ಪುಣೆ : ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ (INDvsSL) ಭಾರತ ತಂಡದ ಗೆಲುವಿಗೆ ಪ್ರವಾಸಿ ಶ್ರೀಲಂಕಾ 207 ರನ್ಗಳ ಬೃಹತ್ ಮೊತ್ತದ ಗುರಿಯನ್ನೊಡ್ಡಿದೆ. ಆರಂಭದಿಂದ ಕೊನೇ ತನಕವೂ ಪ್ರವಾಸಿ ಬಳಗದ ಬ್ಯಾಟರ್ಗಳು ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಅಕ್ಷರ್ ಪಟೇಲ್ (24 ರನ್ಗಳಿಗೆ 2 ವಿಕೆಟ್) ಹಾಗೂ ಉಮ್ರಾನ್ ಮಲಿಕ್ (48 ರನ್ಗಳಿಗೆ 3 ವಿಕೆಟ್) ಬೌಲಿಂಗ್ನಲ್ಲಿ ಉತ್ತಮ ಪ್ರದರ್ಶನ ತೋರಿದರು.
ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ಭಾರತ ತಂಡ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಮೊದಲು ಬ್ಯಾಟ್ ಮಾಡಿದ ದಸುನ್ ಶನಕ ನೇತೃತ್ವದ ಶ್ರೀಲಂಕಾ ಬಳಗ ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 206 ರನ್ ಪೇರಿಸಿತು. ಇನಿಂಗ್ಸ್ನಲ್ಲಿ ಭಾರತದ ಬೌಲರ್ಗಳು ಅಸಾಹಯಕರಂತೆ ಕಂಡು ಬಂದರು.
ಬ್ಯಾಟಿಂಗ್ ಆರಂಭಿಸಿದ ಲಂಕಾ ಪರ ಆರಂಭಿಕ ಬ್ಯಾಟರ್ಗಳಾದ ಪಾಥಮ್ ನಿಸ್ಸಂಕ (33) ಹಾಗೂ ಕುಸಲ್ ಮೆಂಡಿಸ್ (52) ಉತ್ತಮ ಆರಂಭ ಒದಗಿಸಿದರು. ಈ ಜೋಡಿ ಮೊದಲ ವಿಕೆಟ್ಗೆ 80 ರನ್ಗಳ ಜತೆಯಾಟ ನೀಡಿತು. ಭಾರತ ತಂಡ ಎದುರಾಳಿ ಬ್ಯಾಟರ್ಗಳಿಗೆ ಕಡಿವಾಣ ಹಾಕಿದರು. ಭಾನುನಾ ರಾಜಪಕ್ಷ (3), ಧನಂಜಯ ಡಿ ಸಿಲ್ವಾ (3) ವಿಕೆಟ್ ಬೇಗನೆ ಉರುಳಿಸಿದರು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ಚರಿತ್ ಅಸಲಂಕಾ (37) ಸ್ವಲ್ಪ ಹೊತ್ತು ಸಿಡಿದರು. ಕೊನೆಯಲ್ಲಿ ನೋ ಬಾಲ್ ಜೀವದಾನ ಸಮೇತ ನಾಯಕ ದಸುನ್ ಶನಕ ಸ್ಫೋಟಕ ಬ್ಯಾಟಿಂಗ್ ನಡೆಸಿ 22 ಎಸೆತಗಳಿಗೆ 56 ರನ್ ಬಾರಿಸಿದರು.
ಇದನ್ನೂ ಓದಿ | IND VS SL | ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ಗೆ ಪದಾರ್ಪಣೆ ಮಾಡುವ ನಿರೀಕ್ಷೆಯಲ್ಲಿ ರಾಹುಲ್ ತ್ರಿಪಾಠಿ!