Deepti Sharma : ಪಾಂಡ್ಯ, ಯುವರಾಜ್​ ಸಿಂಗ್ ದಾಖಲೆ ಮುರಿದ ದೀಪ್ತಿ ಶರ್ಮಾ

ಬೆಂಗಳೂರು: ಇಲ್ಲಿನ ಡಾ.ಡಿ.ವೈ.ಪಾಟೀಲ್ ಕ್ರೀಡಾಂಗಣದಲ್ಲಿ ಭಾನುವಾರ ಸಂಜೆ ನಡೆದ ಭಾರತ ಮಹಿಳಾ ಮತ್ತು ಆಸ್ಟ್ರೇಲಿಯಾ ಮಹಿಳಾ ತಂಡಗಳ ನಡುವಿನ ಎರಡನೇ ಟಿ 20 ಪಂದ್ಯವು ಅನೇಕ ದಾಖಲೆಗಳಿಗೆ ಕಾರಣವಾಯಿತು. 1-0 ಮುನ್ನಡೆಯೊಂದಿಗೆ ಭಾರತವು ಹೆಚ್ಚಿನ ಆತ್ಮವಿಶ್ವಾಸದೊಂದಿಗೆ ಕಣಕ್ಕೆ ಇಳಿಯಿತು. ಆದರೆ ಅಂತಿಮವಾಗಿ ಮೊದಲ ಟಿ 20 ಪಂದ್ಯದ ಪ್ರದರ್ಶನವನ್ನು ಪುನರಾವರ್ತಿಸಲು ವಿಫಲವಾಯಿತು. ಮುಖಾಮುಖಿಯನ್ನು ಆಸ್ಟ್ರೇಲಿಯಾ ಆರು ವಿಕೆಟ್​​ಗಳಿಂದ ಗೆದ್ದಿತು. ಭಾರತದ ಪರ ಆಲ್ರೌಂಡರ್ ದೀಪ್ತಿ ಶರ್ಮಾ (Deepti Sharma) ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 1,000 ರನ್ ಮತ್ತು 100 ಪ್ಲಸ್​ ವಿಕೆಟ್ ಪಡೆದ ಭಾರತ ಮೊದಲ ಕ್ರಿಕೆಟರ್​​ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಪಂದ್ಯಕ್ಕೂ ಮುನ್ನ ದೀಪ್ತಿ ಶರ್ಮಾ 971 ರನ್ ಹಾಗೂ 110 ವಿಕೆಟ್ ಕಬಳಿಸಿದ್ದರು. 26ರ ಹರೆಯದ ಸ್ಪಿನ್ನರ್​ 27 ಎಸೆತಗಳಲ್ಲಿ 30 ರನ್ ಗಳಿಸುವ ಜತೆಗೆ ಆಸ್ಟ್ರೇಲಿಯಾದ 2 ವಿಕೆಟ್ ಕಬಳಿಸಿದ್ದರು. ಈ ವೇಳೆ ಅವರು ಸಾವಿರ ರನ್​ಗಳ ಗಡಿ ದಾಟಿ ಪಾಂಡ್ಯ, ಯುವರಾಜ್​ ಸಿಂಗ್​ ದಾಖಲೆ ಮುರಿದರು.

2023ರ ಐಸಿಸಿ ಮಹಿಳಾ ಟಿ20 ವಿಶ್ವಕಪ್​​ನಲ್ಲಿಯೇ 100 ಟಿ20 ವಿಕೆಟ್ ಪಡೆದ ಭಾರತದ ಮೊದಲ ಬೌಲರ್ ಎಂಬ ಹೆಗ್ಗಳಿಕೆಗೆ ಶರ್ಮಾ ಪಾತ್ರರಾಗಿದ್ದರು . 112 ವಿಕೆಟ್​​ಗಳನ್ನು ಪಡೆದಿರುವ ದೀಪ್ತಿ ಶರ್ಮಾ ಪುರುಷರ ಮತ್ತು ಮಹಿಳಾ ಕ್ರಿಕೆಟ್​ ಸೇರಿ ಭಾರತದ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ.

ಆಗ್ರಾ ಮೂಲದ ಈ ಬೌಲರ್​ ಇತ್ತೀಚೆಗೆ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಮತ್ತು ಏಕದಿನ ಪಂದ್ಯಗಳಲ್ಲಿ ಭಾರತಕ್ಕಾಗಿ ಆಡಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಏಕೈಕ ಟೆಸ್ಟ್​​ನಲ್ಲಿ ರೋಹಿತ್ ಶರ್ಮಾ 67 ಮತ್ತು 20 ರನ್ ಗಳಿಸಿದ್ದಾರೆ. 39 ರನ್​​ಗಳನ್ನು ನೀಡಿ 9 ವಿಕೆಟ್​ ಉರುಳಿಸಿದ್ದಾರೆ. ಟಿ20 ಸರಣಿಯ ನಿರ್ಣಾಯಕ ಪಂದ್ಯವು ಜನವರಿ 9ರಂದು ನವೀ ಮುಂಬೈನ ಡಿವೈ ಪಾಟೀಲ್​ ಸ್ಟೇಡಿಯಮ್​ನಲ್ಲಿ ನಡೆಯಲಿದೆ. ಭಾನುವಾರದ ಪಂದ್ಯಕ್ಕೆ 42,618 ಪ್ರೇಕ್ಷಕರು ಸಾಕ್ಷಿಯಾಗಿರುವುದು ಕೂಡ ಹೆಗ್ಗಳಿಕೆಯ ಸಂಗತಿಯಾಗಿ.

ವಿಂಡೀಸ್​ ದೈತ್ಯ ವಿವ್​ ರಿಚರ್ಡ್ಸ್​​ ಸಾಧನೆ ಸರಿಗಟ್ಟಿದ ರಾಜಸ್ಥಾನ್​ ರಾಯಲ್ಸ್ ಬ್ಯಾಟರ್​

ಬೆಂಗಳೂರು: ರಾಜಸ್ಥಾನ್ ರಾಯಲ್ಸ್ ತಂಡ ಮಧ್ಯಮ ಕ್ರಮಾಂಕದ ಬ್ಯಾಟರ್​​ ರಿಯಾನ್ ಪರಾಗ್ (Riyan Parag) ದೇಶೀಯ ಕ್ರಿಕೆಟ್​ನಲ್ಲಿ ಅದ್ಭುತ ಹೆಸರು. ಸ್ಫೋಟಕ ಬ್ಯಾಟಿಂಗ್​​ಗೆ ಪ್ರಖ್ಯಾತಿ ಪಡೆದವರು. ಅತ್ಯಂತ ಚಿಕ್ಕ ವಯಸ್ಸಿನಲ್ಲಿ, ಅವರು ಅಸ್ಸಾಂ ಕ್ರಿಕೆಟ್ ತಂಡದ ನಾಯಕರಾಗಿದ್ದಾರೆ. ದುರದೃಷ್ಟವಶಾತ್, ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ನಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಪೂರಕ ಪ್ರದರ್ಶನ ನೀಡದ ಕಾರಣ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಟ್ರೋಲ್​ಗೆ ಒಳಗಾಗುತ್ತಾರೆ. ಆದರೆ ಪ್ರಸ್ತುತ ನಡೆಯುತ್ತಿರುವ ದೇಶೀಯ 2023-24ರ (Ranji Trophy 2023-24) ಋತುವು ಯುವ ಆಟಗಾರನಿಗೆ ಸ್ಮರಣೀಯವ ಎನಿಸಲಿದೆ. ಸಯ್ಯದ್ ಮುಷ್ತಾಕ್ ಅಲಿ ಟ್ರೋಫಿ (ಟಿ 20 ಪಂದ್ಯಾವಳಿ) ಯಲ್ಲಿ ತಂಡದ ಪರ ಮಿಂಚಿದ ನಂತರ ಪರಾಗ್ ರಣಜಿ ಟ್ರೋಫಿಯಲ್ಲೂ ಭರ್ಜರಿ ಆರಂಭ ಮಾಡಿದ್ದಾರೆ.

ಇದನ್ನೂ ಓದಿ : Heinrich Klaasen : ದಕ್ಷಿಣ ಆಫ್ರಿಕಾದ ಸ್ಫೋಟಕ ಬ್ಯಾಟರ್​ ಟೆಸ್ಟ್​​ಗೆ ವಿದಾಯ

ರಾಯ್ಪುರದಲ್ಲಿ ನಡೆಯುತ್ತಿರುವ ರಣಜಿ ಮುಖಾಮುಖಿಯಲ್ಲಿ ಛತ್ತೀಸ್​ಗಢ ತಂಡದ ವಿರುದ್ಧ 3ನೇ ದಿನ (ಜನವರಿ 8) ಅವರು 56 ಎಸೆತಗಳಲ್ಲಿ ಶತಕ ಬಾರಿಸಿದ್ದಾರೆ. ಅಸ್ಸಾಂ ತನ್ನ ಇನ್ನಿಂಗ್ಸ್​ನಲ್ಲಿ 254 ರನ್​ಗಳಿಗೆ ಆಲ್​ಔಟ್​ ಆಯಿತು. ಆದರೆ ನಾಯಕ ರಿಯಾನ್ ಏಕಾಂಗಿಯಾಗಿ 87 ಎಸೆತಗಳಲ್ಲಿ 178.16 ಸ್ಟ್ರೈಕ್ ರೇಟ್​ನಲ್ಲಿ 155 ರನ್ ಗಳಿಸಿದ್ದಾರೆ. ಅವರ ಇನಿಂಗ್ಸ್​ನಲ್ಲಿ 11 ಫೋರ್ ಹಾಗೂ 12 ಸಿಕ್ಸರ್​ಗಳಿವೆ.

ಪರಾಗ್ ಅವರ 56 ಎಸೆತಗಳ ಶತಕವು ಪ್ರಥಮ ದರ್ಜೆ ಕ್ರಿಕೆಟ್​​ನಲ್ಲಿ ಭಾರತೀಯ ಆಟಗಾರರೊಬ್ಬರ ನಾಲ್ಕನೇ ವೇಗದ ಶತಕವಾಗಿದೆ. ಈ ಮೂಲಕ ಅವರು ವೆಸ್ಟ್ ಇಂಡೀಸ್​​ನ ಮಾಜಿ ಕ್ರಿಕೆಟಿಗ ವಿವಿಯನ್ ರಿಚರ್ಡ್ಸ್ ಅವರ ಸಾಧನೆಯನ್ನೂ ಸರಿಗಟ್ಟಿದ್ದಾರೆ. ರಿಚರ್ಡ್ಸ್​​ 1985-86ರ ಋತುವಿನಲ್ಲಿ ಇಂಗ್ಲೆಂಡ್ ವಿರುದ್ಧ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ 56 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ಅಸ್ಸಾಂನವರೇ ಆದ ಆರ್.ಕೆ.ಬೋರಾ 1987-88ರ ಋತುವಿನಲ್ಲಿ ತ್ರಿಪುರಾ ವಿರುದ್ಧ 56 ಎಸೆತಗಳಲ್ಲಿ ಶತಕ ಗಳಿಸಿದ್ದರು.