ಬೆನೋನಿ: ರಾಜ್ ಲಿಂಬಾನಿ(3) ಮತ್ತು ನಮನ್ ತಿವಾರಿ(2) ಸಂಘಟಿತ ಬೌಲಿಂಗ್ ದಾಳಿಗೆ ಕುಸಿದ ಆಸ್ಟ್ರೇಲಿಯಾ ತಂಡ ಅಂಡರ್ 19 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ(India U19 vs Australia U19 Final) ರನ್ 253 ಗಳಿಸಿದೆ. ಭಾರತ ಗೆಲುವಿಗೆ ರನ್ 254 ಬಾರಿಸಬೇಕಿದೆ. ಇತ್ತಂಡಗಳ ನಡುವಣ ಮೂರನೇ ವಿಶ್ವಕಪ್ ಫೈನಲ್(U19 World Cup Final) ಪಂದ್ಯ ಇದಾಗಿದೆ.
ಇಲ್ಲಿನ ಬೆನೋನಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆಸ್ಟ್ರೇಲಿಯಾ ಹರ್ಜಸ್ ಸಿಂಗ್(55) ಮತ್ತು ನಾಯಕ ಹಗ್ ವೈಬ್ಜೆನ್(48) ಬ್ಯಾಟಿಂಗ್ ಹೋರಾಟದಿಂದ ನಿಗದಿತ 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 253 ರನ್ ಬಾರಿಸಿದೆ.
Innings Break!#TeamIndia need 2⃣5⃣4⃣ to win the #U19WorldCup!
— BCCI (@BCCI) February 11, 2024
3⃣ wickets for Raj Limbani
2⃣ wickets for Naman Tiwari
A wicket each for Saumy Pandey & Musheer Khan
Over to our batters 🙌
Scorecard ▶️ https://t.co/RytU4cGJLu#U19WorldCup | #INDvAUS pic.twitter.com/4SnelO2HMi
ಇನಿಂಗ್ಸ್ ಆರಂಭಿಸಿದ ಆಸ್ಟ್ರೇಲಿಯಾಕ್ಕೆ ರಾಜ್ ಲಿಂಬಾನಿ ಆರಂಭದಲ್ಲೇ ಆಘಾತವಿಕ್ಕಿದರು. ಸ್ಯಾಮ್ ಕಾನ್ಸ್ಟಾಸ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡಿದರು. 16 ರನ್ಗೆ ಮೊದಲ ವಿಕೆಟ್ ಕಳೆದುಕೊಂಡ ಆಸ್ಟ್ರೇಲಿಯಾ ಆಘಾತ ಎದುರಿಸಿತು. ಆದರೆ ಆ ಬಳಿಕ ಆಡಲಿಳಿದ ನಾಯಕ ಹಗ್ ವೈಬ್ಜೆನ್ ಆರಂಭಿಕ ಆಟಗಾರ ಹ್ಯಾರಿ ಡಿಕ್ಸನ್ ಜತೆಗೂಡಿ ತಾಳ್ಮೆಯುತ ಬ್ಯಾಟಿಂಗ್ ಮೂಲಕ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು.
ಈ ಜೋಡಿ ದ್ವಿತೀಯ ವಿಕೆಟ್ಗೆ 78 ರನ್ ಒಟ್ಟುಗೂಡಿಸಿತು. ಹಗ್ ವೈಬ್ಜೆನ್ 48 ರನ್ಗೆ ಔಟಾದರೆ, ಹ್ಯಾರಿ ಡಿಕ್ಸನ್ 42 ರನ್ ಗಳಿಸಿ ವಿಕೆಟ್ ಕೈಚೆಲ್ಲಿದರು. ಉಭಯ ಆಟಗಾರರು ಕೂಡ ಅರ್ಧಶತಕದಿಂದ ವಂಚಿತರಾದರು. ಭಾರತದ ಬೌಲಿಂಗ್ ದಾಳಿಯನ್ನು ದಿಟ್ಟವಾಗಿ ಎದುರಿಸಿ ನಿಂತದ್ದು ಹರ್ಜಸ್ ಸಿಂಗ್. ಆಕರ್ಷಕ ಬೌಂಡರಿ ಮತ್ತು ಸಿಕ್ಸರ್ ಬಾರಿಸಿ ಅರ್ಧಶತಕ ದಾಖಲಿಸಿದರು.
ಇದನ್ನೂ ಓದಿ U19 World Cup: ಅಂಡರ್ 19 ವಿಶ್ವಕಪ್ನಲ್ಲಿ ಭಾರತದ್ದೇ ಪಾರುಪತ್ಯ; ಹೀಗಿದೆ ಸಾಧನೆ
64 ಎಸೆತ ಎದುರಿಸಿದ ಹರ್ಜಸ್ ಸಿಂಗ್ ತಲಾ ಮೂರು ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿ 55 ರನ್ ಗಳಿಸಿದರು. ಈ ವಿಕೆಟ್ ಪತನದ ಬಳಿಕ 7ನೇ ಕ್ರಮಾಂಕದಲ್ಲಿ ಆಡಲಿಳಿದ ಒಲಿವರ್ ಪೀಕ್ ಬಿರುಸಿನ ಬ್ಯಾಟಿಂಗ್ ನಡೆಸಿ ತಂಡದ ಮೊತ್ತವನ್ನು ಹಿಗ್ಗಿಸಿದರು. ಅಜೇಯ 46 ರನ್ ಬಾರಿಸಿ ತಂಡದ ಮೊತ್ತವನ್ನು 250ರ ಗಡಿ ದಾಟಿಸಿದರು. ವಿಕೆಟ್ ಕೀಪರ್ ರಯಾನ್ ಹಿಕ್ಸ್ 26 ರನ್ ಗಳಿಸಿದರು. ಭಾರತ ಪರ ಉತ್ತಮ ಬೌಲಿಂಗ್ ದಾಳಿ ನಡೆಸಿದ ರಾಜ್ ಲಿಂಬಾನಿ 10 ಓವರ್ ಬೌಲಿಂಗ್ ನಡೆಸಿ 38 ರನ್ ವೆಚ್ಚದಲ್ಲಿ ಮೂರು ವಿಕೆಟ್ ಉರುಳಿಸಿದರು.
End of 25 overs!
— BCCI (@BCCI) February 11, 2024
Australia U19 reach 110/3
2 wickets so far for Naman Tiwari, 1 wicket for Raj Limbani 👌👌
Follow the match ▶️ https://t.co/RytU4cGJLu#TeamIndia | #BoysInBlue | #U19WorldCup | #INDvAUS pic.twitter.com/CeskV1rYn2
2016ರಿಂದ ಭಾರತ ಸತತ 5 ಬಾರಿ ಫೈನಲ್ ಪ್ರವೇಶಿಸಿದೆ. 2018, 2022ರಲ್ಲಿ ಭಾರತ ಚಾಂಪಿಯನ್‌ ಆದರೆ, 2016 ಹಾಗೂ 2020ರಲ್ಲಿ ರನ್ನರ್‌-ಅಪ್‌ ಸ್ಥಾನಕ್ಕೆ ತೃಪ್ತಿಪಟ್ಟಿತ್ತು. 2012, 2018ರಲ್ಲಿ ಆಸ್ಟ್ರೇಲಿಯಾವನ್ನು ಮಣಿಸಿ ಭಾರತ ಚಾಂಪಿಯನ್‌ ಆಗಿತ್ತು. ಈ ಬಾರಿ ಮತ್ತೊಮ್ಮೆ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ. ಇದಕ್ಕಾಗಿ ರನ್ ಬಾರಿಸಬೇಕಿದೆ.