ಮುಂಬಯಿ: ಏಕದಿನ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ(ICC World Cup) ಆತಿಥ್ಯದಲ್ಲಿ ವಿಚಾರದಲ್ಲಿ ಬಿಸಿಸಿಐ(BCCI) ವಿರುದ್ಧ ಭಾರಿ ಅಸಮಾಧಾನ ವ್ಯಕ್ತವಾಗಿತ್ತು. ಅಹ್ಮದಾಬಾದ್‌ಗೆ ಹೆಚ್ಚಿನ ಮಹತ್ವ ನೀಡಲಾಗಿದೆ, ಹಾಗೆಯೇ ದೇಶದ ಬಹುತೇಕ ಕ್ರಿಕೆಟ್ ಕೇಂದ್ರ ಗಳನ್ನು ನಿರ್ಲಕ್ಷಿಸಲಾಗಿದೆ, ರಾಜಕೀಯ ಹಿತಾಸಕ್ತಿಯೇ ಇಲ್ಲಿ ಮುಖ್ಯವಾದಂತಿದೆ ಎಂಬ ಆರೋಪ ಕೇಳಿಬಂದಿತ್ತು.
ಅವಕಾಶ ವಂಚಿತ ಪ್ರಮುಖ ಕೇಂದ್ರಗಳಾದ ಮೊಹಾಲಿ, ನಾಗ್ಪುರ, ಇಂದೋರ್‌, ರಾಜ್‌ಕೋಟ್‌, ರಾಂಚಿ ಮತ್ತು ತಿರುವನಂತಪುರ ಕ್ರಿಕೆಟ್ ಮಂಡಳಿ ಇದೇ ವಿಚಾರವಾಗಿ ಬಿಸಿಸಿಐ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿತ್ತು. ಅದರಲ್ಲೂ ಭಾರತ ಆಯೋಜಿಸಿದ ಹಿಂದಿನೆರಡು ವಿಶ್ವಕಪ್ ಪಂದ್ಯಾವಳಿಯ ವೇಳೆ ಮನ್ನಣೆ ನೀಡಲಾಗಿದ್ದ ಮೊಹಾಲಿಗೆ ಈ ಬಾರಿ ಒಂದೂ ಪಂದ್ಯವನ್ನು ನೀಡದಿರುವುದು ಭಾರಿ ಸುದ್ದಿಯಾಗಿತ್ತು. ಈ ಹಿಂದಿನ ವಿಶ್ವಕಪ್ ಟೂರ್ನಿಯಲ್ಲಿ ಇಲ್ಲಿ ಭಾರತ-ಪಾಕಿಸ್ಥಾನ ಪಂದ್ಯವನ್ನೂ ಆಯೋಜಿಸಲಾಗಿತ್ತು. ಆದರೆ ಈ ಬಾರಿ ಐತಿಹಾಸಿಕ ಪಾರಂಪರ್ಯ ಹೊಂದಿರುವ ಮೊಹಾಲಿಯನ್ನು ಮೂಲೆಗುಂಪು ಮಾಡಲಾಗಿದೆ ಎಂಬ ಆರೋಪ ಕೇಳಿಬಂದಿತ್ತು. ಇದೀಗ ಬಿಸಿಸಿ ವಿಶ್ವ ಕಪ್ ಪಂದ್ಯದ ಆತಿಥ್ಯ ಕೈ ತಪ್ಪಿದ ಮೈದಾನಗಳಿಗೆ ಬಿಗ್ ಆಫರ್ವೊಂದನ್ನು ನೀಡಲು ಮುಂದಾಗಿದೆ.
ಏಕದಿನ ವಿಶ್ವಕಪ್‌ಗೆ ಅವಕಾಶ ಸಿಗದ ಕ್ರೀಡಾಂಗಣಗಳಲ್ಲಿ ಮುಂಬರುವ ಪ್ರಮುಖ ತವರು ಏಕದಿನ ಪಂದ್ಯಗಳ ಸರಣಿಯನ್ನು ಆಡಿಸುವ ಚಿಂತನೆ ಬಿಸಿಸಿಐ ಮಾಡಿದೆ. ಇದೇ ವಿಚಾರವಾಗಿ ಮಾತನಾಡಿದ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ, “ತವರಿನಲ್ಲಿ ನಡೆಯುವ ಸರಣಿಗಳ ಪಂದ್ಯಕ್ಕೆ ವಿಶ್ವಕಪ್ ಪಂದ್ಯಗಳ ಆತಿಥ್ಯ ಸಿಗದ ಕ್ರೀಡಾಂಗಣಗಳಿಗೆ ಪಂದ್ಯ ನಡೆಸಲು ಮೊದಲ ಆದ್ಯತೆ ನೀಡಲಾಗುವುದು” ಎಂದು ತಿಳಿಸಿದ್ದಾರೆ.
“ಏಕದಿನ ವಿಶ್ವಕಪ್ ಆತಿಥ್ಯ ಪಡೆದ ಎಲ್ಲ ಕ್ರಿಕೆಟ್ ಸ್ಟೇಡಿಯಂಗೆ ಮುಂದಿನ ತವರಿನಲ್ಲಿ ನಡೆಯುವ ಸರಣಿಗೆ ಕಡಿಮೆ ಆತಿಥ್ಯ ನೀಡಲಾಗುತ್ತದೆ. ಈ ಅವಕಾಶವನ್ನು ಇತರ ಸ್ಟೇಡಿಯಂಗೆ ನೀಡಲಾಗುತ್ತದೆ. ಇದೇ ವಿಚರವಾಗಿ ಎಲ್ಲ ರಾಜ್ಯ ಕ್ರಿಕೆಟ್ ಸಂಘಗಳ ಜತೆ ಮಾತುಕತೆ ನಡೆಸಲಾಗಿದೆ. ಹಾಗೂ ಇದಕ್ಕೆ ಸರ್ವಾನುಮತದ ಒಪ್ಪಿಗೆಯೂ ಸಿಕ್ಕಿದೆ” ಎಂದು ಎಂದು ಜಯ್ ಶಾ ಹೇಳಿದ್ದಾರೆ.
ಇದನ್ನೂ ಓದಿ ICC World Cup 2023: ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ ಇಂಡೋ-ಪಾಕ್ ತಂಡಗಳದ್ದೇ ಒಂದು ಪ್ರತ್ಯೇಕ ಇತಿಹಾಸ!
ಭಾರತ ಮತ್ತು ಪಾಕಿಸ್ತಾನ ನಡುವಣ ವಿಶ್ವಕಪ್ನ ಏಕದಿನ ಪಂದ್ಯ ಅಕ್ಟೋಬರ್ 15 ರಂದು ಅಹಮದಾಬಾದ್ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಈಗಾಗಲೇ ಈ ಪಂದ್ಯ ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.
ವಿಶ್ವ ಕಪ್ ಪಂದ್ಯಗಳ ವೇಳಾಪಟ್ಟಿ
| ದಿನಾಂಕ | ಪಂದ್ಯ | ತಾಣ |
| ಅಕ್ಟೋಬರ್ 5 ಗುರುವಾರ | ಇಂಗ್ಲೆಂಡ್vsನ್ಯೂಜಿಲ್ಯಾಂಡ್ | ಅಹಮದಾಬಾದ್ |
| ಅಕ್ಟೋಬರ್ 6 ಶುಕ್ರವಾರ | ಪಾಕಿಸ್ತಾನvsಕ್ವಾಲಿಫೈಯರ್-1 | ಹೈದರಾಬಾದ್ |
| ಅಕ್ಟೋಬರ್ 7 ಶನಿವಾರ | ಬಾಂಗ್ಲದೇಶ-ಅಫಘಾನಿಸ್ತಾನ | ಧರ್ಮಶಾಲಾ |
| ಅಕ್ಟೋಬರ್ 7 ಶನಿವಾರ | ದಕ್ಷಿಣ ಆಫ್ರಿಕಾvsಕ್ವಾಲಿಫೈಯರ್-2 | ದೆಹಲಿ |
| ಅಕ್ಟೋಬರ್ 8 ಭಾನುವಾರ | ಭಾರತvsಆಸ್ಟ್ರೇಲಿಯಾ | ಚೆನ್ನೈ |
| ಅಕ್ಟೋಬರ್ 9 ಸೋಮವಾರ | ನ್ಯೂಜಿಲ್ಯಾಂಡ್vsಕ್ವಾಲಿಫೈಯರ್-1 | ಹೈದರಾಬಾದ್ |
| ಅಕ್ಟೋಬರ್ 10 ಮಂಗಳವಾರ | ಇಂಗ್ಲೆಂಡ್vsಬಾಂಗ್ಲಾದೇಶ | ಧರ್ಮಶಾಲಾ |
| ಅಕ್ಟೋಬರ್ 11 ಬುಧವಾರ | ಭಾರತvsಅಫಘಾನಿಸ್ತಾನ | ದೆಹಲಿ |
| ಅಕ್ಟೋಬರ್ 12 ಗುರುವಾರ | ಪಾಕಿಸ್ತಾನvsಕ್ವಾಲಿಫೈಯರ್-2 | ಹೈದರಾಬಾದ್ |
| ಅಕ್ಟೋಬರ್ 13 ಶುಕ್ರವಾರ | ದಕ್ಷಿಣ ಆಫ್ರಿಕಾvsಆಸ್ಟ್ರೇಲಿಯಾ | ಲಕ್ನೋ |
| ಅಕ್ಟೋಬರ್ 14 ಶನಿವಾರ | ಇಂಗ್ಲೆಂಡ್vsಅಫಘಾನಿಸ್ತಾನ | ದೆಹಲಿ |
| ಅಕ್ಟೋಬರ್ 14 ಶನಿವಾರ | ನ್ಯೂಜಿಲ್ಯಾಂಡ್vsಬಾಂಗ್ಲಾದೇಶ | ಚೆನ್ನೈ |
| ಅಕ್ಟೋಬರ್ 15 ಭಾನುವಾರ | ಭಾರತvsಪಾಕಿಸ್ತಾನ | ಅಹಮದಾಬಾದ್ |
| ಅಕ್ಟೋಬರ್ 16 ಸೋಮವಾರ | ಆಸ್ಟ್ರೇಲಿಯಾvsಕ್ವಾಲಿಫೈಯರ್-2 | ಲಕ್ನೋ |
| ಅಕ್ಟೋಬರ್ 17 ಮಂಗಳವಾರ | ದಕ್ಷಿಣ ಆಫ್ರಿಕಾvsಕ್ವಾಲಿಫೈಯರ್-1 | ಧರ್ಮಶಾಲಾ |
| ಅಕ್ಟೋಬರ್ 18 ಬುಧವಾರ | ನ್ಯೂಜಿಲ್ಯಾಂಡ್vsಅಫಘಾನಿಸ್ತಾನ | ಚೆನ್ನೈ |
| ಅಕ್ಟೋಬರ್ 19 ಗುರುವಾರ | ಭಾರತvsಬಾಂಗ್ಲಾದೇಶ | ಪುಣೆ |
| ಅಕ್ಟೋಬರ್ 20 ಶುಕ್ರವಾರ | ಆಸ್ಟ್ರೇಲಿಯಾvsಪಾಕಿಸ್ತಾನ | ಬೆಂಗಳೂರು |
| ಅಕ್ಟೋಬರ್ 21 ಶನಿವಾರ | ಇಂಗ್ಲೆಂಡ್vsದಕ್ಷಿಣ ಆಫ್ರಿಕಾ | ಮುಂಬಯಿ |
| ಅಕ್ಟೋಬರ್ 21 ಶನಿವಾರ | ಕ್ವಾಲಿಫೈಯರ್-1vsಕ್ವಾಲಿಫೈಯರ್-2 | ಲಕ್ನೋ |
| ಅಕ್ಟೋಬರ್ 22 ಭಾನುವಾರ | ಭಾರತvsನ್ಯೂಜಿಲ್ಯಾಂಡ್ | ಧರ್ಮಶಾಲ |
| ಅಕ್ಟೋಬರ್ 23 ಸೋಮವಾರ | ಪಾಕಿಸ್ತಾನvsಅಫಘಾನಿಸ್ತಾನ | ಚೆನ್ನೈ |
| ಅಕ್ಟೋಬರ್ 24 ಮಂಗಳವಾರ | ದಕ್ಷಿಣ ಆಫ್ರಿಕಾvsಬಾಂಗ್ಲಾದೇಶ | ಮುಂಬಯಿ |
| ಅಕ್ಟೋಬರ್ 25 ಬುಧವಾರ | ಆಸ್ಟ್ರೇಲಿಯಾvsಕ್ವಾಲಿಫೈಯರ್-1 | ದೆಹಲಿ |
| ಅಕ್ಟೋಬರ್ 26 ಗುರುವಾರ | ಇಂಗ್ಲೆಂಡ್vsಕ್ವಾಲಿಫೈಯರ್-2 | ಬೆಂಗಳೂರು |
| ಅಕ್ಟೋಬರ್ 27 ಶುಕ್ರವಾರ | ಪಾಕಿಸ್ತಾನvsದಕ್ಷಿಣ ಆಫ್ರಿಕಾ | ಚೆನ್ನೈ |
| ಅಕ್ಟೋಬರ್ 28 ಶನಿವಾರ | ಕ್ವಾಲಿಫೈಯರ್-1vsಬಾಂಗ್ಲಾದೇಶ | ಕೋಲ್ಕತ್ತಾ |
| ಅಕ್ಟೋಬರ್ 28 ಶನಿವಾರ | ಆಸ್ಟ್ರೇಲಿಯಾvsನ್ಯೂಜಿಲ್ಯಾಂಡ್ | ಧರ್ಮಶಾಲ |
| ಅಕ್ಟೋಬರ್ 29 ಭಾನುವಾರ | ಭಾರತvsಇಂಗ್ಲೆಂಡ್ | ಲಕ್ನೋ |
| ಅಕ್ಟೋಬರ್ 30 ಸೋಮವಾರ | ಅಫಘಾನಿಸ್ತಾನvsಕ್ವಾಲಿಫೈಯರ್-2 | ಪುಣೆ |
| ಅಕ್ಟೋಬರ್ 31 ಮಂಗಳವಾರ | ಪಾಕಿಸ್ತಾನvsಬಾಂಗ್ಲಾದೇಶ | ಕೋಲ್ಕತ್ತಾ |
| ನವೆಂಬರ್ 1 ಬುಧವಾರ | ನ್ಯೂಜಿಲ್ಯಾಂಡ್vsದಕ್ಷಿಣ ಆಫ್ರಿಕಾ | ಪುಣೆ |
| ನವೆಂಬರ್ 2 ಗುರುವಾರ | ಭಾರತvsಕ್ವಾಲಿಫೈಯರ್-2 | ಮುಂಬಯಿ |
| ನವೆಂಬರ್ 3 ಶುಕ್ರವಾರ | ಕ್ವಾಲಿಫೈಯರ್-1vs ಅಫಘಾನಿಸ್ತಾನ | ಲಕ್ನೋ |
| ನವೆಂಬರ್ 4 ಶನಿವಾರ | ಇಂಗ್ಲೆಂಡ್vsಆಸ್ಟ್ರೇಲಿಯಾ | ಅಹಮದಾಬಾದ್ |
| ನವೆಂಬರ್ 4 ಶನಿವಾರ | ನ್ಯೂಜಿಲ್ಯಾಂಡ್vsಪಾಕಿಸ್ತಾನ | ಬೆಂಗಳೂರು |
| ನವೆಂಬರ್ 5 ಭಾನುವಾರ | ಭಾರತvsದಕ್ಷಿಣ ಆಫ್ರಿಕಾ | ಕೋಲ್ಕತ್ತಾ |
| ನವೆಂಬರ್ 6 ಸೋಮವಾರ | ಬಾಂಗ್ಲಾದೇಶvsಕ್ವಾಲಿಫೈಯರ್-2 | ದೆಹಲಿ |
| ನವೆಂಬರ್ 7 ಮಂಗಳವಾರ | ಆಸ್ಟ್ರೇಲಿಯಾvsಅಫಘಾನಿಸ್ತಾನ | ಮುಂಬಯಿ |
| ನವೆಂಬರ್ 8 ಬುಧವಾರ | ಇಂಗ್ಲೆಂಡ್vsಕ್ವಾಲಿಫೈಯರ್-1 | ಪುಣೆ |
| ನವೆಂಬರ್ 9 ಗುರುವಾರ | ನ್ಯೂಜಿಲ್ಯಾಂಡ್vsಕ್ವಾಲಿಫೈಯರ್-2 | ಬೆಂಗಳೂರು |
| ನವೆಂಬರ್ 10 ಶುಕ್ರವಾರ | ದಕ್ಷಿಣ ಆಫ್ರಿಕಾvsಅಫಘಾನಿಸ್ತಾನ | ಅಹಮದಾಬಾದ್ |
| ನವೆಂಬರ್ 11 ಶನಿವಾರ | ಭಾರತvsಕ್ವಾಲಿಫೈಯರ್-1 | ಬೆಂಗಳೂರು |
| ನವೆಂಬರ್ 12 ಭಾನುವಾರ | ಇಂಗ್ಲೆಂಡ್vsಪಾಕಿಸ್ತಾನ | ಕೋಲ್ಕತ್ತಾ |
| ನವೆಂಬರ್ 12 ಭಾನುವಾರ | ಆಸ್ಟ್ರೇಲಿಯಾvsಬಾಂಗ್ಲಾದೇಶ | ಪುಣೆ |
| ನವೆಂಬರ್ 15 ಬುಧವಾರ | ಸೆಮಿಫೈನಲ್-1 | ಮುಂಬಯಿ |
| ನವೆಂಬರ್ 16 ಗುರುವಾರ | ಸೆಮಿಫೈನಲ್-2 | ಕೋಲ್ಕತ್ತಾ |
| ನವೆಂಬರ್ 19 ಭಾನುವಾರ | ಫೈನಲ್ | ಅಹಮದಾವಾದ್ |