ಬೆಂಗಳೂರು: ಪಾಕಿಸ್ತಾನ ತಂಡಕ್ಕೆ ವಿಶ್ವ ಕಪ್ನಲ್ಲಿ (ICC World Cup 2023) ಮತ್ತೊಂದು ಕಹಿ ಅನುಭವ ಉಂಟಾಗಿದೆ. ಆಸ್ಟ್ರೇಲಿಯಾ (Aus vs Pak) ವಿರುದ್ಧದ ತನ್ನ ಪಂದ್ಯದಲ್ಲಿ 62 ರನ್ಗಳ ಹೀನಾಯ ಸೋಲಿಗೆ ಒಳಗಾಗಿದೆ. ಈ ಮೂಲಕ ಆಡಿರುವ ನಾಲ್ಕು ಪಂದ್ಯಗಳಲ್ಲಿ ಎರಡು ಗೆಲುವು ಹಾಗೂ ಎರಡು ಸೋಲು ಕಂಡಿದೆ. ಇದಕ್ಕಿಂತ ಹಿಂದಿನ ಪಂದ್ಯದಲ್ಲಿ ಪಾಕಿಸ್ತಾನ ತಂಡ ಭಾರತ ವಿರುದ್ಧ 7 ವಿಕೆಟ್ ಅವಮಾನಕರ ಸೋಲಿಗೆ ತುತ್ತಾಗಿತ್ತು. ಏತನ್ಮಧ್ಯೆ ಆಸ್ಟ್ರೇಲಿಯಾ ತಂಡ ಮೊದಲೆರಡು ಸೋಲಿನ ಬಳಿಕ ಚೇತರಿಸಿಕೊಂಡಿದ್ದು ಸತತ ಎರಡನೇ ವಿಜಯಕ್ಕೆ ಪಾತ್ರವಾಗಿದೆ. ಹಿಂದಿನ ಪಂದ್ಯದಲ್ಲಿ ಲಂಕಾ ವಿರುದ್ಧ ಆಸೀಸ್ ಬಳಗ ವಿಜಯ ಕಂಡಿತ್ತು.
Australia overcome the Pakistan challenge in Bengaluru to make it two in two at #CWC23 👊#AUSvPAK 📝: https://t.co/wMEoG5pZFB pic.twitter.com/wdbshJj2eu
— ICC Cricket World Cup (@cricketworldcup) October 20, 2023
ಇಲ್ಲಿನ ಚಿನ್ನಸ್ವಾಮಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಆಸ್ಟ್ತೇಲಿಯಾ ತಂಡ ನಿಗದಿತ 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 367 ರನ್ ಬಾರಿಸಿತ್ತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಾಕಿಸ್ತಾನ ತಂಡ 45.3 ಓವರ್ಗಳಲ್ಲಿ 305 ರನ್ಗಳಿಗೆ ಆಲ್ಔಟ್ ಆಗಿ ಸೋಲೊಪ್ಪಿಕೊಂಡಿತು. ಈ ಗೆಲುವಿನ ಬಳಿಕ ಆಸ್ಟ್ರೇಲಿಯಾ ತಂಡ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೇರಿದರೆ, ಪಾಕಿಸ್ತಾನ ತಂಡ ಐದನೇ ಸ್ಥಾನಕ್ಕೆ ಕುಸಿಯಿತು.
ದೊಡ್ಡ ಮೊತ್ತವನ್ನು ಬೆನ್ನಟ್ಟಲು ಹೊರಟ ಪಾಕಿಸ್ತಾನ ತಂಡ ಮೊದಲ ವಿಕೆಟ್ಗೆ 134 ರನ್ ಬಾರಿಸಿ ಪ್ರತಿರೋಧ ಒಡ್ಡಿತು. ಆದರೆ, ನಾಯಕ ಬಾಬರ್ ಅಜಂ (18) ಸೇರಿದಂತೆ ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳ ವೈಫಲ್ಯದಿಂದಾಗಿ ಸೋಲಿಗೆ ಒಳಗಾಯಿತು. ಇನಿಂಗ್ಸ್ ಆರಂಭಿಸಿದ ಅಬ್ದುಲ್ಲಾ ಶಫಿಕ್ (64) ಹಾಗೂ ಇಮಾಮ್ ಉಲ್ ಹಕ್ (70) ಅರ್ಧ ಶತಕಗಳನ್ನು ಬಾರಿಸುವ ಮೂಲಕ ವಿಶ್ವಾಸ ಮೂಡಿಸಿದರು. ಈ ಜತೆಯಾಟವನ್ನು ಮಾರ್ಕಸ್ ಸ್ಟೊಯ್ನಿಸ್ ಮುರಿದರು. ಇಬ್ಬರನ್ನೂ ಅವರು ಔಟ್ ಮಾಡಿದರು. ಬಳಿಕ ಬಾಬರ್ ಅಜಮ್ 18 ರನ್ ಬಾರಿಸಿದರೆ, ಮಹಮ್ಮದ್ ರಿಜ್ವಾನ್ ಸ್ವಲ್ಪ ಹೊತ್ತು ಕ್ರೀಸ್ನಲ್ಲಿ ನಿಂತು ಆಡಿದರು. ಆದರೆ, ಜಂಪಾ ಎಸೆತಕ್ಕೆ ಔಟಾದರು. ಅವರು 4 ರನ್ಗಳ ಕೊರತೆಯಿಂದ ಅರ್ಧ ಶತಕದಿಂದ ವಂಚಿತರಾದರು.
ಈ ಸುದ್ದಿಯನ್ನೂ ಓದಿ : ICC World Cup 2023 : ಪಾಕಿಸ್ತಾನದ ಪಂದ್ಯವನ್ನು ವೀಕ್ಷಿಸಿದ ಸಿಎಂ ಸಿದ್ದರಾಮಯ್ಯ
ICC World Cup 2023: ಪಾಕ್ ಅಭಿಮಾನಿಗಳಿಗೂ ಪಾಕಿಸ್ತಾನ ಜಿಂದಾಬಾದ್ ಹೇಳಲು ಬಿಡದ ಪೊಲೀಸರು; ಆರೋಪ
ಸೌದ್ ಶಕೀಲ್ 30 ರನ್ ಬಾರಿಸಿದರೆ, ಇಫ್ತಿಕಾರ್ ಅಹಮದ್ 26 ರನ್ ಕೊಡುಗೆ ಕೊಟ್ಟರು. ಒಂದು ಹಂತದಲ್ಲಿ ಪಾಕಿಸ್ತಾನ ತಂಡ ಗೆಲುವಿನ ಅವಕಾಶವನ್ನು ಸೃಷ್ಟಿ ಮಾಡಿಕೊಂಡಿತ್ತು. ಆದರೆ, ಕೊನೆ ಕೊನೆಯಲ್ಲಿ ಒತ್ತಡವನ್ನು ನಿಭಾಯಿಸಲು ಸಾಧ್ಯವಾಗದೇ ಸತತವಾಗಿ ವಿಕೆಟ್ ಒಪ್ಪಿಸಿತು. ಆಸ್ಟ್ರೇಲಿಯಾ ತಂಡದ ಪರವಾಗಿ ಸ್ಪಿನ್ನರ್ ಆ್ಯಡಂ ಜಂಪಾ ಅವರು 53 ರನ್ಗೆ 4 ವಿಕೆಟ್ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪಾತ್ರ ವಹಿಸಿದರು.
ಆಸೀಸ್ ಭರ್ಜರಿ ಬ್ಯಾಟಿಂಗ್
ಮೊದಲು ಬ್ಯಾಟ್ ಮಾಡಿದ ಆಸ್ಟ್ತೇಲಿಯಾ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರನ್ ಮಳೆಯನ್ನು ಸುರಿಸಿತು. ಡೇವಿಡ್ ವಾರ್ನರ್ ಹಾಗೂ ಶಾನ್ ಮಾರ್ಷ್ ಮೊದಲ ವಿಕೆಟ್ಗೆ 259 ರನ್ ಬಾರಿಸಿ ಮಿಂಚಿದರು. ಇದು ಆಸ್ಟ್ರೇಲಿಯಾ ತಂಡದ ಪರ ವಿಶ್ವ ಕಪ್ನಲ್ಲಿ ದಾಖಲಾಗಿರುವ ಗರಿಷ್ಠ ಮೊತ್ತದ ಆರಂಭಿಕ ಜತೆಯಾಟವಾಗಿದೆ. ಆದರೆ ಇವರಿಬ್ಬರು ಔಟಾದ ಬಳಿಕ ಆಸ್ಟ್ರೇಲಿಯಾ ತಂಡದ ಬ್ಯಾಟರ್ಗಳು ಉತ್ತಮವಾಗಿ ಆಡಲಿಲ್ಲ. ನಿರಂತರವಾಗಿ ವಿಕೆಟ್ ಕಳೆದುಕೊಂಡಿತು. ಸ್ಟೊಯ್ನಿಸ್ 21 ಹಾಗೂ ಜೋಶ್ ಇಂಗ್ಲಿಷ್ 13 ರನ್ ಬಾರಿಸಿದ್ದೇ ಗರಿಷ್ಠವಾಗಿತ್ತು. ಪಾಕಿಸ್ತಾನ ಬೌಲಿಂಗ್ ಪರ ಶಹೀನ್ ಶಾ ಅಫ್ರಿದಿ 54 ರನ್ಗಳಿಗೆ 5 ವಿಕೆಟ್ ಮಿಂಚಿದರು.