ಳುತ್ತಾರೆ ಎಂದು ಮೆಲ್ಬೊರ್ನ್ನಲ್ಲಿ ನೆರದಿದ್ದ ಟೆನಿಸ್ ಅಭಿಮಾನಿಗಳು ನಿರೀಕ್ಷೆ ಮಾಡಿದರು. ಆದರೆ, ಫಿನಿಕ್ಸ್ನಂತೆ ತಿರುಗಿ ಬಿದ್ದ ಸಿನ್ನರ್ ಮೂರನೇ ಸೆಟನ್ನು 6-4 ಅಂತರದಿಂದ ಗೆದ್ದು ಪಂದ್ಯವನ್ನು ಜೀವಂತವಿರಿಸಿದರು. ಇಲ್ಲಿಂದ ಪಂದ್ಯ ರೋಚಕತೆ ಮತ್ತು ಕುತೂಹಲ ಕೆರಳಿಸಿತು. ಮುಂದಿನ 2 ಸೆಟ್ಗಳಲ್ಲಿಯೂ ಅಸಾಧಾರಣ ಪ್ರದರ್ಶನ ತೋರುವ ಮೂಲಕ ಪ್ರಶಸ್ತಿಗೆ ಮುತ್ತಿಕ್ಕಿದರು.