ಮುಂಬೈ: ಬದ್ಧ ವೈರಿಗಳೆಂದೆ ಗುರುತಿಸಿಕೊಂಡಿದ್ದ ಗೌತಮ್ ಗಂಭೀರ್(Gautam Gambhir) ಮತ್ತು ವಿರಾಟ್ ಕೊಹ್ಲಿ(Virat Kohli) ಈ ಬಾರಿಯ ಐಪಿಎಲ್ನಲ್ಲಿ ತಬ್ಬಿಕೊಳ್ಳುವ ಮೂಲಕ ತಮ್ಮ ಎಲ್ಲ ಮುನಿಸುಗಳಿಗೂ ಎಳ್ಳು ನೀರು ಬಿಟ್ಟಿದ್ದರು. ಇದೇ ಘಟನೆಯ ಬಗ್ಗೆ ವಿರಾಟ್ ಕೊಹ್ಲಿ ಮೊದಲ ಬಾರಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಗಂಭೀರ್ ಅವರನ್ನು ಈ ಬಾರಿ ನಾನು ಅಪ್ಪಿಕೊಂಡಿದ್ದು ಹಲವರಿಗೆ ಬೇಸರ ತರಿಸಿದೆ ಎಂದು ಹೇಳಿದ್ದಾರೆ.
ಪೂಮಾ ಕಾರ್ಯಕ್ರಮದ ಸಂದರ್ಶನದಲ್ಲಿ ಮಾತನಾಡಿದ ಕೊಹ್ಲಿ, ಕಳೆದ ಆವೃತ್ತಿಯಲ್ಲಿ ನವೀನ್ ಉಲ್ ಹಕ್ ಮತ್ತು ಗೌತಮ್ ಗಂಭೀರ್ ಜತೆ ಜಗಳವಾಡಿದ್ದೆ. ಆದರೆ ವಿಶ್ವಕಪ್ನಲ್ಲಿ ನವೀನ್ ಜತೆ, ಇದೀಗ ಐಪಿಎಲ್ನಲ್ಲಿ ಗಂಭೀರ್ ಜತೆ ಸ್ನೇಹದಿಂದ ವರ್ತಿಸಿದ ಕಾರಣ ಅನೇಕರು ಬೇಸರ ಮತ್ತು ನಿರಾಸೆಗೊಂಡಿದ್ದಾರೆ ಎಂದು ನಗುತ್ತಲೇ ಹೇಳಿದರು.
Gautam Gambhir hugging & congratulating Virat Kohli. ❤️💥pic.twitter.com/j1MlP2fDqq
— Mufaddal Vohra (@mufaddal_vohra) March 29, 2024
“ನನ್ನ ವರ್ತನೆಯಿಂದ ಜನರು ತುಂಬಾ ನಿರಾಸೆಯಾಗಿದ್ದಾರೆ. ಕಳೆದ ವರ್ಷದ ಐಪಿಎಲ್ನಲ್ಲಿ ನಾನು ಮತ್ತು ಗಂಭೀರ್ ಕಿತ್ತಾಟ ನಡೆಸಿದ್ದೆವು. ಹೀಗಾಗಿ ಈ ಬಾರಿಯ ಐಪಿಎಲ್ನಲ್ಲಿಯೂ ನಮ್ಮಿಬ್ಬರಿಂದ ಅನೇಕರು ಮಸಾಲಾ ಪದಾರ್ಥಗಳನ್ನು ಬಯಸಿದ್ದರು. ಆದರೆ ನಾಬಿಬ್ಬರು ತಬ್ಬಿಕೊಂಡ ಬಳಿಕ ನಿಮಗೆಲ್ಲ ಮಸಾಲ ಮುಗಿದೆ” ಎಂದರು.
ಆರ್ಸಿಬಿ ಮತ್ತು ಕೆಕೆಆರ್ ನಡುವಿನ ಪಂದ್ಯದ 16 ನೇ ಓವರ್ ನಲ್ಲಿ ಟೈಮ್ ಔಟ್ ವೇಳೆ ಈ ಆಹ್ಲಾದಕರ ಘಟನೆ ನಡೆದಿತ್ತು. ಮೈದಾನಕ್ಕೆ ಬಂದಿದ್ದ ಕೋಚ್ ಗೌತಮ್ ಗಂಭೀರ್ ಅವರು ವಿರಾಟ್ ಕೊಹ್ಲಿಯ ಹತ್ತಿರಕ್ಕೆ ಹೋಗಿ ಅರ್ಧಶತಕಕ್ಕಾಗಿ ಅವರನ್ನು ಅಭಿನಂದಿಸಿದ್ದರು. ವಿರಾಟ್ ಕೊಹ್ಲಿ ಕೂಡ ಚಂದದ ಅಪ್ಪುಗೆಯೊಂದಿಗೆ ಆತ್ಮೀಯವಾಗಿ ಪ್ರತಿಕ್ರಿಯಿಸಿದರು. ಇಬ್ಬರೂ ದಂತಕಥೆಗಳು ನಗುವಿನೊಂದಿಗೆ ಕೆಲವು ಮಾತುಗಳನ್ನು ವಿನಿಮಯ ಮಾಡಿಕೊಂಡಿದ್ದರು. ಈ ಪಂದ್ಯವನ್ನು ಕೊಹ್ಲಿ vs ಗಂಭೀರ್ ಎಂದೇ ಅಭಿಮಾನಿಗಳು ಹೈಪ್ ಕ್ರಿಯೆಟ್ ಮಾಡಿದ್ದರು. ಆದರೆ ಉಭಯ ಆಟಗಾರರು ಸ್ನೇಹದಿಂದ ವರ್ತಿಸಿ ಅಭಿಮಾನಿಗಳ ಎಲ್ಲ ನಿರೀಕ್ಷೆಯನ್ನು ನೀರಲ್ಲಿ ಹೋಮ ಮಾಡಿದ್ದರು.
ಇದನ್ನೂ ಓದಿ IPL 2024: ಸೋಲಿನ ಆಘಾತದ ಮಧ್ಯೆ ಸಂಜುಗೆ ಬಿತ್ತು 12 ಲಕ್ಷ ರೂ. ದಂಡ
King Virat Kohli Talking About That Hug With Gautam Gambhir & Naveen 😂❤️#RCBvMI #RCBvsMI #RRvGT #ShubmanGill #Virat #IPL2024 #Eidmubarak2024 #BabarAzam𓃵 #PakistanArmy #PakistanCricket #MIvsRCB
— Cricket Punchnama (@GGurtej) April 11, 2024
pic.twitter.com/oH6VXAqW7D
ಕಳೆದ ವರ್ಷ ನಡೆದಿದ್ದ ಏಕದಿನ ವಿಶ್ವಕಪ್ ಟೂರ್ನಿಯ ವೇಳೆ ನ್ಯೂಜಿಲ್ಯಾಂಡ್‌ ವಿರುದ್ಧದ ಪಂದ್ಯದಲ್ಲಿ ಅತ್ಯುತ್ತಮ ಬ್ಯಾಟಿಂಗ್‌ ನಡೆಸಿದ್ದ ಕೊಹ್ಲಿ ಪ್ರದಶನಕ್ಕೆ ಗಂಭೀರ್ ಅವರು ಮೆಚ್ಚುಗೆ ಸೂಚಿಸಿದ್ದರು. ಕೊಹ್ಲಿಯನ್ನು ಆಧುನಿಕ ಕ್ರಿಕೆಟ್ನ ಅತ್ಯುತ್ತಮ ಫಿನಿಶರ್ ಎಂದಿದ್ದರು.
“ಆಧುನಿಕ ಕ್ರಿಕೆಟ್ನಲ್ಲಿ ವಿರಾಟ್ ಕೊಹ್ಲಿ ವಿಶ್ವದ ಅತ್ಯುತ್ತಮ ಫಿನಿಶರ್ ಆಗಿದ್ದಾರೆ. ಅವರನ್ನು ಬಿಟ್ಟು ಈ ರೀತಿಯ ಫಿನಿಶರ್ ಕ್ರಿಕೆಟ್ನಲ್ಲಿ ಸದ್ಯ ಮತ್ತೊಬ್ಬರಿಲ್ಲ. ವಿರಾಟ್ ಯಾವುವೇ ಕ್ರಮಂಕದಲ್ಲಿ ಬ್ಯಾಟ್ ಬೀಸಿದರೂ ಅವರಿಗೆ ಪಂದ್ಯವನ್ನು ಫಿನಿಶಿಂಗ್ ಮಾಡುವ ಸಾಮರ್ಥ್ಯವಿದೆ. ಎಲ್ಲ ವಿಕೆಟ್ ಆಧಾರದಲ್ಲೂ ಕೊಹ್ಲಿ ಚೇಸಿಂಗ್ ಮಾಸ್ಟರ್ ಆಗಿದ್ದಾರೆ” ಎಂದು ಗೌತಮ್ ಗಂಭೀರ್ ಪ್ರಶಂಸೆ ವ್ಯಕ್ತಪಡಿಸಿದ್ದರು. ಇದು ಕೊಹ್ಲಿ ಅಭಿಮಾನಿಗಳಿಗೂ ಅಚ್ಚರಿಯಾಗಿತ್ತು.