ಕೇಪ್ ಟೌನ್: ಭಾರತ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯವನ್ನಾಡುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ(Dean Elgar Retirement) ದಕ್ಷಿಣ ಆಫ್ರಿಕಾದ ಅನುಭವಿ ಆಟಗಾರ ಡೀನ್ ಎಲ್ಗರ್ಗೆ ಭಾರತ ತಂಡದ ಕಡೆಯಿಂದ ಸ್ಮರಣೀಯ ಬೀಳ್ಕೊಡುಗೆ(dean elgar farewell) ಮಾಡಲಾಯಿತು. ಎಲ್ಲ ಆಟಗಾರರ ಹಸ್ತಾಕ್ಷರವುಳ್ಳ ಟೀಮ್ ಇಂಡಿಯಾದ ಜೆರ್ಸಿಯನ್ನು(team india jersey) ಪಂದ್ಯದ ಬಳಿಕ ಎಲ್ಗರ್ಗೆ ನೀಡಿ ಗೌರವಿಸಲಾಯಿತು.
ಡೀನ್ ಎಲ್ಗರ್ಗೆ ಭಾರತ ತಂಡದ ಜೆರ್ಸಿಯನ್ನು ನೀಡಿದ ಫೋಟೊವನ್ನು ಐಸಿಸಿ ತನ್ನ ಅಧಿಕೃತ ಟ್ವಿಟರ್ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ‘ವಿಶೇಷ ಬೀಳ್ಕೊಡುಗೆ’ ಎಂದು ಬರೆದುಕೊಂಡಿದೆ. ನಾಯಕ ರೋಹಿತ್ ಶರ್ಮ ಅವರು ಈ ಜೆರ್ಸಿಯನ್ನು ನೀಡಿದರು.
A special farewell for Dean Elgar ✨
— ICC (@ICC) January 4, 2024
A lookback at his spectacular Test career ➡️ https://t.co/GDxSctSIWd#WTC25 | #SAvIND pic.twitter.com/MowmJFdhu9
ವಿದಾಯ ಪಂದ್ಯದ ನಾಯಕತ್ವ ವಹಿಸಿದ್ದ ಡೀನ್ ಎಲ್ಗರ್ಗೆ ಗೆಲುವಿನ ವಿದಾಯ ಮಾತ್ರ ಸಿಗಲಿಲ್ಲ. ಮೊದಲ ಪಂದ್ಯದಲ್ಲಿ 185 ರನ್ ಗಳಿಸಿ ಭಾರತದ ಸೋಲಿಗೆ ಕಾರಣರಾಗಿದ್ದರು. ಇದೊಂದೆ ಅವರಿಗೆ ಸ್ಮರಣೀಯ ನೆನಪಾಗಿ ಉಳಿಯಲಿದೆ. 36ರ ಹರೆಯದ ಎಲ್ಗರ್ ದಕ್ಷಿಣ ಆಫ್ರಿಕಾ ಪರ 84 ಟೆಸ್ಟ್ ಪಂದ್ಯಗಳನ್ನು ಆಡಿ 5146 ರನ್ ಗಳಿಸಿದ್ದಾರೆ. 13 ಶತಕ ಮತ್ತು 23 ಅರ್ಧಶತಕ ಒಳಗೊಂಡಿದೆ. 654 ಬೌಂಡರಿ ಹಾಗೂ 26 ಸಿಕ್ಸರ್ ಸಿಡಿಸಿದ್ದಾರೆ. ಏಕದಿನ ಕ್ರಿಕೆಟ್ನಲ್ಲಿ ಕೇವಲ 8 ಪಂದ್ಯಗಳಿಂದ 104 ರನ್ ಕಲೆ ಹಾಕಿದ್ದಾರೆ. ಬೌಲಿಂಗ್ನಲ್ಲಿ ಸಾಧನೆ ತೋರಿರುವ ಅವರು 15 ಟೆಸ್ಟ್ ಮತ್ತು 2 ಏಕದಿನ ವಿಕೆಟ್ ಪಡೆದಿದ್ದಾರೆ.
12 ವರ್ಷದ ಕ್ರಿಕೆಟ್ ವೃತ್ತಿ ಬದುಕಿಗ ತೆರೆ
ಎಲ್ಗರ್ ಅವರು 2012ರ ಪರ್ತ್ ಟೆಸ್ಟ್‌ನಲ್ಲಿ ಆಡುವ ಮೂಲಕ ದಕ್ಷಿಣ ಆಫ್ರಿಕಾ ಟೆಸ್ಟ್ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು. ಮಧ್ಯಮ ಕ್ರಮಾಂಕದಲ್ಲಿ ಆಡುವ ಮೂಲಕ ಅವರು ತಮ್ಮ ಇನಿಂಗ್ಸ್ ಆರಂಭಿಸಿದ್ದರು. ಆ ಬಳಿಕ ಅವರು ಆರಂಭಿಕ ಆಟಗಾರನಾಗಿ ಭಡ್ತಿ ಪಡೆದರು. ನಾಯಕನಾಗಿ 18 ಬಾರಿ ತಂಡವನ್ನು ಮುನ್ನಡೆಸಿ ಸಾಧನೆಯೂ ಅವರದ್ದಾಗಿದೆ. ಭಾರತ ವಿರುದ್ಧ ಅಂತಿಮ ಟೆಸ್ಟ್ ಆಟುವ ಮೂಲಕ ಅವರ 12 ವರ್ಷಗಳ ಕ್ರಿಕೆಟ್ ವೃತ್ತಿಜೀವನಕ್ಕೆ ತೆರೆ ಬೀದ್ದಿದೆ.
ಇದನ್ನೂ ಓದಿ Rohit Sharma: ಕೂಲ್ ಕ್ಯಾಪ್ಟನ್ ಧೋನಿಯ ದಾಖಲೆ ಸರಿಗಟ್ಟಿದ ಹಿಟ್ ಮ್ಯಾನ್ ರೋಹಿತ್
ಜರ್ಸಿ ನೀಡಿ ಗೌರವಿಸಿದ ಕೊಹ್ಲಿ
ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಅವರು ವಿದಾಯ ಹೇಳಿದ ಎಲ್ಗರ್ಗೆ ತಮ್ಮ ಜೆರ್ಸಿಯನ್ನು ನೀಡಿ ಗೌರವಿಸಿದ್ದಾರೆ. ವೃತ್ತಿಜೀವನದ ಕೊನೆಯ ಟೆಸ್ಟ್ ಆಡುತ್ತಿದ್ದ ಡೀನ್ ಎಲ್ಗರ್ ಅವರು ಔಟ್ ಆದ ತಕ್ಷಣ ಸಂಭ್ರಮಿಸದಂತೆ ವಿರಾಟ್ ಕೊಹ್ಲಿ ನೆರೆದಿದ್ದ ಅಭಿಮಾನಿಗಳಿಗೆ ಹಾಗೂ ಪ್ರೇಕ್ಷಕರಿಗೆ ಕೇಳಿಕೊಂಡಿದ್ದರು. ಸಂಭ್ರಮದ ಬದಲು ಅವರಿಗೆ ಗೌರವ ಸೂಚಿಸುವಂತೆ ಮೈದಾನದಿಂದಲೇ ಮನವಿ ಮಾಡಿದ್ದರು. ಇನ್ನು ಭಾರತೀಯ ಆಟಗಾರರು ಕೂಡ ಎಲ್ಗರ್ಗೆ ಪಂದ್ಯದ ವೇಳ ಗೌರವ ಸೂಚಿಸಿದ್ದರು.
Dean Elgar 🤝🏻 Virat Kohli
— Ankit Ahlawat (@ankittahlawat) January 4, 2024
RESPECT!! 🇮🇳🇿🇦#DeanElgar #INDvSA pic.twitter.com/FUq6h0WTte