ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ (ಐಪಿಎಲ್) ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುತ್ತಿರುವ ಕ್ರಿಕೆಟಿಗ ದೀಪಕ್ ಚಹಾರ್ ಗುರುವಾರ ಆಗ್ರಾದ ಹೋಟೆಲ್‌ನಲ್ಲಿ ಅ‌ದ್ಧೂರಿಯಾಗಿ ವಿವಾಹವಾಗಿದ್ದಾರೆ. ದೀರ್ಘಕಾಲದ ಗೆಳತಿ ಜಯಾ ಭಾರಧ್ವಾಜ್ ಅವರನ್ನು ಬಾಳಸಂಗಾತಿಯಾಗಿ ಸ್ವೀಕರಿಸಿದ್ದಾರೆ.
ಆಗ್ರಾದ ಜೇಪೀ ಪ್ಯಾಲೇಸ್ ಹೋಟೆಲ್‌ನಲ್ಲಿ ವಿವಾಹ ನೆರವೇರಿತು. ದೀಪಕ್ ಅವರ ವಿವಾಹದ ಮೊದಲು ಹಳದಿ ಮತ್ತು ಸಂಗೀತ ಸಮಾರಂಭದ ನೋಟವನ್ನು ಹಂಚಿಕೊಂಡ ಕ್ರಿಕೆಟಿಗ ಸಹೋದರ ರಾಹುಲ್ ಚಹಾರ್, ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ನವವಿವಾಹಿತ ದಂಪತಿಯ ಮೊದಲ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ.
ಐಪಿಎಲ್ 2021ರಲ್ಲಿ ತನ್ನ ತಂಡದ ಆಟದ ನಂತರ, ದೀಪಕ್ ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನ ಸ್ಟ್ಯಾಂಡ್‌ನಲ್ಲಿ ಜಯಾಗೆ ಉಂಗುರವನ್ನು ತೊಡಿಸುವಂತೆ ಪ್ರಸ್ತಾಪಿಸಿದ್ದರು. ಈ ಪ್ರಸ್ತಾಪವು ಜಯಾಗೆ ಆಶ್ಚರ್ಯವನ್ನುಂಟು ಮಾಡಿತ್ತು. ಅವರು ತಕ್ಷಣ ಮದುವೆಗೆ ಯೆಸ್ ಎಂದು ಹೇಳಿದ್ದರು. ಪ್ರಸ್ತಾಪದ ಫೋಟೋ ಅಂತರ್ಜಾಲದಲ್ಲಿ ಜನಪ್ರಿಯವಾಗಿತ್ತು.
ಮದುವೆ ಮುಗಿದ ನಂತರ, ದೆಹಲಿಯ ಕಮಲ್ ಮಹಲ್‌ನ ಐಟಿಸಿ ಮೌರ್ಯ ಹೋಟೆಲ್‌ನಲ್ಲಿ ಆರತಕ್ಷತೆ ಸಮಾರಂಭವನ್ನು ಆಯೋಜಿಸಲಾಗಿದೆ. ವಿವಿಧ ವರದಿಗಳ ಪ್ರಕಾರ, ಒಟ್ಟು 60 ಕ್ರಿಕೆಟಿಗರನ್ನು ಆಹ್ವಾನಿಸಲಾಗಿದೆ.