ಕರಾಚಿ: ಪ್ರಸಕ್ತ ಸಾಗುತ್ತಿರುವ ಏಕದಿನ ವಿಶ್ವಕಪ್ನಲ್ಲಿ ಸತತ ಸೋಲಿನಿಂದ ಕಂಗೆಟ್ಟಿರುವ ಪಾಕ್(Pakistan Team) ಆಟಗಾರರು ಫಿಟ್ನೆಸ್ ಕಾಯ್ದುಕೊಳ್ಳಲು ತಮ್ಮ ಪ್ರೀತಿಯ ಬಿರಿಯಾನಿ ತ್ಯಜಿಸಬೇಕು, ಅದರ ಬದಲಿಗೆ ಮೆಡಿಟರೇನಿಯನ್ ಕಬಾಬ್ಗಳು (Mediterranean Kebabs), ಮೊಟ್ಟೆಗಳು ಮತ್ತು ಪ್ರೋಟೀನ್‌ಯುಕ್ತ ಆಹಾರವನ್ನು ಮಾತ್ರ ಸೇವಿಸಬೇಕು ಎಂದು ಆಟಗಾರರಿಗೆ ಪಾಕ್ ಕ್ರಿಕೆಟ್ ಮಂಡಳಿ ಖಡಕ್ ಸೂಚನೆ ನೀಡಿತ್ತು. ಆದರೆ ಪಾಕ್ ಆಟಗಾರರು ತಮ್ಮ ಕ್ರಿಕೆಟ್ ಮಂಡಳಿಗೆ ಚಳ್ಳೆ ಹಣ್ಣು ತಿನ್ನಿಸಿ, ಬೆಕ್ಕು ಕಣ್ಣು ಮುಚ್ಚಿ ಹಾಲು ಕುಡಿದಂತೆ ಕೋಲ್ಕತ್ತಾದ ಪ್ರಸಿದ್ಧ ಝಮ್ ಝಮ್ ಬಿರಿಯಾನಿ ತಿಂದು ತೇಗಿದ್ದಾರೆ. ಆದರೆ ಕೊನೆಗೂ ಸಿಕ್ಕಿಬಿದ್ದಿದ್ದಾರೆ.
ಆನ್ಲೈನ್ ಮೂಲಕ ಆರ್ಡರ್
ಫಿಟ್ನೆಸ್ ಕಾಳಜಿಯನ್ನು ಗಂಭೀರವಾಗಿ ಪಾಲಿಸುವ ಸಲುವಾಗಿ ಪಾಕ್ ಕ್ರಿಕೆಟ್ ಮಂಡಳಿ ವಿಶ್ವಕಪ್ ಪಂದ್ಯಗಳು ಮುಗಿಯುವ ತನಕ ಪಾಕ್ ಆಟಗಾರರಿಗೆ ಹೊಸ ಆಹಾರದ ಚಾರ್ಟ್ ಪ್ರಕಟಿಸಿ ಇದನ್ನು ಚಾಚು ತಪ್ಪದೆ ಪಾಲಿಸಿ ಎಂದು ಆದೇಶಿಸಿತ್ತು. ಬೆಳಗಿನ ಉಪಾಹಾರದಲ್ಲಿ, ಹೆಚ್ಚಾಗಿ ಮೊಟ್ಟೆಗಳು ಮತ್ತು ಪ್ರೋಟೀನ್ಗಳನ್ನು ನೀಡುವಂತೆ ಪಾಕ್ ತಂಡ ತಂಗಿದ್ದ ಕೋಲ್ಕತಾ ಹೋಟೆಲ್ನ ಬಾಣಸಿಗರಿಗೆ ತಿಳಿಸಿತ್ತು. ಹೀಗಾಗಿ ಹೊಟೇಲ್ನ ಬಾಣಸಿಗರು ಪಾಕ್ ಆಟಗಾರರಿಗೆ ಬಿರಿಯಾನಿಯನ್ನು ಹೊರತುಪಡಿಸಿ ಉಳಿದ ಆಹಾರವನ್ನು ತಯಾರು ಮಾಡಿದ್ದರು. ಆದರೆ ಬಿರಿಯಾನಿಯ ರುಚಿ ಬಿಡದ ಪಾಕ್ ಆಟಗಾರು ತಮ್ಮ ಆನ್ಲೈನ್ ಮೂಲಕ ಬಿರಿಯಾನಿ ತಂದು ತಿಂದಿದ್ದಾರೆ.
ಇದನ್ನೂ ಓದಿ PAK vs SA: ಅಂಪೈರ್ಸ್ ಕಾಲ್ ವಿಚಾರದಲ್ಲಿ ಕಿತ್ತಾಟ ನಡೆಸಿದ ಹರ್ಭಜನ್‌-ಸ್ಮಿತ್‌; ಪೋಸ್ಟ್ ವೈರಲ್‌
ಪಾಕ್ ಬಿರಿಯಾನಿ ರಹಸ್ಯ ಬಿಚ್ಚಿಟ್ಟ ರೆಸ್ಟೋರೆಂಟ್ ನಿರ್ದೇಶಕ
ಪಾಕಿಸ್ತಾನದ ಆಟಗಾರರು ಕದ್ದು ಮುಚ್ಚಿ ಬಿರಿಯಾನಿ ತಿಂದ ವಿಚಾರವನ್ನು ಕೋಲ್ಕತ್ತಾದ ಪ್ರಸಿದ್ಧ ಝಮ್ ಝಮ್ ರೆಸ್ಟೋರೆಂಟ್ನ ನಿರ್ದೇಶಕ ಶಾದ್ಮನ್ ಫೈಜ್ ರಿವೀಲ್ ಮಾಡಿದ್ದಾರೆ. ಪಾಕ್ ಆಟಗಾರರು ನಮ್ಮ ರೆಸ್ಟೋರೆಂಟ್ನಿಂದ ಬಿರಿಯಾನಿ (Zam Zam Biriyani), ಕಬಾಬ್ ಹಾಗೂ ಚಾಪ್ಸ್‌ಗಳನ್ನು ಆನ್‌ಲೈನ್‌ನಲ್ಲಿ ಬುಕ್‌ಮಾಡಿ ತರಿಸಿಕೊಂಡು ಸವಿದಿದ್ದಾರೆ. ಮೊದಲು ಇದು ಪಾಕ್ ತಂಡದಿಂದ ಬಂದ ಆರ್ಡರ್ ಎಂದು ನಮಗೆ ತಿಳಿಯಲಿಲ್ಲ. ಈ ವಿಚಾರ ಸ್ವಲ್ಪ ತಡವಾಗಿ ಗೊತ್ತಾಗಿದೆ. ಇಡೀ ವಿಶ್ವದಲ್ಲೇ ಮನಸೋತ ಕೋಲ್ಕತ್ತಾದ ನಮ್ಮ ಝಮ್ ಝಮ್ ಬಿರಿಯಾನಿಗೆ ಪಾಕ್ ಆಟಗಾರರು ಮನಸೋತಿದ್ದಾರೆ ಎಂದು ಹೇಳಿದ್ದಾರೆ.
Pak team orders biryani, kebabs & chaap from Kolkata's famous Zam Zam Restaurant.
— Knotty Commander (@knottycommander) October 31, 2023
But obviously. खाने पीने के लिए ही तो आये हैं । 🤓
ಪಾಕ್ ಆಟಗಾರರಿಗೆ ಬಿರಿಯಾನಿಯನ್ನು ತಿನ್ನಬಾರದೆಂದು ಪಾಕ್ ಕ್ರಿಕೆಟ್ ಮಂಡಳಿ ಹಾಕಿರುವ ಷರತ್ತುಗಳ ಬಗ್ಗೆ ಈ ರೆಸ್ಟೋರೆಂಟ್ನ ನಿರ್ದೇಶಕರಿಗೆ ತಿಳಿದಿರಲಿಲ್ಲ. ಅವರು ತಮ್ಮ ರೆಸ್ಟೋರೆಂಟ್ನ ಬಿರಿಯಾನಿಗೆ ಪಾಕ್ ಆಟಗಾರರು ಕೂಡ ಮನಸೋತಿದ್ದಾರಲ್ಲಾ ಎಂಬ ಸಂತಸದಲ್ಲಿ ಈ ವಿಚಾರವನ್ನು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಆದರೆ ಅವರ ಈ ಪೋಸ್ಟ್ ಪಾಕ್ ಆಟಗಾರರಿಗೆ ಮುಳುವಾಗಿದೆ. ಕದ್ದು ಮುಚ್ಚಿ ಬಿರಿಯಾನಿ ತಿಂದ ವಿಚಾರ ಪಾಕ್ ಮಂಡಳಿಗೆ ತಿಳಿದಿದೆ. ಸದ್ಯ ಬಾಂಗ್ಲಾ ವಿರುದ್ಧ ನಡೆಯುತ್ತಿರುವ ಇಂದಿನ ಪಂದ್ಯದಲ್ಲಿ ಪಾಕ್ ಸೋತರೆ, ಸೋಲಿಗೆ ಬಿರಿಯಾನಿಯೇ ಕಾರಣ ಎಂದು ಆಟಗಾರರ ವಿರುದ್ಧ ಪಿಸಿಬಿ ಶಿಸ್ತು ಕ್ರಮ ಕೈಗೊಳ್ಳಬಹುದು.
ಇದನ್ನೂ ಓದಿ Pakistan Cricket Team : ಸೋಲಿಗೆ ಶಿಕ್ಷೆ; ಪಾಕ್ ಆಟಗಾರರಿಗೆ ಇನ್ನುಮುಂದೆ ಬಿರಿಯಾನಿ ಬಂದ್!
ಹೈದರಾಬಾದ್ ಬಿರಿಯಾನಿಗೆ ಮನಸೋತಿದ್ದ ಪಾಕ್ ಆಟಗಾರರು
ವಿಶ್ವಕಪ್ ಆಡಲು ಭಾರತಕ್ಕೆ ಬಂದ ಪಾಕಿಸ್ತಾನ ಆಟಗಾರರು ಆರಂಭದಲ್ಲಿ ಹೈದರಾಬಾದ್ನಲ್ಲಿ ನೆಲೆಸಿದ್ದರು. ಇಲ್ಲಿ ಮೂರು ಹೊತ್ತು ಕೂಡ ಬಿರಿಯಾನಿ ಸವಿದಿದ್ದರು. ಅಲ್ಲದೆ ಹೈದರಾಬಾದ್ನಂತಹ ರುಚಿಯಾದ ಬಿರಿಯಾನಿ ತಮ್ಮ ಕರಾಚಿಯಲ್ಲಿಯೂ ಸಿಗುವುದಿಲ್ಲ ಎಂದು ಐಸಿಸಿಯ ವಿಡಿಯೊದಲ್ಲಿ ತಿಳಿಸಿದ್ದರು.
ನಾಯಕ ಬಾಬರ್ ಅಜಂ, ಫಖಾರ್ ಜಮಾನ್, ಹಸನ್ ಅಲಿ ಸೇರಿ ಕೆಲವರು ಹಿಂದೆಂದೂ ಈ ರೀತಿಯ ಬಿರಿಯಾನಿ ತಿಂದಿಲ್ಲ. ನಮ್ಮ ದೇಶದ ಕರಾಚಿ ಬಿರಿಯಾನಿಗಿಂತ ಹೈದರಾಬಾದ್ ಬಿರಿಯಾನಿ ಸೂಪರ್ ಆಗಿದೆ ಎಂದು ಹೇಳಿದ್ದಾರೆ. ಅಲ್ಲದೆ 20ಕ್ಕೆ 20 ಅಂಕವನ್ನು ನೀಡಿದ್ದರು. ಅಲ್ಲದೆ ರುಚಿಯಾದ ಬಿರಿಯಾನಿ ತಿಂದು ಪೀಲ್ಡಿಂಗ್ ನಡೆಸಲು ಕೂಡ ಕಷ್ಟವಾಯಿತು ಎಂದು ಶಾದಾಬ್‌ ಖಾನ್‌ ಅವರು ಹರ್ಷಾ ಬೋಗ್ಲೆ ಜತೆ ಹೇಳಿದ್ದರು.