ಲಂಡನ್: ಆ್ಯಶಸ್ ಸರಣಿಯ (Ashes 2023) ಎರಡನೇ ಪಂದ್ಯದ ನಾಲ್ಕನೇ ಇನಿಂಗ್ಸ್ನಲ್ಲಿ ಇಂಗ್ಲೆಂಡ್ ಟೆಸ್ಟ್ ತಂಡದ ನಾಯಕ ಬೆನ್ ಸ್ಟೋಕ್ಸ್ ಅದ್ಭುತ ಶತಕ ಬಾರಿಸಿದ್ದಾರೆ. ಅಮೋಘ 155 ರನ್ ಬಾರಿಸಿದ ಅವರು 2019ರಲ್ಲಿ ಹೆಡಿಂಗ್ಲೆಯಲ್ಲಿ ತಾವಾಡಿದ ಇನಿಂಗ್ಸ್ ಅನ್ನು ನೆನಪಿಸಿದರು. ಆ ಪಂದ್ಯದಲ್ಲಿ ಅವರು ಏಕಾಂಗಿ ಹೋರಾಟ ನಡೆಸಿ ವಿರೋಚಿತ ವಿಜಯ ತಂದುಕೊಟ್ಟಿದ್ದರು. ಆದರೆ ಹಾಲಿ ಪಂದ್ಯದಲ್ಲಿ ಅವರು 155 ರನ್ಗಳಿಗೆ ಔಟಾದರು. ಹೀಗಾಗಿ ತಂಡ ಸೋಲಿನ ದವಡೆಗೆ ಸಿಲುಕಿತು. ಸ್ಟೋಕ್ಸ್ ನಿಧಾನಗತಿಯಲ್ಲಿ ಆಟ ಪ್ರಾರಂಭಿಸಿದರೂ, ಜಾನಿ ಬೇರ್ಸ್ಟೋವ್ ಅವರ ವಿವಾದಾತ್ಮಕ ರನ್ಔಟ್ ಬಳಿಕ ಸಿಟ್ಟಿಗೆದ್ದು ಬೌಂಡರಿ, ಸಿಕ್ಸರ್ಗಳ ಮೂಲಕ ರನ್ ಪೇರಿಸಿದರು.
Ben Stokes, there are no words…
— England Cricket (@englandcricket) July 2, 2023
Just incredible! 🙌 #EnglandCricket | #Ashes pic.twitter.com/J1u2Ttwmo5
ಸ್ಟೋಕ್ಸ್ ಇನಿಂಗ್ಸ್ನ 56 ನೇ ಓವರ್ನಲ್ಲಿ ಕ್ಯಾಮರೂನ್ ಗ್ರೀನ್ ಅವರ ಬೌಲಿಂಗ್ಗೆ ಸತತ ಮೂರು ಸಿಕ್ಸರ್ಗಳನ್ನು ಬಾರಿಸುವ ಮೂಲಕ ಮೂರಂಕಿ ಮೊತ್ತ ದಾಟಿದರು. ಭೋಜನ ವಿರಾಮಕ್ಕೆ ಮೊದಲು ಅವರು ಶತಕ ಬಾರಿಸಿ ಸಂಭ್ರಮಿಸಿದರು.
ಕೊನೇ ದಿನದಾಟದ ಅರಂಭಕ್ಕೆ ಇಂಗ್ಲೆಂಡ್ ನಾಯಕ ನಿಧಾನಗತಿಯಲ್ಲಿ ಬ್ಯಾಟ್ ಮಾಡಿದರು. ತಂಡವನ್ನು ರಕ್ಷಿಸುವ ಉದ್ದೇಶ ಅವರಿಗೆ ಇತ್ತು. ಅದರೆ, ಮತ್ತೊಂದು ಬದಿಯಲ್ಲಿ ವಿಕೆಟ್ ಉರುಳಲು ಆರಂಭಿಸಿದ ತಕ್ಷಣ ಫೋರ್,ನಸಿಕ್ಸರ್ ಗಳ ಸುರಿಮಳೆ ಸುರಿಸಿದರು. ಅಂತಿಮವಾಗಿ 73ನೇ ಓವರ್ನಲ್ಲಿ ಜೋಶ್ ಹೇಜಲ್ವುಡ್ ಅವರ ಎಸೆತಕ್ಕ 155 ರನ್ ಸಿಡಿಸಿ ಔಟಾದರು. ಗಮನಾರ್ಹ ಸಾಧನೆಯ ಹೊರತಾಗಿಯೂ ಅವರಿಗೆ ಸಂಭ್ರಮಪಡಲು ಅವಕಾಶ ಸಿಗಲಿಲ್ಲ. ಅವರು ಔಟಾಗುವ ವೇಳೆಗೆ ತಂಡದ ಗುರಿ ದೂರವಿದ್ದ ಕಾರಣ ನಿರಾಸೆಯಿಂದ ಪೆವಲಿಯನ್ ಕಡೆಗೆ ಹೊರಟರು.
ಇದನ್ನೂ ಓದಿ : Ashes 2023 : ಐಪಿಎಲ್ನಲ್ಲಿ ಫೇಲ್, ಆ್ಯಶಸ್ನಲ್ಲೂ ವಿಚಿತ್ರ ರೀತಿಯಲ್ಲಿ ಔಟ್; ಇಂಗ್ಲೆಂಡ್ ಬ್ಯಾಟರ್ನ ಬ್ಯಾಡ್ಲಕ್!
ಲಾರ್ಡ್ಸ್ ಕ್ರಿಕೆಟ್ ಗ್ರೌಂಡ್ನಲ್ಲಿ ನಡೆದ ಪಂದ್ಯದ ಅಂತಿಮ ದಿನ ಇಂಗ್ಲೆಂಡ್ ಗೆಲುವಿಗೆ 257 ರನ್ಗಳ ಅವಶ್ಯಕತೆಯಿತ್ತು. ಸ್ಟೋಕ್ಸ್ ಮತ್ತು ಬೆನ್ ಡಕೆಟ್ ಅದ್ಭುತ ಜೊತೆಯಾಟದ ಕಾರಣ ಆತಿಥೇಯರಿಗೆ ಗೆಲುವಿನ ವಿಶ್ವಾಸ ಮೂಡಿತ್ತು. ಆದರೆ, ಜೋಶ್ ಹೇಜಲ್ವುಡ್, ಬೆನ್ ಡಕೆಟ್ ಅವರನ್ನು 83 ರನ್ಗಳಿಗೆ ಔಟ್ ಮಾಡಿದರು. ಇದರೊಂದಿಗೆ ಅವರ ಜತೆಯಾಟ ಮುರಿಯಿತು. ಬಳಿಕ ಸತತವಾಗಿ ಇಂಗ್ಲೆಂಡ್ ತಂಡ ವಿಕೆಟ್ ಕಳೆದುಕೊಂಡಿತು. ಹೀಗಾಗಿ ಸೋಲಿನ ಸುಳಿಗೆ ಸಿಲುಕಿತು.
ವಿವಾದಾತ್ಮಕ ಔಟ್
ವಿವಾದಾತ್ಮಕ ಔಟ್ ಮೂಲಕ ಜಾನಿ ಬೇರ್ಸ್ಟೋವ್ ಪೆವಿಲಿಯನ್ಗೆ ತೆರಳುತ್ತಿದ್ದಂತೆ ಇಂಗ್ಲೆಂಡ್ ಆಟಗಾರರು ಹಾಗೂ ಪ್ರೇಕ್ಷಕರು ಕುದಿಯಲು ಆರಂಭಿಸಿದರು. ವಿಕೆಟ್ ಕೀಪರ್ ಅಲೆಕ್ಸ್ ಕ್ಯೇರಿ ಕುತಂತ್ರದಿಂದ ಔಟ್ ಮಾಡಿದ್ದಾರೆ ಎಂಬುದು ಅವರ ಆರೋಪ. ಗ್ರೀನ್ ಎಸೆದ ಚೆಂಡು ವಿಕೆಟ್ ಕೀಪರ್ ಅಲೆಕ್ಸ್ ಕೈ ಸೇರಿದ ಬಳಿಕ ಬೇರ್ಸ್ಟೋವ್ ನಾನ್ಸ್ಟ್ರೈಕ್ ಎಂಡ್ ಕಡೆಗೆ ಹೊರಟಿದ್ದರು. ಈ ವೇಳೆ ಕ್ಯೇರಿ ವಿಕೆಟ್ಗೆ ಚೆಂಡು ಎಸೆದು ಅಪೀಲ್ ಮಾಡಿದ್ದರು. ಮೂರನೇ ಅಂಪೈರ್ ಅದನ್ನು ಪುರಸ್ಕರಿಸಿದ್ದರು.
ಇದರಿಂದ ಸಿಟ್ಟಿಗೆದ್ದ ಸ್ಟೋಕ್ಸ್, ಕ್ಯಾಮರೂನ್ ಗ್ರೀನ್ ಅವರನ್ನು ಗುರಿಯಾಗಿಸಲು ಪ್ರಾರಂಭಿಸಿದರು. ಅವರ ಓವರ್ಗೆ ಮೂರು ಬೌಂಡರಿಗಳನ್ನು ಹೊಡೆದರು. ಅವರ ಮುಂದಿನ ಓವರ್ನಲ್ಲಿ ಬೌಂಡರಿ ಮತ್ತು ಸತತ ಮೂರು ಸಿಕ್ಸರ್ ಗಳನ್ನು ಬಾರಿಸಿದರು. ಅಲ್ಲದೇ ಒಂದೇ ಓವರ್ನಲ್ಲಿ 24 ರನ್ ಗಳಿಸಿದರು. ಇದು ಟೆಸ್ಟ್ ಕ್ರಿಕೆಟ್ನ ಓವರ್ ಒಂದರಲ್ಲಿ ಇಂಗ್ಲೆಂಡ್ ಬ್ಯಾಟರ್ ಒಬ್ಬರು ಬಾರಿಸಿ ಜಂಟಿ ಎರಡನೇ ಅತಿ ಹೆಚ್ಚು ರನ್ಗಳ ದಾಖಲೆ.