Ellyse Perry: ಆರ್ಸಿಬಿ ಬ್ಯಾಟರ್ ಎಲ್ಲಿಸ್‌ ಪೆರ್ರಿ ಸಿಕ್ಸರ್ ಏಟಿಗೆ ಕಾರಿನ ಕಿಟಕಿ ಗಾಜು ಪುಡಿಪುಡಿ

Abhilash B C

9 ತಿಂಗಳುಗಳು ago

ಬೆಂಗಳೂರು: ಯುಪಿ ವಾರಿಯರ್ಸ್ ವಿರುದ್ಧ ಸಾಗುತ್ತಿರುವ ಡಬ್ಬ್ಯುಪಿಎಲ್ ಟೂರ್ನಿಯ 11ನೇ ಪಂದ್ಯದಲ್ಲಿ ಆರ್ಸಿಯ ಬ್ಯಾಟರ್, ಆಸ್ಟ್ರೇಲಿಯಾದ ಎಲ್ಲಿಸ್‌ ಪೆರ್ರಿ(Ellyse Perry) ಅವರು ಬಾರಿಸಿದ ಬಲಿಷ್ಠ ಸಿಕ್ಸರ್ ರಭಸಕ್ಕೆ ಕಾರಿನ ಕಿಟಕಿ ಗಾಜು ಪುಡಿಪುಡಿಯಾಗಿದೆ. ಈ ವಿಡಿಯೊ ವೈರಲ್ ಆಗಿದೆ.

ಟೂರ್ನಿಯಲ್ಲಿ ಸೂಪರ್ ಸ್ಟ್ರೈಕರ್ ಪಡೆದ ಆಟಗಾರ್ತಿಗೆ ಕಾರನ್ನು ಪ್ರಶಸ್ತಿಯಾಗಿ ನೀಡಲಾಗುತ್ತದೆ. ಈ ಬಾರಿ ಟಾಟಾ ಪಂಚ್ ಕಾರನ್ನು ಪ್ರಶಸ್ತಿಯಾಗಿ ನೀಡಲಾಗುವುದು. ಹೀಗಾಗಿ ಈ ಕಂಪೆನಿಯ ಕಾರೊಂದನ್ನು ಪ್ರದರ್ಶನವಾಗಿ ಪ್ರತಿ ಪಂದ್ಯದಲ್ಲಿಯೂ ಇರಿಸಲಾಗುತ್ತದೆ. ಎಲ್ಲಿಸ್‌ ಪೆರ್ರಿ ಬಾರಿಸಿದ ಸಿಕ್ಸರ್ ನೇರವಾಗಿ ಕಾರಿನ ಕಿಟಕಿ ಗಾಜಿಗೆ ಬಿದ್ದಿದೆ. ಚೆಂಡು ಬಿದ್ದ ರಭಸಕ್ಕೆ ಗಾಜು ಪುಡಿಪುಡಿಯಾಗಿದೆ. 16 ಆವೃತ್ತಿಯ ಪುರುಷರ ಐಪಿಎಲ್ ಟೂರ್ನಿಯಲ್ಲಿಯೂ ಇದುವರೆಗೆ ಯಾರು ಕೂಡ ಸಿಕ್ಸರ್ನಿಂದ ಕಾರಿನ ಗಾಜು ಹೊಡೆಯಲು ಸಾಧ್ಯವಾಗಿರಲಿಲ್ಲ. ಈ ಸಾಧನೆಯನ್ನು ಮಹಿಳಾ ಕ್ರಿಕೆಟರ್ ಮಾಡಿದ್ದು ನಿಜ್ಜಕ್ಕೂ ಮೆಚ್ಚಲೇ ಬೇಕು.

What a PUNCH!

Ellyse Perry SIX smashes Punch ev’s window glass pic.twitter.com/UIGrgo0wKN
— Asli BCCI Women(WPL Mode On) (@AsliBCCIWomen) March 4, 2024

ದೀಪ್ತಿ ಶರ್ಮ ಅವರು ಎಸೆದ 19ನೇ ಓವರ್ನ 5ನೇ ಎಸೆತದಲ್ಲಿ ಎಲ್ಲಿಸ್‌ ಪೆರ್ರಿ ಈ ಸಿಕ್ಸರ್ ಬಾರಿಸಿದರು. ಎಲ್ಲಿಸ್‌ ಪೆರ್ರಿ ಅವರ ಭಯಾನಕ ಸಿಕ್ಸರ್ನ ಫೋಟೊ ಮತ್ತು ವಿಡಿಯೊ ವೈರಲ್ ಆಗಿದೆ. ಅಲ್ಲದೆ ‘ಪಂಚ್ಗೆ ಸೂಪರ್ ಪಂಚ್ ನೀಡಿದ ಎಲ್ಲಿಸ್‌ ಪೆರ್ರಿ’ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಕಾರಿನ ಹೆಸರು ಪಂಚ್ ಆಗಿರುವುದರಿಂದ ಈ ಕಮೆಂಟ್ ಮಾಡಿದ್ದಾರೆ.

ELLYSE PERRY HAS BROKE THE GLASS OF THE CAR…!!! 🤯

– The reaction of Perry was priceless!! pic.twitter.com/zaxiQLLN1r
— Mufaddal Vohra (@mufaddal_vohra) March 4, 2024

ದ್ವಿತೀಯ ಕ್ರಮಾಂಕದಲ್ಲಿ ಆಡಲಿಳಿದ ಎಲ್ಲಿಸ್‌ ಪೆರ್ರಿ ತಾವೆದುರಿಸಿದ ಮೊದಲ ಎಸತವನ್ನೇ ಬೌಂಡರಿಗೆ ಅಟ್ಟಿ ಆರಂಭಿಂದಲೇ ಬಿರುಸಿನ ಆಟಕ್ಕೆ ಒತ್ತು ನೀಡಿದರು. ಒಟ್ಟು 37 ಎಸೆತ ಎದುರಿಸಿದ ಅವರು ಸೊಗಸಾದ 4 ಸಿಕ್ಸರ್ ಮತ್ತು 4 ಬೌಂಡರಿ ಬಾರಿಸಿ 58 ರನ್ ಚಚ್ಚಿದರು. ಇವರ ಜತೆಗಾರ್ತಿ ಸ್ಮೃತಿ ಮಂಧಾನ ಕೂಡ ಬಿರುಸಿನ ಬ್ಯಾಟಿಂಗ್ ನಡೆಸಿ ಬರೋಬ್ಬರಿ 10 ಬೌಂಡರಿ ಮತ್ತು 3 ಸಿಕ್ಸರ್ ನೆರವಿನಿಂದ 80 ರನ್ಗಳಿಸಿ ವಿಕೆಟ್ ಕೈಚೆಲ್ಲಿದರು. ಕೇವಲ 20 ರನ್ ಕೊರತೆಯಿಂದ ಶತಕ ವಂಚಿತರಾದರು. ಉಭಯ ಆಟಗಾರ್ತಿಯರು ಸೇರಿಕೊಂಡು ನೆರದಿದ್ದ 26 ಸಾವಿರಕ್ಕೂ ಅಧಿಕ ಕ್ರಿಕೆಟ್ ಪ್ರೇಕ್ಷಕರಿಗೆ ಸಂಪೂರ್ಣ ರಸದೌತಣ ಒದಗಿಸಿದರು. ಇವರ ಬ್ಯಾಟಿಂಗ್ ಅಬ್ಬರದಿಂದ ಆರ್ಸಿಬಿ 20 ಓವರ್ಗಳಲ್ಲಿ 3 ವಿಕೆಟ್ಗೆ 198 ರನ್ ಬಾರಿಸಿದೆ.