ಚೆನ್ನೈ: ಆಸ್ಟ್ರೇಲಿಯಾದ ಸ್ಟಾರ್ ಬ್ಯಾಟರ್ ಡೇವಿಡ್ ವಾರ್ನರ್ ಏಕದಿನ ವಿಶ್ವಕಪ್ನಲ್ಲಿ 1,000 ರನ್ ಗಳಿಸಿದ ತಮ್ಮ ದೇಶದ 4 ನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಆದರೆ ಅವರು ಈ ಸಾಧನೆಯನ್ನು ಅತ್ಯಂತ ವೇಗವಾಗಿ ಮಾಡಿದ್ದಾರೆ. ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಪಂದ್ಯದಲ್ಲಿ 1000 ರನ್ ಗಳಿಸಲು ಅವರಿಗೆ ಬೇಕಾಗಿದದ್ದು 8 ರನ್ ಗಳು. ಅವರು ಅದನ್ನು ಸುಲಭವಾಗಿ ಪೂರೈಸಿದರು. ಈ ಸಾಲಿನಲ್ಲಿ ರಿಕಿ ಪಾಂಟಿಂಗ್ ಆಸ್ಟ್ರೇಲಿಯಾದ ಮೊದಲ ಆಟಗಾರನಾಗಿದ್ದರೆ, ಆಡಮ್ ಗಿಲ್ಕ್ರಿಸ್ಟ್ ಮತ್ತು ಮಾರ್ಕ್ ವಾ ನಂತರದ ಇಬ್ಬರು. ದಿಗ್ಗಜ ಸಚಿನ್ ತೆಂಡೂಲ್ಕರ್ ವಿಶ್ವ ಕಪ್ನಲ್ಲಿ 2278 ರನ್ ಗಳಿಸಿ ಅಗ್ರಸ್ಥಾನದಲ್ಲಿದ್ದಾರೆ.
ಡೇವಿಡ್ ವಾರ್ನರ್ ಕೇವಲ ಮೂರು ವಿಶ್ವಕಪ್ ಟೂರ್ನಿಯಲ್ಲಿ ಆಡಿದ್ದಾರೆ. ಆದರೆ 19 ಇನಿಂಗ್ಸ್ಗಳಲ್ಲಿ ಅವರು 1000 ಏಕದಿನ ವಿಶ್ವ ಕಪ್ ರನ್ ಗಳಿಸಿದ್ದಾರೆ. 60ಕ್ಕಿಂತ ಹೆಚ್ಚು ಸರಾಸರಿಯನ್ನು ಹೊಂದಿದ್ದಾರೆ. ಅವರು ಆ 19 ಇನ್ನಿಂಗ್ಸ್ ಗಳಲ್ಲಿ ನಾಲ್ಕು ಶತಕಗಳು ಮತ್ತು ಮೂರು ಅರ್ಧಶತಕಗಳು ಸೇರಿಕೊಂಡಿವೆ.
ಇದನ್ನೂ ಓದಿ : Virat Kohli : ಮೈದಾನದಲ್ಲಿ ವಿರಾಟ್ ಮೆರೆದಾಟ; ಹೊಸ ದಾಖಲೆ ಬರೆದ ಕಿಂಗ್ ಕೊಹ್ಲಿ
ಸಚಿನ್ ತೆಂಡೂಲ್ಕರ್ ಮತ್ತು ಎಬಿ ಡಿವಿಲಿಯರ್ಸ್ ಇಬ್ಬರೂ ಏಕದಿನ ವಿಶ್ವ ಕಪ್ನ 20 ಇನಿಂಗ್ಸ್ಗಳಲ್ಲಿ 1000 ರನ್ ಗಳಿಸಿದ್ದಾರೆ. ಆದಾಗ್ಯೂ, ಭಾರತದ ನಾಯಕ ರೋಹಿತ್ ಶರ್ಮಾ ಡೇವಿಡ್ ವಾರ್ನ್ಗೆ ಸರಿಸಮನಾಗಬಹುದು. ರೋಹಿತ್ 18 ಏಕದಿನ ವಿಶ್ವಕಪ್ ಇನ್ನಿಂಗ್ಸ್ಗಳಲ್ಲಿ 978 ರನ್ ಗಳಿಸಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ಇನ್ನೂ 22 ರನ್ ಗಳಿಸಿದರೆ ಡೇವಿಡ್ ವಾರ್ನರ್ ದಾಖಲೆ ಬರೆಯಲಿದ್ದಾರೆ.
ಏಕದಿನ ವಿಶ್ವಕಪ್ ನಲ್ಲಿ ಅತಿ ವೇಗದ 1000 ರನ್
19 – ಡೇವಿಡ್ ವಾರ್ನರ್*
20 – ಸಚಿನ್ ತೆಂಡೂಲ್ಕರ್/ ಎಬಿ ಡಿವಿಲಿಯರ್ಸ್
21- ವಿವಿಯನ್ ರಿಚರ್ಡ್ಸ್/ ಸೌರವ್ ಗಂಗೂಲಿ
22 – ಮಾರ್ಕ್ ವಾ
22 – ಹರ್ಷಲ್ ಗಿಬ್ಸ್
ವಿಶ್ವ ಕಪ್ನಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ 10 ಆಟಗಾರರು
- ಸಚಿನ್ ತೆಂಡೂಲ್ಕರ್ ಭಾರತ 44 (ಪಂದ್ಯ) 2278 (ರನ್), 152 (ಗರಿಷ್ಠ), 56.95 (ಸರಾಸರಿ) 6/15 (ಶತಕ/ಅರ್ಧಶತಕಗಳು)
- ರಿಕಿ ಪಾಂಟಿಂಗ್ ಆಸ್ಟ್ರೇಲಿಯಾ 42 (ಪಂದ್ಯ), 1743(ರನ್), 140* (ಗರಿಷ್ಠ), 45.86 (ಸರಾಸರಿ) 5/6 (ಶತಕ/ಅರ್ಧಶತಕಗಳು)
- ಕುಮಾರ ಸಂಗಕ್ಕಾರ ಶ್ರೀಲಂಕಾ 35 (ಪಂದ್ಯ), 1532(ರನ್), 124 (ಗರಿಷ್ಠ), 56.74 (ಸರಾಸರಿ) 5/7 (ಶತಕ/ಅರ್ಧಶತಕಗಳು)
- ಬ್ರಿಯಾನ್ ಲಾರಾ ವೆಸ್ಟ್ ಇಂಡೀಸ್ 33 (ಪಂದ್ಯ), 1225 (ರನ್), 116(ಗರಿಷ್ಠ), 42.24(ಸರಾಸರಿ) 2/7 (ಶತಕ/ಅರ್ಧಶತಕಗಳು)
- ಎಬಿ ಡಿವಿಲಿಯರ್ಸ್ ದಕ್ಷಿಣ ಆಫ್ರಿಕಾ 22 (ಪಂದ್ಯ), 1207 (ರನ್), 162*(ಗರಿಷ್ಠ), 63.52(ಸರಾಸರಿ) 4/6 (ಶತಕ/ಅರ್ಧಶತಕಗಳು)
- ಕ್ರಿಸ್ ಗೇಲ್ ವೆಸ್ಟ್ ಇಂಡೀಸ್ 34 (ಪಂದ್ಯ), 1186 (ರನ್), 215(ಗರಿಷ್ಠ), 35.93(ಸರಾಸರಿ) 2/6 (ಶತಕ/ಅರ್ಧಶತಕಗಳು)
- ಸನತ್ ಜಯಸೂರ್ಯ ಶ್ರೀಲಂಕಾ 37 (ಪಂದ್ಯ),1165 (ರನ್), , 120 (ಗರಿಷ್ಠ), 34.26(ಸರಾಸರಿ) 3/6 (ಶತಕ/ಅರ್ಧಶತಕಗಳು)
- ಶಕೀಬ್ ಅಲ್ ಹಸನ್ ಬಾಂಗ್ಲಾದೇಶ 30 (ಪಂದ್ಯ), 1160 (ರನ್), 124* (ಗರಿಷ್ಠ), 44.61(ಸರಾಸರಿ) 2/10 (ಶತಕ/ಅರ್ಧಶತಕಗಳು)
- ಜಾಕ್ ಕಾಲಿಸ್ ದಕ್ಷಿಣ ಆಫ್ರಿಕಾ 32(ಪಂದ್ಯ), 1148 (ರನ್), 128* (ಗರಿಷ್ಠ), 45.92(ಸರಾಸರಿ) 1/9 (ಶತಕ/ಅರ್ಧಶತಕಗಳು)
- ತಿಲಕರತ್ನೆ ದಿಲ್ಶಾನ್ ಶ್ರೀಲಂಕಾ 25(ಪಂದ್ಯ), 1112(ರನ್), 161* (ಗರಿಷ್ಠ), 52.95(ಸರಾಸರಿ) 4/4 (ಶತಕ/ಅರ್ಧಶತಕಗಳು)