ಮೆಲ್ಬರ್ನ್: ಪಾಕಿಸ್ತಾನ ಮತ್ತು ಆಸ್ಟ್ರೇಲಿಯಾ ನಡುವಣ 2ನೇ ಟೆಸ್ಟ್(Australia vs Pakistan, 2nd Test) ಪಂದ್ಯದಲ್ಲಿ ಪ್ರೇಮಿಗಳ ಪ್ರಣಯದಾಟದ ದೃಶ್ಯಗಳನ್ನು ಮೈದಾನದ ದೊಡ್ಡ ಪರದೆಯ ಮೇಲೆ ಪ್ರಸಾರ ಮಾಡಲಾಯಿತು. ಇದನ್ನು ಕಂಡ ಪ್ರೇಕ್ಷಕರು ಮತ್ತು ಆಟಗಾರರು ಒಂದು ಕ್ಷಣ ಆಶ್ಚರ್ಯಗೊಂಡರು. ಈ ವಿಡಿಯೊ ವೈರಲ್(Viral Video) ಆಗಿದೆ.
ಗ್ಯಾಲರಿಯಲ್ಲಿ ಯುವತಿ ತನ್ನ ಬಾಯ್‌ಫ್ರೆಂಡ್ ತೊಡೆ ಮೇಲೆ ಮಲಗಿ ಸುಂದರ ಕ್ಷಣಗಳನ್ನು ಅನುಭವಿಸುತ್ತಿದ್ದಳು. ಈ ವೇಳೆ ಕ್ಯಾಮೆರಾಮ್ಯಾನ್ ಈ ದೃಶ್ಯವನ್ನು ಸೆರೆಹಿಡಿದು ಮೈದಾನದ ದೊಡ್ಡ ಪರದೆಯ ಮೇಲೆ ತೋರಿಸಿದ್ದಾನೆ. ಇದನ್ನು ಕಂಡ ಈ ಜೋಡಿ ಮುಜುಗರಕ್ಕೀಡಾಗಿ ಅಲ್ಲಿಂದ ಜಾಗ ಖಾಲಿ ಮಾಡಿದ್ದಾರೆ. ಈ ಎಲ್ಲ ಕ್ಷಣಗಳು ಈ ವಿಡಿಯೊದಲ್ಲಿ ಸೆರೆಯಾಗಿದೆ.
— Pushkar (@musafir_hu_yar) December 28, 2023
ಪಿಚ್‌ನಲ್ಲೇ ಫೋಕಸ್ ಆಗಿದ್ದ ಕ್ಯಾಮೆರಾ ಏಕಾಏಕಿ ಗ್ಯಾಲರಿಯತ್ತ ಮುಖಮಾಡಿತು. ಈ ವೇಳೆ ಪ್ರೇಮಿಗಳ ಪ್ರಣಯದಾಟದ ದೃಶ್ಯಗಳು ಕಂಡು ಬಂತು. ತಕ್ಷಣ ಈ ಜೋಡಿಯನ್ನು ಸ್ಕ್ರೀನ್ ಮೇಲೆ, ಲೈವ್ ಮೂಲಕವೇ ತೋರಿಸಲಾಯಿತು. ತಕ್ಷಣವೇ ಎಚ್ಚೆತ್ತುಕೊಂಡ ಜೋಡಿ ಮರುಕ್ಷಣದಲ್ಲೇ ಎದ್ದು ಕುಳಿತಿತ್ತು. ಬಾಯ್‌ಫ್ರೆಂಡ್ ಮುಖ ಮುಚ್ಚಿಕೊಂಡರೆ, ಹುಡುಗಿ ಮುಖ ಕಾಣದಂತೆ ತಿರುಗಿ ಅಲ್ಲಿಂದ ಕಾಲ್ಕಿತ್ತರು.
ಸರಣಿ ಸೋಲು ಕಂಡ ಪಾಕ್
ಈ ಪಂದ್ಯವನ್ನು ಪಾಕಿಸ್ತಾನ 79 ರನ್ಗಳಿಂದ ಸೋಲು ಕಂಡಿದೆ. ಈ ಮೂಲಕ ಮೂರು ಪಂದ್ಯಗಳ ಸರಣಿಯಲ್ಲಿ 2-0 ಹಿನ್ನೆಡೆಯೊಂದಿಗೆ ಸರಣಿಯನ್ನು ಕಳೆದುಕೊಂಡಿದೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯಾ 318 ರನ್ಗೆ ಆಲೌಟ್ ಆಯಿತು. ಗುರಿ ಬೆನ್ನಟ್ಟಿದ ಪಾಕಿಸ್ತಾನ 264 ರನ್ಗೆ ಸರ್ವಪತನ ಕಂಡು ಮೊದಲ ಇನಿಂಗ್ಸ್ ಹಿನ್ನೆಡೆ ಕಂಡಿದು. ದ್ವಿತೀಯ ಇನಿಂಗ್ಸ್ನಲ್ಲಿ ಉತ್ತಮ ಬೌಲಿಂಗ್ ಸಂಘಟಿಸಿದ ಪಾಕ್ 262 ಆಸೀಸ್ ತಂಡವನ್ನು ಕಟ್ಟಿ ಹಾಕಿತು. ಗೆಲುವಿಗೆ 316 ರನ್ ಪಡೆದ ಪಾಕಿಸ್ತಾನ ಉತ್ತಮ ಆರಂಭ ಪಡೆದರೂ ಕೊನೆಯ ಹಂತದಲ್ಲಿ ಹಠಾತ್ ಕುಸಿತ ಕಂಡು 79 ರನ್ ಅಂತರದ ಸೋಲು ಕಂಡಿತು.
ಇದನ್ನೂ ಓದಿ Virat Kohli: ಆರ್‌ಸಿಬಿಯ ಪುಟ್ಟ ಅಭಿಮಾನಿಗೆ ಆಟೋಗ್ರಾಫ್ ನೀಡಿದ ವಿರಾಟ್ ಕೊಹ್ಲಿ
A wild Richard Illingworth appeared! #AUSvPAK pic.twitter.com/7Rsqci4whn
— cricket.com.au (@cricketcomau) December 28, 2023
ಇದೇ ಪಂದ್ಯದಲ್ಲಿ ಅಂಪೈರ್ ಲಿಫ್ಟ್ನಲ್ಲಿ ಸಿಲುಕಿಕೊಂಡ ಘಟನೆ ನಡೆದಿತ್ತು. ಇದರಿಂದ ಪಂದ್ಯ ಕೆಲ ಕಾಲ ತಡವಾಗಿ ಆರಂಭಗೊಂಡಿತ್ತು. ರಿಚರ್ಡ್ ಇಲಿಂಗ್‌ವರ್ತ್(Richard Illingworth) ಲಿಫ್ಟ್ನಲ್ಲಿ ಸಿಲುಕಿಕೊಂಡ ಅಂಪೈರ್ ಆಗಿದ್ದರು. ಈ ವಿಡಿಯೊ ವೈರಲ್(Viral Video) ಆಗಿತ್ತು. ಸುಮಾರು 5 ನಿಮಿಷ ತಡವಾಗಿ ಪಂದ್ಯ ಆರಂಭವಾಗಿತ್ತು.
ಭೋಜನ ವಿರಾಮದ ಬಳಿಕ ಮತ್ತೆ ಕಾರ್ಯ ನಿರ್ವಹಿಸಲು ಮುಂದಾಗಿದ್ದ ಮೂರನೇ ಅಂಪೈರ್ ಇಲ್ಲಿಂಗ್ವರ್ತ್ ಲಿಫ್ಟ್ನಲ್ಲಿ ಸಿಲುಕಿಕೊಂಡರು. ತಾಂತ್ರಿಕ ಕಾರಣದಿಂದಾಗಿ ಲಿಫ್ಟ್ ಕೆಟ್ಟುಹೋಗಿತ್ತು. ತಕ್ಷಣ ಎಚ್ಚೆತ್ತುಕೊಂಡ ಅಧಿಕಾರಿಗಳು ಲಿಫ್ಟ್ ಸರಿಪಡಿಸಿ ಇಲಿಂಗ್‌ವರ್ತ್ ಅವರನ್ನು ಹೊರಬರುವಂತೆ ಮಾಡಿದ್ದಾರೆ. ಲಿಫ್ಟ್ನಿಂದ ಹೊರ ಬಂದ ಬಳಿಕ ಅವರು ನಗುತ್ತಲೇ ಮೈದಾನದತ್ತ ಕೈ ಬೀಸಿದ್ದರು.