Rishabh Pant: ಐಪಿಎಲ್​ನಲ್ಲಿ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಿದ ರಿಷಭ್ ಪಂತ್​

ಲಖನೌ: ಡೆಲ್ಲಿ ಕ್ಯಾಪಿಟಲ್ಸ್ ನಾಯಕ ರಿಷಭ್ ಪಂತ್ (Rishabh Pant) ಐಪಿಎಲ್​​ನಲ್ಲಿ 3000 ರನ್ ಗಡಿ ದಾಟಿದ ಸಾಧನೆ ಮಾಡಿದ್ದಾರೆ. ಲಕ್ನೋದ ಏಕನಾ ಕ್ರೀಡಾಂಗಣದಲ್ಲಿ ಲಕ್ನೊ ಸೂಪರ್ ಜೈಂಟ್ಸ್ ವಿರುದ್ದದ ಪಂದ್ಯದಲ್ಲಿ ಈ ಸಾಧನೆ ಮಾಡಿದ್ದಾರೆ. ‘ಮಿರಾಕಲ್ ಮ್ಯಾನ್’ 104 ಐಪಿಎಲ್ ಪಂದ್ಯಗಳನ್ನು ಆಡಿದ್ದು, 34.61 ಸರಾಸರಿಯಲ್ಲಿ 3000 ರನ್ ಗಡಿ ದಾಟಿದ್ದಾರೆ. ಈ ಮೂಲಕ ಅವರು ಮತ್ತೊಂದು ಸಾಧನೆ ಮಾಡಿದ್ದಾರೆ. ಪಂದ್ಯದಲ್ಲಿ ಅವರು ಸ್ಫೋಟಕ 41 ರನ್ ಬಾರಿಸಿದ್ದಾರೆ. ಈ ಮೂಲಕ ಅವರ ನೇತೃತ್ವದ ತಂಡವು ಹಾಲಿ ಐಪಿಎಲ್​ನಲ್ಲಿ 2ನೇ ಗೆಲವು ದಾಖಲಿಸಿದೆ.

See more

𝐎𝐮𝐫 𝐥𝐞𝐚𝐝𝐢𝐧𝐠 𝐫𝐮𝐧-𝐬𝐜𝐨𝐫𝐞𝐫. 𝐎𝐮𝐫 𝐩𝐫𝐢𝐝𝐞 😎🔥

We love you 3️⃣0️⃣0️⃣0️⃣, Rishabh ❤️💙#YehHaiNayiDilli #IPL2024 #LSGvDC pic.twitter.com/WZ4dXSGqny

— Delhi Capitals (@DelhiCapitals) April 12, 2024

ರಿಷಭ್ ಪಂತ್ ಕಾರು ಅವಘಡದಿಂದ ಉಂಟಾದ ಗಾಯಗಳಿಂದಾಗಿ 2023ನೇ ಆವೃತ್ತಿಯ ಐಪಿಎಲ್​ನಲ್ಲಿ ಆಡಿರಲಿಲ್ಲ. ಸುಮಾರು ಒಂದೂವರೆ ವರ್ಷದ ಬಳಿಕ ವೃತ್ತಿಪರ ಕ್ರಿಕೆಟ್​ಗೆ ಮರಳಿದ ಅವರು ಅಬ್ಬರಿಸಲು ಆರಂಭಿಸಿದ್ದಾರೆ. ಏತನ್ಮಧ್ಯೆ ಅವರು ಈ ಮಹತ್ಸಾಧನೆ ಮಾಡಿದ್ದಾರೆ.

ಐಪಿಎಲ್​ನಲ್ಲಿ 3,000 ರನ್ ಪೂರೈಸಿದ ಅತ್ಯಂತ ಕಿರಿಯ ಆಟಗಾರು ಇವರು

• 24y, 215d – ಶುಬ್ಮನ್ ಗಿಲ್
• 26y, 186d – ವಿರಾಟ್ ಕೊಹ್ಲಿ
• 26y, 191d – ರಿಷಭ್ ಪಂತ್
• 26y, 320d – ಸಂಜು ಸ್ಯಾಮ್ಸನ್
• 27y, 161d – ಸುರೇಶ್ ರೈನಾ

ಡೆಲ್ಲಿ 6 ವಿಕೆಟ್ ವಿಜಯ

ಲಖನೌ: ಕುಲ್ದೀಪ್ ಯಾದವ್​ (20 ರನ್​ಗೆ 3 ವಿಕೆಟ್) ಮಾರಕ ಬೌಲಿಂಗ್​​ ಹಾಗೂ ಜೇಕ್ ಫ್ರೇಸರ್-ಮೆಕ್ಗುರ್ಕ್ (55 ರನ್​) ಅರ್ಧ ಶತಕದ ನೆರವು ಪಡೆದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಐಪಿಎಲ್ 2024ರ (IPL 2024) 26ನೇ ಪಂದ್ಯದಲ್ಲಿ ಲಖನೌ ಸೂಪರ್ ಜೈಂಟ್ಸ್ ವಿರುದ್ಧ 6 ವಿಕೆಟ್​ಗಳ ಗೆಲುವು ಸಾಧಿಸಿದೆ. ಇದು ಡೆಲ್ಲಿ ತಂಡಕ್ಕೆ ಹಾಲಿ ಆವೃತ್ತಿಯಲ್ಲಿ ಲಭಿಸಿದ ಎರಡನೇ ಗೆಲುವಾಗಿದೆ. ಇದರೊಂದಿಗೆ ಅಂಕಪಟ್ಟಿಯಲ್ಲಿ ಆರ್​ಸಿಬಿಯನ್ನು ಒಂದು ಸ್ಥಾನ ಕೆಳಕ್ಕೆ ತಳ್ಳಿ 9ನೇ ಸ್ಥಾನಕ್ಕೆ ಏರಿದೆ. ಸೋಲಿನ ಹೊರತಾಗಿಯೂ ಲಕ್ನೊ ತಂಡ ನಾಲ್ಕನೇ ಸ್ಥಾನದಲ್ಲಿ ಉಳಿದಿದೆ.

ಇಲ್ಲಿನ ಅಟಲ್​ಬಿಹಾರಿ ವಾಜಪೇಯಿ ಏಕನಾ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಲಕ್ನೊ ತಂಡ ನಿಗದಿತ 20 ಓವರ್​ಗಳಲ್ಲಿ 7 ವಿಕೆಟ್​ಗೆ 167 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಡೆಲ್ಲಿ ತಂಡ ಇನ್ನೂ 11 ಎಸೆತಗಳು ಬಾಕಿ ಇರುವಂತೆಯೇ 4 ವಿಕೆಟ್​ಗೆ 170 ರನ್ ಬಾರಿಸಿ ಗೆಲುವು ಸಾಧಿಸಿತು. ಈ ಮೂಲಕ ತವರಿನ ತಂಡಕ್ಕೆ ಸೋಲುಣಿಸಿ ಗೆಲುವಿನ ಹಳಿಗೆ ಮರಳಿತು. ರಿಷಭ್ ಪಂತ್ ಕೂಡ ಬ್ಯಾಟಿಂಗ್​ನಲ್ಲಿ ಅಮೋಘ ಪ್ರದರ್ಶನ ನೀಡಿದರು. ಅವರು 24 ಎಸೆತಕ್ಕೆ 41 ರನ್ ಬಾರಿಸಿತು.

ಇದನ್ನೂ ಓದಿ: IPL 2024 : ಆನ್​ಫೀಲ್ಡ್​ ಅಂಪೈರ್​ ಜತೆ ವಾಗ್ವಾದ ನಡೆಸಿದ ರಿಷಭ್ ಪಂತ್​; ಏನಾಯಿತು ಅವರಿಗೆ?

ಮೊದಲು ಬ್ಯಾಟ್ ಮಾಡಿದ ಲಕ್ನೊ ತಂಡ ಹೆಚ್ಚು ಪರಿಣಾಮಕಾರಿಯಾಗಿ ಬ್ಯಾಟ್ ಮಾಡಲಿಲ್ಲ. ಕ್ವಿಂಟನ್ ಡಿ ಕಾಕ್​ 19 ರನ್​ಗೆ ಔಟಾದರೆ ರಾಹುಲ್ 22 ಎಸೆತಕ್ಕೆ 39 ರನ್ ಬಾರಿಸಿ ಔಟಾದರು. ನಂತರದಲ್ಲಿ ಲಕ್ನೊ ಬ್ಯಾಟಿಂಗ್ ಬಲ ಕುಸಿಯಿತು. ದೇವದತ್​​ ಪಡಿಕ್ಕಲ್​ 3, ಸ್ಟೊಯ್ನಿಸ್​ 8 ರನ್​, ಪೂರನ್​ ಶೂನ್ಯಕ್ಕೆ ಔಟಾದರು. 89 ರನ್​ಗೆ 6 ವಿಕೆಟ್​ ಕಳೆದುಕೊಂಡ ಲಖನೌ ಚಿಂತೆಗೆ ಬಿತ್ತು. ಈ ವೇಳೆ ಆಪದ್ಭಾಂದವ ಆಯುಷ್​​ ಬದೋನಿ 35 ಎಸೆತಕ್ಕೆ 55 ರನ್ ಬಾರಿಸಿ ತಂಡದ ಮರ್ಯಾದೆ ಉಳಿಸಿದರು. ಕೊನೆಯಲ್ಲಿ ಅರ್ಶದ್ ಖಾನ್​ 20 ರನ್ ಬಾರಿಸಿ ತಮ್ಮ ನೆರವು ಕೊಟ್ಟರು. ಡೆಲ್ಲಿ ಪರ ಖಲೀಲ್ ಅಹ್ಮದ್​ ಕೂಡ 2 ವಿಕೆಟ್ ಉರುಳಿಸಿದರು.