ಟ್ರಿನಿಡಾಡ್: ಮಾರಕ ಬೌಲಿಂಗ್ ಸಂಘಟಿಸಿದ ದಕ್ಷಿಣ ಆಫ್ರಿಕಾ ತಂಡದ ಇದೇ ಮೊದಲ ಬಾರಿಗೆ ಟಿ20 ವಿಶ್ವ ಕಪ್ನಲ್ಲಿ (T20 World Cup 2024: ) ಸೆಮಿಫೈನಲ್ಗೇರಿದ್ದ ಅಫಘಾನಿಸ್ತಾನ ತಂಡವನ್ನು ಸುಲಭವಾಗಿ 9 ವಿಕೆಟ್ಗಳಿಂದ ಸೋಲಿಸಿದ ಫೈನಲ್ಗೇರಿದೆ. ಈ ಮೂಲಕ 2024ರ ಟಿ20 ವಿಶ್ವ ಕಪ್ನ ಫೈನಲ್ ಹಣಾಹಣಿಗೆ ಸ್ಥಾನ ಭದ್ರ ಮಾಡಿಕೊಂಡಿದೆ. ಸೆಮಿಫೈನಲ್ ಪಂದ್ಯದಲ್ಲಿ ಎಲ್ಲ ವಿಭಾಗಗಳಲ್ಲಿ ಮಿಂಚಿದ ದಕ್ಷಿಣ ಆಫ್ರಿಕಾ ತಂಡ ಅರ್ಹವಾಗಿ ಪ್ರಶಸ್ತಿ ಸುತ್ತಿಗೆ ಪ್ರವೇಶ ಪಡೆದುಕೊಂಡಿದೆ. ಇದೇ ವೇಳೆ ಮೊದಲ ಬಾರಿಗೆ ಫೈನಲ್ಗೆ ಪ್ರವೇಶ ಮಾಡಲು ತಮಗಿದ್ದ ಅವಕಾಶವನ್ನು ಅಫಘಾನಿಸ್ತಾನ ತಂಡ ಕಳೆದುಕೊಂಡಿದೆ. ಟೂರ್ನಿಯಲ್ಲಿ ಇದುವರೆಗೆ ಅತ್ಯುತ್ತಮ ಪ್ರದರ್ಶನ ನೀಡಿಕೊಂಡು ಬಂದಿದ್ದ ರಶೀದ್ ಖಾನ್ ಬಳಗ ಪ್ರಮುಖ ವೇದಿಕೆಯಲ್ಲಿ ಬ್ಯಾಟಿಂಗ್ನಲ್ಲಿ ಕಳಾಹೀನ ಪ್ರದರ್ಶನ ನೀಡಿತು.
South Africa are through to their first Men's #T20WorldCup Final 🙌 pic.twitter.com/EoBSVbfMZm
— T20 World Cup (@T20WorldCup) June 27, 2024
ಇಲ್ಲಿನ ಬ್ರಿಯಾನ್ ಲಾರಾ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ಆಯೋಜನೆಗೊಂಡಿದ್ದ ಹಣಾಹಣಿಯಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಅಫಘಾನಿಸ್ತಾನ ತಂಡ 11.5 ಓವರ್ಗಳಲ್ಲಿ ಕೇವಲ 56 ರನ್ಗಳಿಗೆ ಆಲ್ಔಟ್ ಆಯಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಹರಿಣಗಳ ಪಡೆ 8.5 ಓವರ್ಗಳಲ್ಲಿ 1 ವಿಕೆಟ್ ನಷ್ಟ ಮಾಡಿಕೊಂಡು 60 ರನ್ ಬಾರಿಸಿ ವಿಜಯೋತ್ಸವ ಆಚರಿಸಿತು. ಇಂದು ಸಂಜೆ ನಡೆಯಲಿರುವ ಭಾರತ ಹಾಗೂ ಇಂಗ್ಲೆಂಡ್ ತಂಡದ ಪಂದ್ಯದ ಬಳಿಕ ಜೂನ್ 29ರಂದು ನಡೆಯುವ ಫೈನಲ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾಕ್ಕೆ ಎದುರಾಳಿ ಯಾರು ಎಂಬುದು ನಿರ್ಧಾರವಾಗಲಿದೆ.
ಇದನ್ನೂ ಓದಿ: ICC T20 Ranking : ಸೂರ್ಯಕುಮಾರ್ ಯಾದವ್ ಹಿಂದಿಕ್ಕಿ ರ್ಯಾಂಕಿಂಗ್ನಲ್ಲಿ ನಂಬರ್ 1 ಸ್ಥಾನ ಪಡೆದ ಹೆಡ್
ಅಲ್ಪ ಮೊತ್ತದ ಗುರಿಯನ್ನು ಬೆನ್ನಟ್ಟಲು ಹೊರಟ ದಕ್ಷಿಣ ಆಫ್ರಿಕಾ ತಂಡಕ್ಕೆ ಅದು ಸವಾಲಾಗಲೇ ಇಲ್ಲ. ಆದಾಗ್ಯೂ ಕ್ವಿಂಟನ್ ಡಿ ಕಾಕ್ 5 ರನ್ ಬಾರಿಸಿ ಫಜಲಕ್ ಫಾರೂಕಿಗೆ ವಿಕೆಟ್ ಒಪ್ಪಿಸುವ ಮೂಲಕ ಆತಂಕ ಮೂಡಿಸಿದರು. ಅದರೆ, ರೀಜಾ ಹೆಂಡ್ರಿಕ್ಸ್ (29 ರನ್) ಹಾಗೂ ನಾಯಕ ಏಡೆನ್ ಮಾರ್ಕರಮ್ 23 ರನ್ ಬಾರಿಸಿ ನಿರಾಯಾಸ ಗೆಲುವ ತಂದುಕೊಟ್ಟರು. ದಕ್ಷಿಣ ಆಫ್ರಿಕಾ ತಂಡ ಹಾಲಿ ಟೂರ್ನಿಯಲ್ಲಿ ಅತ್ಯಂತ ಬಲಿಷ್ಠ ಹಾಗೂ ಸಮರ್ಥ ಪ್ರದರ್ಶನ ನೀಡಿದ್ದು ಸೆಮಿಫೈನಲ್ ಸೇರಿದಂತೆ ಒಟ್ಟು 8ಪಂದ್ಯಗಳಲ್ಲಿ ಅಜೇಯ ಓಟ ಮುಂದುವರಿಸಿದೆ. ಟಿ20 ವಿಶ್ವ ಕಪ್ನ ಹಾಲಿ ಆವೃತ್ತಿಯಲ್ಲಿ ಸೋಲು ಕಾಣದೇ ಫೈನಲ್ಗೆ ಪ್ರವೇಶ ಪಡೆದುಕೊಂಡಿದೆ.
A dominant display with the ball puts South Africa through to the Men's #T20WorldCup Final for the very first time 👌
— T20 World Cup (@T20WorldCup) June 27, 2024
📝 #SAvAFG: https://t.co/g6CyAQylUx pic.twitter.com/i0T1Cn6csX
ಅಫಘಾನಿಸ್ತಾನ ದುರ್ಬಲ ಬ್ಯಾಟಿಂಗ್
ಅಫಘಾನಿಸ್ತಾನ ತಂಡ ಪ್ರಸ್ತುತ ವಿಶ್ವ ಕಪ್ನಲ್ಲಿ (T20 World Cup 2024) ಅಚ್ಚರಿ ಪ್ರದರ್ಶನ ನೀಡಿತ್ತು. ಲೀಗ್ ಹಂತದ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ತಂಡದ ವಿರುದ್ಧ 125 ರನ್ಗಳ ಬೃಹತ್ ಗೆಲುವು ದಾಖಲಿಸಿದ್ದ ರಶೀದ್ ಖಾನ್ ಬಳಗ ಸೂಪರ್ 8 ಹಂತದಲ್ಲಿ ಆಸ್ಟ್ರೇಲಿಯಾ ವಿರುದ್ಧ 21 ರನ್ ಹಾಗೂ ಬಾಂಗ್ಲಾದೇಶ ವಿರುದ್ದ 8 ರನ್ (ಡಕ್ವರ್ತ್ ಲೂಯಿಸ್ ನಿಯಮ ಪ್ರಕಾರ) ಗೆಲುವು ದಾಖಲಿಸಿತ್ತು. ಈ ಮೂಲಕ ಇದೇ ಮೊದಲ ಬಾರಿಗೆ ಟಿ20 ವಿಶ್ವ ಕಪ್ ಇತಿಹಾಸದಲ್ಲಿ ಸೆಮೀಸ್ ಹಂತಕ್ಕೇರಿತ್ತು. ಆದರೆ, ಪ್ರಮುಖ ಘಟ್ಟದಲ್ಲಿ ಈ ತಂಡವನ್ನು ಅತ್ಯಂತ ಪೇಲವ ಪ್ರದರ್ಶನ ನೀಡಿ ಸೋತಿತ್ತು. ಬಾಂಗ್ಲಾ ವಿರುದ್ಧ ಅಫಘಾನಿಸ್ತಾನ ಗೆದ್ದಾಗ ಕ್ರಿಕೆಟ್ ಕ್ಷೇತ್ರವೇ (ಪಾಕಿಸ್ತಾನ ಹೊರತುಪಡಿಸಿ) ಅವರನ್ನು ಬೆಂಬಲಿಸಲು ಮುಂದೆ ನಿಂತಿತ್ತು. ಆ ದೇಶದ ರಾಜಧಾನಿ ಕಾಬೂಲ್ನಲ್ಲಿಯೂ ವಿಜಯೋತ್ಸವಕ್ಕಾಗಿ ಜನಸ್ತೋಮವೇ ನೆರೆದಿತ್ತು. ಅವರೆಲ್ಲರಿಗೂ ರಶೀದ್ ಬಳಗ ನಿರಾಸೆ ಮೂಡಿಸಿದೆ.
ಟಾಸ್ ಗೆದ್ದ ಮೊದಲು ಬ್ಯಾಟ್ ಮಾಡಿದ ಆಫ್ಘನ್ನರು ನಿರಂತರವಾಗಿ ವಿಕೆಟ್ ಕಳೆದುಕೊಂಡರು. ಮಾರ್ಕೊ ಜೆನ್ಸನ್ (3 ಓವರ್, 16 ರನ್ 3 ವಿಕೆಟ್), ಕಗಿಸೋ ರಬಾಡ (3 ಓವರ್, 14 ರನ್, 2 ವಿಕೆಟ್), ಆ್ಯನ್ರಿಚ್ ನೋರ್ಜೆ (3 ಓವರ್, 7 ರನ್, 2 ವಿಕೆಟ್), ತಬ್ರೇಜ್ ಶಮ್ಸಿ (1.5 ಓವರ್, 6 ರನ್, 3 ವಿಕೆಟ್) ಮಾರಕ ದಾಳಿಗೆ ಪತರಗುಟ್ಟಿದರು. ದ. ಆಫ್ರಿಕಾದ ಬೌಲರ್ಗಳ ದಾಳಿಗೆ ತಲೆ ಎತ್ತುವ ಯಾವುದೇ ಪ್ರಯತ್ನ ಮಾಡದೇ ಕೇವಲ 56 ರನ್ಗೆ ಸೀಮಿತಗೊಂಡಿತು. ಅಫಘಾನಿಸ್ತಾನ ಪರ ಎರಡಂಕಿ ಮೊತ್ತ ದಾಟಿದ್ದು ಅಜ್ಮತುಲ್ಲಾ ಒಮರ್ಜೈ (10 ರನ್) ಮಾತ್ರ. ಇನ್ನು ಇತರ ರನ್ಗಳು (13 ರನ್) ಉಳಿದೆಲ್ಲರೂ ಒಂದಂಕಿ ಮೊತ್ತಕ್ಕೆ ಗಂಟು ಮೂಟೆ ಕಟ್ಟಿದರು.