ದೋಹಾ: ಕತಾರ್ ಫಿಫಾ ವಿಶ್ವ ಕಪ್(Fifa World Cup)ನಲ್ಲಿ ಅರ್ಜೆಂಟೀನಾ ತಂಡ ಚಾಂಪಿಯನ್ ಪಟ್ಟ ಅಲಂಕರಿಸಿ ಎರಡು ದಿನಗಳು ಕಳೆದಿವೆ. ಜತೆಗೆ ಮೆಸ್ಸಿಯ ಬಹುಕಾಲದ ವಿಶ್ವಕಪ್ ಟ್ರೋಫಿ ಕನಸು ಕೂಡ ನನಸಾಗಿದೆ. ಆದರೆ ಈ ವೇಳೆ ಕನ್ನಡದ ಕಾಂತಾರ ಸಿನೆಮಾದ ಪೋಸ್ಟರ್ ರೀತಿಯಲ್ಲಿ ರಚಿಸಿದ ಲಿಯೋನೆಲ್ ಮೆಸ್ಸಿ ಮತ್ತು ಡಿಯಾಗೋ ಮರಡೋನಾ ಅವರ ಮೀಮ್ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಅವರ ‘ಕಾಂತಾರ’ ಸಿನಿಮಾದ ಕ್ಲೈಮ್ಯಾಕ್ಸ್ನಲ್ಲಿ ಕಥಾನಾಯಕ ಶಿವನನ್ನು ದೈವವು ಬಡಿದೆಬ್ಬಿಸುವ ಒಂದು ಸನ್ನಿವೇಶ ಎಲ್ಲರ ಮನಸ್ಸಿನಲ್ಲಿ ಅಚ್ಚಾಗಿವೆ. ಇದೇ ಮಾದರಿಯಲ್ಲಿ ಈಗ ಲಿಯೋನೆಲ್ ಮೆಸ್ಸಿ ಮತ್ತು ಡಿಯಾಗೋ ಮರಡೋನಾ ಅವರ ಮೀಮ್ ಗಮನ ಸೆಳೆಯುತ್ತಿವೆ.
ಮೈದಾನದಲ್ಲಿ ಸುಸ್ತಾಗಿ ಮಲಗಿದ ಲಿಯೋನೆಲ್ ಮೆಸ್ಸಿ ಅವರನ್ನು ಡಿಯಾಗೋ ಮರಡೋನಾ ಅವರು ದೈವದ ರೀತಿಯಲ್ಲಿ ಕೂಗಿ ಎಬ್ಬಿಸುತ್ತಿರುವ ಹಾಗೆ ಈ ಮೀಮ್ ಮೂಡಿಬಂದಿದೆ. ಇದನ್ನು ಫುಟ್ಬಾಲ್ ಪ್ರಿಯರು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.
ಇದನ್ನೂ ಓದಿ | FIFA World Cup | ಅರ್ಜೆಂಟೀನಾ ಗೋಲ್ ಕೀಪರ್ ವರ್ತನೆಗೆ ಅಭಿಮಾನಿಗಳ ಬೇಸರ