ಕೌಲಾಲಂಪುರ: ಇಲ್ಲಿ ನಡೆದ ಮಲೇಷ್ಯಾ ಓಪನ್‌ ಸೂಪರ್‌ 1000′ ಬ್ಯಾಡ್ಮಿಂಟನ್ ಕೂಟದ(Malaysia Open) ಫೈನಲ್ನಲ್ಲಿ ಭಾರತದ ಖ್ಯಾತ ಬ್ಯಾಡ್ಮಿಂಟನ್ ಜೋಡಿ ಚಿರಾಗ್‌ ಶೆಟ್ಟಿ-ಸಾತ್ವಿಕ್ ಸಾಯಿರಾಜ್‌ ರಾಂಕಿರೆಡ್ಡಿ(Satwik-Chirag) ಸೋಲು ಕಂಡಿದೆ.
ಭಾನುವಾರ ನಡೆದ ಪುರುಷರ ಡಬಲ್ಸ್‌ ಫೈನಲ್ ಪಂದ್ಯದಲ್ಲಿ ಭಾರತೀಯ ಜೋಡಿ ವಿಶ್ವ ನಂ.1, ಚೀನಾದ ಲಿಯಾಂಗ್‌ ವೈ ಕೆಂಗ್‌ ಮತ್ತು ವಾಂಗ್‌ ಚಾಂಗ್‌ ವಿರುದ್ಧ ತೀವ್ರ ಪೈಪೋಟಿ ನಡೆಸಿ 21-9, 18-21, 17-21 ಅಂತರದ ಸೋಲು ಕಂಡರು. ಸೋಲು ಕಾಣುವ ಮೂಲಕ ಬ್ಯಾಡ್ಮಿಂಟನ್ನಲ್ಲಿ ವರ್ಷದ ಮೊದಲ ಚಿನ್ನ ಗೆಲ್ಲುವ ಭಾರತದ ನಿರೀಕ್ಷೆ ಹುಸಿಯಾಯಿತು.
PETRONAS Malaysia Open 2024
— BWFScore (@BWFScore) January 14, 2024
MD – Final
🇨🇳LIANG Wei Keng🏅
9 21 21 🇨🇳WANG Chang🏅
🇮🇳Satwiksairaj RANKIREDDY
21 18 17 🇮🇳Chirag SHETTY
🕚 in 58 minutes
ಮೊದಲ ಗೇಮ್ನಲ್ಲಿ ಉತ್ತಮ ಆಟವಾಡಿದ ವಿಶ್ವ ನಂ.2 ಭಾರತೀಯ ಜೋಡಿ ದ್ವಿತೀಯ ಗೇಮ್ನಲ್ಲಿ ಎಡವಿತು. ಅಂತಿಮ ಗೇಮ್ನಲ್ಲಿ ಇತ್ತಂಡಗಳು ಕೂಡ ಗೆಲುವಿಗಾಗಿ ಜಿದ್ದಾಜಿದ್ದಿನ ಹೋರಾಟ ನಡೆಸಿತು. ಆದರೆ 4 ಅಂಕಗಳ ಹಿನ್ನಡೆಯಿಂದ ಸೋತು ದ್ವಿತೀಯ ಸ್ಥಾನಕ್ಕೆ ತೃಪ್ತಿಪಟ್ಟಿತು. ಚಿರಾಗ್‌ ಶೆಟ್ಟಿ-ಸಾತ್ವಿಕ್ ಸಾಯಿರಾಜ್‌ ರಾಂಕಿರೆಡ್ಡಿ ಜೋಡಿಗೆ ಕೆಲ ದಿನಗಳ ಹಿಂದಷ್ಟೇ ದೇಶದ ಪರಮೋಚ್ಚ ಕ್ರೀಡಾ ಪ್ರಶಸ್ತಿ ಮೇಜರ್ ಧ್ಯಾನ್ ಚಂದ್ ಖೇಲ್ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.
ಇದನ್ನೂ ಓದಿ Asian Games: ಐತಿಹಾಸಿಕ ಚಿನ್ನ ಗೆದ್ದ ಚಿರಾಗ್‌-ಸಾತ್ವಿಕ್ ಜೋಡಿ; ಶತಕದ ಗಡಿ ದಾಟಿದ ಪದಕ ಸಂಖ್ಯೆ
ಭಾರತೀಯ ಜೋಡಿ ಫೈನಲ್ನಲ್ಲಿ ಗೆದ್ದಿದ್ದರೆ 2ನೇ ಸಲ ಸೂಪರ್‌ 1000 ಪ್ರಶಸ್ತಿ ಗೆದ್ದ ಸಾಧನೆ ಮಾಡಿಂದತಾಗುತ್ತಿತ್ತು. ಮೊದಲ ಸೂಪರ್‌ 1000 ಪ್ರಶಸ್ತಿ ಕಳೆದ ಜೂನ್‌ನಲ್ಲಿ “ಇಂಡೋನೇಷ್ಯನ್‌ ಓಪನ್‌’ನಲ್ಲಿ ಒಲಿದಿತ್ತು. ಟೂರ್ನಿಯುದ್ದಕ್ಕೂ ಆಡಿದ್ದ ಚಿರಾಗ್‌-ಸಾತ್ವಿಕ್ ಫೈನಲ್ನಲ್ಲಿ ಎಡವಿದರು. ವಿಶ್ವ ನಂ.1 ಶ್ರೇಯಾಂಕಕ್ಕೆ ತಕ್ಕ ಆಡವಾಡಿದ ಚೀನ ಜೋಡಿ ಗೆದ್ದು ಪ್ರಶಸ್ತಿ ತನ್ನದಾಗಿಸಿಕೊಂಡಿತು.
ಶನಿವಾರ ನಡೆದಿದ್ದ ಪುರುಷರ ಡಬಲ್ಸ್‌ ಸೆಮಿಫೈನಲ್‌ ಪಂದ್ಯದಲ್ಲಿ ವಿಶ್ವ ಚಾಂಪಿಯನ್‌, ಕೊರಿಯಾದ ಸಿಯೊ ಸೆಯುಂಗ್‌-ಕಾಂಗ್‌ ಮಿನ್‌ ವಿರುದ್ಧ ವಿಶ್ವ ನಂ.2 ಭಾರತೀಯ ಜೋಡಿ 21-18, 22-20 ಅಂತರದ ಅಧಿಕಾರಯುತ ಗೆಲುವು ಸಾಧಿಸಿತ್ತು.