ಢಾಕಾ: ಬಾಂಗ್ಲಾದೇಶ ತಂಡದ ಹಿರಿಯ ಆಟಗಾರ ಮುಷ್ಫಿಕರ್‌ ರಹೀಂ(Mushfiqur Rahim) ಅವರು ನ್ಯೂಜಿಲ್ಯಾಂಡ್ ವಿರುದ್ಧ ಸಾಗುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಅತ್ಯಂತ ಅವಮಾನಕರ ರೀತಿಯಲ್ಲಿ ವಿಕೆಟ್ ಕೈಚೆಲ್ಲಿದ್ದಾರೆ. ವಿಕೆಟ್ಗೆ ಬಡಿಯುವ ಚೆಂಡನ್ನು ಕೈ ಯಿಂದ ತಡೆದು ವಿಚಿತ್ರವಾಗಿ ಔಟ್ ಆಗಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Cricket Viral Video) ಆಗಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಬಾಂಗ್ಲಾದೇಶ ಆರಂಭಿಕ ಆಘಾತ ಎದುರಿಸಿತು. 50 ರನ್ ಗಳಿಸುವ ಮುನ್ನವೇ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಈ ವೇಳೆ ಬ್ಯಾಟಿಂಗ್ಗೆ ಇಳಿದ ಮುಷ್ಫಿಕರ್‌ ತಾಳ್ಮೆಯುತ ಬ್ಯಾಟಿಂಗ್ ನಡೆಸುವ ಮೂಲಕ ತಂಡಕ್ಕೆ ಆಸರೆಯಾಗುತ್ತಿದ್ದರು. ಆದರೆ ಕೈಲ್ ಜಾಮಿಸನ್ ಅವರ ಓವರ್ನಲ್ಲಿ ಚೆಂಡನ್ನು ಡಿಫೆನ್ಸ್ ಮಾಡುವ ವೇಳೆ ಚೆಂಡು ಬ್ಯಾಟ್ಗೆ ಬಡಿದು ವಿಕೆಟ್ಗೆಎ ಬಡಿಯಲು ಮುಂದಾಗಿತ್ತು. ಇದೇ ವೇಳೆ ಗಲಿಬಿಲಿಗೊಂಡ ಮುಷ್ಫಿಕರ್‌, ತಮ್ಮ ಕೈಗಳಿಂದ ಚೆಂಡನ್ನು ತಡೆದರು.
ಮುಷ್ಫಿಕರ್‌ ರಹೀಂ ಚೆಂಡನ್ನು ಕೈಗಳಿಂದ ತಡೆದ ಕಾರಣ ಕಿವೀಸ್ ಆಟಗಾರರು ಔಟ್ಗಾಗಿ ಅಂಪೈರ್ ಬಳಿ ಮನವಿ ಮಾಡಿದರು. ಫೀಲ್ಡ್ ಅಂಪೈರ್ ಮೊದಲಿಗೆ ಔಟ್ ನೀಡದೆ. ಲೆಗ್ ಅಂಪೈರ್ ಬಳಿ ಚರ್ಚಿಸಿ ಬಳಿಕ ಮೂರನೇ ಅಂಪೈರ್ಗೆ ಪರಿಶೀಲಿಸುವಂತೆ ಮನವಿ ಮಾಡಿದರು. ಚೆಂಡನ್ನು ಕೈಗಳಿಂದ ತಡೆದಿರುವುದು ದೊಡ್ಡ ಪರದೆಯಲ್ಲಿ ಕಾಣಿಸಿದ ಮೂರನೇ ಅಂಪೈರ್ ಇದನ್ನು ಔಟ್ ಎಂದು ಘೋಷಿಸಿದರು.
Did Mushfiqur Rahim really need to do that? He's been given out for obstructing the field! This one will be talked about for a while…
— FanCode (@FanCode) December 6, 2023
.
.#BANvNZ pic.twitter.com/SC7IepKRTh
ನಿಯಮ ಏನು ಹೇಳುತ್ತದೆ?
ಬೌಲರ್ ಒಬ್ಬ ಎಸೆದ ಎಸೆತ ಬ್ಯಾಟ್ಗೆ ಬಡಿದು ಚೆಂಡು ವಿಕೆಟ್ಗೆ ಬಡಿಯುವ ಮುನ್ನ ಬ್ಯಾಟ್ನಿಂದ ಅಥವಾ ಕಾಲಿನಿಂದ ಇದನ್ನು ತಡೆದರೆ ಇದನ್ನು ಔಟ್ ಎಂದು ಪರಿಗಣಿಸುವುದಿಲ್ಲ. ಈ ನಿಯಮ ಐಸಿಸಿಯಲ್ಲಿದೆ. ಆದರೆ ಕೈಗಳಿಂದ ಚೆಂಡನ್ನು ತಡೆದರೆ ಇದನ್ನು ಔಟ್ ಎಂದು ಒಂದು ತೀರ್ಪು ನೀಡಲಾಗುತ್ತದೆ. ಒಂದೊಮ್ಮೆ ಬ್ಯಾಟರ್ ಕ್ರೀಸ್ ಬಿಟ್ಟು ಮುಂದೆ ಬಂದ ವೇಳೆ ಫೀಲ್ಡರ್ ಒಬ್ಬ ವಿಕೆಟ್ನತ್ತ ಚೆಂಡನ್ನು ಎಸೆದರೆ ಅದನ್ನು ಬ್ಯಾಟರ್ ತಡೆದರೆ ಇದು ಕೂಡ ಔಟ್ ಎಂದು ನಿರ್ಧರಿಸಲಾಗುತ್ತದೆ.
ಇದನ್ನೂ ಓದಿ Danish Kaneria: ರಾಹುಲ್‌ ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿದ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ; ಕಾರಣವೇನು?
ಮುಷ್ಫಿಕರ್‌ ರಹೀಂ ಅವರು ಈ ರೀತಿ ಔಟ್ ಆದ 11ನೇ ಆಟಗಾರ ಎನಿಸಿಕೊಂಡರು. ವಿಕೆಟ್ಗೆ ಬಡಿಯುವ ಚೆಂಡನ್ನು ಕೂದಲೆಳೆ ಅಂತರದಲ್ಲಿ ಬ್ಯಾಟ್ ಮತ್ತು ಕಾಲಿನಿಂದ ತಡೆದು ನಿಲ್ಲಿಸಿ ವಿಕೆಟ್ ಉಳಿಸಿಕೊಂಡ ನಿದರ್ಶನವೂ ಹಲವಾರಿದೆ. ರಹೀಂ 83 ಎಸೆತಗಳಲ್ಲಿ 35 ರನ್ ಗಳಿಸಿ ಪೆವಿಲಿಯನ್ ಸೇರಿದರು. ಅಂತಿಮವಾಗಿ ಬಾಂಗ್ಲಾದೇಶ 172 ರನ್ಗೆ ಆಲೌಟ್ ಆಯಿತು.
36 ವರ್ಷದ ಮುಷ್ಫಿಕರ್‌ ರಹೀಂ ಅವರಿಗೆ ಈ ಬಾರಿ ನಡೆದ ವಿಶ್ವಕಪ್ ಟೂರ್ನಿ ಕೊನೆಯದಾಗಿತ್ತು. ಇದುವರೆಗೆ ಬಾಂಗ್ಲಾ ಪರ 265 ಏಕದಿನ ಪಂದ್ಯಗಳನ್ನು ಆಡಿರುವ ಅವರು 7,608 ರನ್ ಗಳಿಸಿದ್ದಾರೆ. 144 ವೈಯಕ್ತಿಕ ಗರಿಷ್ಠ ಮೊತ್ತವಾಗಿದೆ. 9 ಶತಕ ಮತ್ತು 48 ಅರ್ಧಶತಕ ಒಳಗೊಂಡಿದೆ. 88 ಟೆಸ್ಟ್ ಪಂದ್ಯಗಳನ್ನು ಆಡಿ 5667 ರನ್ ಬಾರಿಸಿದ್ದಾರೆ. 102 ಟಿ20 ಪಂದ್ಯಗಳಿಂದ 1500 ರನ್ ಕಲೆ ಹಾಕಿದ್ದಾರೆ.