ನವದೆಹಲಿ: ಎಡಗೈ ಬ್ಯಾಟರ್ಗಳಾದ ಟ್ರಾವಿಸ್ ಹೆಡ್(89), ಅಭಿಷೇಕ್ ಶರ್ಮ(46) ಮತ್ತು ಶಾಬಾಜ್ ಅಹ್ಮದ್(59) ಅವರ ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಸನ್ರೈಸರ್ಸ್ ಹೈದರಾಬಾದ್(SRH vs DC) ತಂಡವು ಶನಿವಾರದ ಐಪಿಎಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್(SRH vs DC) ತಂಡವನ್ನು 67 ರನ್ಗಳಿಂದ ಸೋಲಿಸಿತು. ಇದು ಹೈದರಾಬಾದ್ಗೆ ಒಲಿದ 5ನೇ ಗೆಲುವು.
ಇಲ್ಲಿನ ಅರುಣ್ ಜೇಟ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಹೈದರಾಬಾದ್ ತಂಡಕ್ಕೆ ಆರಂಭಿಕರಾದ ಟ್ರಾವಿಸ್ ಹೆಡ್(89) ಮತ್ತು ಅಭಿಷೇಕ್ ಶರ್ಮ(46) ಜಿದ್ದಿಗೆ ಬಿದ್ದವರಂತೆ ಬ್ಯಾಟ್ ಬೀಸಿ ಅಮೋಘ ಆರಂಭ ಒದಗಿಸಿದರು. ಇವರ ಈ ಬ್ಯಾಟಿಂಗ್ ಪರಾಕ್ರಮದಿಂದ ತಂಡ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ಗೆ 266 ರನ್ ಬಾರಿಸಿತು. ಸವಾಲಿನ ಮೊತ್ತವನ್ನು ದಿಟ್ಟ ರೀತಿಯಲ್ಲಿ ಬೆನ್ನಟ್ಟಿಕೊಂಡು ಹೋದ ಡೆಲ್ಲಿ ಕ್ಯಾಪಿಟಲ್ಸ್ ಅಂತಿಮವಾಗಿ 19.1 ಓವರ್ಗಳಲ್ಲಿ 199 ರನ್ಗೆ ಸರ್ವಪತನ ಕಂಡಿತು. ಗೆಲುವು ಕಂಡ ಹೈದರಾಬಾದ್ 10 ಅಂಕದೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿತು.
ಮ್ಯಾಕ್‌ಗುರ್ಕ್ ಅರ್ಧಶತಕದ ಮಿಂಚು
ಡೆಲ್ಲಿ ತಂಡದ ಆರಂಭ ಅಷ್ಟು ಉತ್ತಮವಾಗಿರಲಿಲ್ಲ. ಪೃಥ್ವಿ ಶಾ ಮೊದಲ ಓವರ್ನಲ್ಲಿ ಸತತ 4 ಬೌಂಡರಿ ಬಾರಿಸಿದರೂ ಇದೇ ಆಟವನ್ನು ಮುಂದುವರಿಸುವಲ್ಲಿ ವಿಫಲರಾದರು. 4 ಬೌಂಡರಿಗೆ ಸೀಮಿತರಾಗಿ ವಿಕೆಟ್ ಕಳೆದುಕೊಂಡರು. ಇದರ ಬೆನ್ನಲ್ಲೇ ಡೇವಿಡ್ ವಾರ್ನರ್(1) ಕೂಡ ವಿಕೆಟ್ ಕಳೆದುಕೊಂಡರು.
Playing fire with fire in the Powerplay! 🔥🔥
— IndianPremierLeague (@IPL) April 20, 2024
Jake Fraser McGurk departs after an entertaining 65(18) 🙌#DC 109/3 after 7 overs.
Watch the match LIVE on @StarSportsIndia and @JioCinema 💻📱#TATAIPL | #DCvSRH pic.twitter.com/iACgfhytou
ಸಂಕಷ್ಟದಲ್ಲಿದ್ದ ಡೆಲ್ಲಿಗೆ ಜೇಕ್ ಫ್ರೇಸರ್-ಮ್ಯಾಕ್‌ಗುರ್ಕ್ ಮತ್ತು ಅಭಿಷೇಕ್ ಪೋರೆಲ್ ಆಕ್ರಮಣಕಾರಿ ಬ್ಯಾಟಿಂಗ್ ನಡೆಸಿ ಆಸರೆಯಾದರು. ಉಭಯ ಆಟಗಾರರ ಈ ಬ್ಯಾಟಿಂಗ್ ಆರ್ಭಟದಿಂದ ಡೆಲ್ಲಿ ಕೂಡ ಹೈದರಾಬಾದ್ ತಂಡದಂತೆ 7 ಓವರ್ಗೂ ಮುನ್ನ 100 ರನ್ಗಳ ಗಡಿ ದಾಟಿತು. ಈ ವೇಳೆ ಡೆಲ್ಲಿ ಗೆಲುವಿನ ಆಸೆಯೊಂದು ಚಿಗುರಿಕೊಂಡಿತು. ಆದರೆ, ಜಿದ್ದಿಗೆ ಬಿದ್ದವರಂತೆ ಬ್ಯಾಟ್ ಬೀಸುತ್ತಿದ್ದ ಈ ಜೋಡಿಯನ್ನು ಮಯಾಂಕ್‌ ಮಾರ್ಕಂಡೆ ಬೇರ್ಪಡಿಸಿದರು. ಸತತ ಸಿಕ್ಸರ್ ಚಚ್ಚಿಕೊಂಡಿದ್ದ ಮಾರ್ಕಂಡೆ ಕೊನೆಗೂ ಮ್ಯಾಕ್‌ಗುರ್ಕ್ ವಿಕೆಟ್ ಕಿತ್ತು ತಂಡಕ್ಕೆ ಮುನ್ನಡೆ ತಂದುಕೊಟ್ಟರು.
ಇದನ್ನೂ ಓದಿ IPL 2024: ಟಿ20 ಕ್ರಿಕೆಟ್ನಲ್ಲೇ ನೂತನ ದಾಖಲೆ ಬರೆದ ಸನ್ರೈರ್ಸ್ ಹೈದರಾಬಾದ್
ಮ್ಯಾಕ್‌ಗುರ್ಕ್ ಕೇವಲ 15 ಎಸೆತಗಳಿಂದ ಅರ್ಧಶತಕ ಬಾರಿಸುವ ಮೂಲಕ ಈ ಬಾರಿಯ ಐಪಿಎಲ್ನಲ್ಲಿ ಅತಿ ವೇಗವಾಗಿ ಅರ್ಧಶತಕ ಬಾರಿಸಿದ ದಾಖಲೆ ಬರೆದರು. ಎಬಿಡಿ ವಿಲಿಯರ್ಸ್ ರೀತಿ ಬ್ಯಾಟಿಂಗ್ ನಡೆಸಿದ ಮ್ಯಾಕ್‌ಗುರ್ಕ್ ಒಟ್ಟು 18 ಎಸೆತಗಳಿಂದ 65 ರನ್ ಚಚ್ಚಿದರು. ಈ ವೇಳೆ 7 ಸೊಗಸಾದ ಸಿಕ್ಸರ್ ಮತ್ತು 5 ಆಕರ್ಷಕ ಬೌಂಡರಿ ದಾಖಲಾಯಿತು. ಈ ವಿಕೆಟ್ ಬಿದ್ದು 26 ರನ್ ಒಟ್ಟುಗೂಡುವಷ್ಟರಲ್ಲಿ ಉತ್ತಮವಾಗಿ ಆಡುತ್ತಿದ್ದ ಅಭಿಷೇಕ್ ವಿಕೆಟ್ ಕೂಡ ಪತನಗೊಂಡಿತು. ಈ ಜೋಡಿ ಮೂರನೇ ವಿಕೆಟ್ಗೆ 84 ರನ್ಗಳ ಅತ್ಯಮೂಲ್ಯ ಜತೆಯಾಟ ನಡೆಸಿತು. ಅಭಿಷೇಕ್ 22 ಎಸೆತಗಳಿಂದ 42 ರನ್( 7 ಬೌಂಡರಿ, 1 ಸಿಕ್ಸ್) ಬಾರಿಸಿದರು. ಈ ವಿಕೆಟ್ ಪತನಗೊಳ್ಳುತ್ತಿದ್ದಂತೆ ಡೆಲ್ಲಿ ಸೋಲು ಕೂಡ ಖಚಿತಗೊಂಡಿತು.
ನಟರಾಜನ್ ಘಾತಕ ದಾಳಿ
ನಾಯಕ ರಿಷಭ್ ಪಂತ್ ಕೆಳ ಕ್ರಮಾಂಕದಲ್ಲಿ ಶಕ್ತಿ ಮೀರಿ ಪ್ರಯತ್ನಿಸಿದರೂ ಇವರಿಗೆ ಮತ್ತೊಂದು ತುದಿಯಲ್ಲಿ ಸರಿಯಾದ ಸಾಥ್ ಸಿಗದ ಕಾರಣ ತಂಡವನ್ನು ಗೆಲುವಿನ ದಡ ಸೇರಿಸಲು ವಿಫಲರಾದರು. ಪಂತ್ 35 ಎಸೆತಗಳಿಂದ 44 ರನ್ ಬಾರಿಸಿ ಔಟಾದರು. ಈ ವಿಕೆಟ್ ಪತನದೊಂದಿಗೆ ಡೆಲ್ಲಿ ಆಲೌಟ್ ಕೂಡ ಆಯಿತು. ಹೈದರಾಬಾದ್ ಪರ ಘಾತಕ ಬೌಲಿಂಗ್ ದಾಳಿ ನಡೆಸಿದ ಎಡಗೈ ವೇಗಿ ಟಿ.ನಟರಾಜನ್ ಕೇವಲ 19 ರನ್ ನೀಡಿ ಪ್ರಮುಖ 4 ವಿಕೆಟ್ ಕಿತ್ತು ಮಿಂಚಿದರು. ಮಾರ್ಕಂಡೆ 2 ವಿಕೆಟ್ ಪಡೆದರು.
It just keeps getting better 🤌#DCvSRH #TATAIPL #IPLonJioCinema pic.twitter.com/nD5YZSb1CA
— JioCinema (@JioCinema) April 20, 2024
ಅಭಿಷೇಕ್-ಹೆಡ್ ಸ್ಫೋಟಕ ಬ್ಯಾಟಿಂಗ್
ಮೊದಲು ಬ್ಯಾಟಿಂಗ್ ನಡೆಸಿದ ಹೈದರಾಬಾದ್ ತಂಡದ ಪರ ಆರಂಭಿಕ ಬ್ಯಾಟರ್ಗಳಾದ ಅಭಿಷೇಕ್ ಶರ್ಮ ಮತ್ತು ಟ್ರಾವಿಸ್ ಹೆಡ್ ಸಿಡಿದು ನಿಂತು ಡೆಲ್ಲಿ ಬೌಲರ್ಳ ಎಸೆತವನ್ನು ಧೂಳಿಪಟ ಮಾಡಿದರು. ಸಿಕ್ಸರ್ ಮತ್ತು ಬೌಂಡರಿಗಳ ಸುರಿಮಳೆಯನ್ನೇ ಸುರಿಸಿ ಕ್ರಿಕೆಟ್ ಅಭಿಮಾನಿಗಳಿಗೆ ಬರಪೂರ ರಂಚನೆ ನೀಡಿದರು. ವಿಕೆಟ್ ನಷ್ಟವಿಲ್ಲದೆ 125 ರನ್ ಬಾರಿಸುವ ಮೂಲಕ ಟಿ20 ಕ್ರಿಕೆಟ್ನಲ್ಲಿ ಪವರ್ ಪ್ಲೇಯಲ್ಲಿ ಅತ್ಯಧಿಕ ರನ್ ಬಾರಿಸಿದ ತಂಡವೆಂಬ ಹೆಗ್ಗಳಿಗೆ ಪಾತ್ರವಾಯಿತು. ಇವರಿಬ್ಬರ ಆಟ ನೋಡುವಾಗ ಈ ಬಾರಿ 300 ಪ್ಲಸ್ ಮೊತ್ತ ದಾಖಲಾಗುತ್ತದೆ ಎಂದು ನಿರೀಕ್ಷಿಸಲಾಗಿತ್ತು. ಈ ಅಬ್ಬರ ಬ್ಯಾಟಿಂಗ್ಗೆ ಕುಲ್ದೀಪ್ ಯಾದವ್ ಬ್ರೇಕ್ ಹಾಕುವಲ್ಲಿ ಯಶಸ್ಸು ಕಂಡರು.
Travis Head doing Travis Head things already 🔥
— IndianPremierLeague (@IPL) April 20, 2024
What a start this for @SunRisers 🧡
Watch the match LIVE on @JioCinema and @StarSportsIndia 💻📱#TATAIPL | #DCvSRH pic.twitter.com/THLOchmfT2
ಒಂದೇ ಓವರ್ನಲ್ಲಿ ಅಪಾಯಕಾರಿ ಅಭಿಷೇಕ್ ಮತ್ತು ಆ ಬಳಿಕ ಬಂದ ಐಡೆನ್ ಮಾರ್ಕ್ರಮ್(1) ವಿಕೆಟ್ ಕಿತ್ತು ಡೆಲ್ಲಿಗೆ ಮುನ್ನಡೆ ತಂದುಕೊಟ್ಟರು. ಅಭಿಷೇಕ್ ಕೇವಲ 12 ಎಸೆತಗಳಲ್ಲಿ 6 ಸಿಕ್ಸರ್ ಮತ್ತು 2 ಬೌಂಡರಿ ನೆರವಿನಿಂದ 46 ರನ್ ಬಾರಿಸಿದರು. ಅಭಿಷೇಕ್ ಮತ್ತು ಹೆಡ್ ಸೇರಿಕೊಂಡು ಮೊದಲ ವಿಕೆಟ್ಗೆ 131 ರನ್ ಜತೆಯಾಟ ನಡೆಸಿದರು. 16 ಎಸೆತಗಳಿಂದ ಅರ್ಧಶತಕ ಪೂರ್ತಿಗೊಳಿಸಿದ ಟ್ರಾವಿಸ್ ಹೆಡ್ 11 ಬೌಂಡರಿ ಮತ್ತು 6 ಸಿಕ್ಸರ್ ನೆರವಿನಿಂದ 89 ರನ್ ಬಾರಿಸಿದರು. ಎದುರಿಸಿದ್ದು ಕೇವಲ 32 ಎಸೆತ. ಉಭಯ ಆಟಗಾರರ ವಿಕೆಟ್ ಪತನದ ಬಳಿಕ ಹೈದರಾಬಾದ್ ನಾಟಕೀಯ ಕುಸಿತ ಕಂಡಿತು. ಹೆನ್ರಿಚ್ ಕ್ಲಾಸೆನ್(15) ರನ್ ಗಳಿಸಿ ನಿರಾಸೆ ಮೂಡಿಸಿದರು.
What a turnaround this from @DelhiCapitals 👏👏
— IndianPremierLeague (@IPL) April 20, 2024
Kuldeep Yadav gets the dangerous Travis Head while Axar Patel gets Heinrich Klaasen 👌👌
Watch the match LIVE on @JioCinema and @StarSportsIndia 💻📱 #TATAIPL | #DCvSRH pic.twitter.com/mmJIBB2uEq
ಅಂತಿಮ ಹಂತದಲ್ಲಿ ಸಿಡಿದು ನಿಂತ ಆರ್ಸಿಬಿಯ ಮಾಜಿ ಆಟಗಾರ ಶಾಬಾಜ್ ಅಹ್ಮದ್ 29 ಎಸೆತಗಳಿಂದ 5 ಸಿಕ್ಸರ್ ಮತ್ತು 2 ಬೌಂಡರಿ ಬಾರಿಸಿ 59 ರನ್ ಬಾರಿಸಿದರು. ಇವರಿಗೆ ಮತ್ತೊಂದು ತುದಿಯಲ್ಲಿ ಸಾಥ್ ನೀಡಿದ ನಿತೀಶ್ ರೆಡ್ಡಿ ತಲಾ 2 ಸಿಕ್ಸರ್ ಮತ್ತು ಬೌಂಡರಿ ಹೊಡೆದು 37 ರನ್ ಗಳಿಸಿದರು. ಹೀಗಾಗಿ ತಂಡ 250ರ ಗಡಿ ದಾಡಿತು. ಡೆಲ್ಲಿ ಪರ ಕುಲ್ದೀಪ್ ಯಾದವ್ 55 ರನ್ ವೆಚ್ಚದಲ್ಲಿ 4 ವಿಕೆಟ್ ಕಿತ್ತರು.