ಕಲ್ಲಿಕೋಟೆ: ಕತಾರ್ನಲ್ಲಿ ನಡೆಯತ್ತಿರುವ ಫಿಫಾ ವಿಶ್ವ ಕಪ್(Fifa World Cup) ಕ್ರೇಜ್ ಹೆಚ್ಚಾಗಿ ಕೇರಳದಲ್ಲೇ ಕಾಣಸಿಗುತ್ತಿದೆ. ಈಗಾಗಲೇ ಹಲವಾರು ಕೇರಳಿಗರು ತಮ್ಮ ನೆಚ್ಚಿನ ಫುಟ್ಬಾಲ್ ಆಟಗಾರ ಗೇಮ್ ನೋಡಲು ಹಲವು ಕಸರತ್ತುಗಳನ್ನು ಮಾಡಿ ಸುದ್ದಿಯಾಗಿದ್ದಾರೆ. ಈ ಪಟ್ಟಿಗೆ ಇದೀಗ ನೂತನ ನಿದರ್ಶನವೊಂದು ಸೇರ್ಪಡೆಯಾಗಿದೆ. ಅರ್ಜೆಂಟೀನಾ ಪಂದ್ಯವನ್ನು ನೋಡಲು ಕಲ್ಲಿಕೋಟೆಯ ಐವರು ವಿದ್ಯಾರ್ಥಿಗಳು ಬರೆದ ರಜೆ ಅರ್ಜಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನವೆಂಬರ್ 22 ರಂದು ಅರ್ಜೆಂಟೀನಾ ಮತ್ತು ಸೌದಿ ಅರೇಬಿಯಾ ನಡುವಿನ ಪಂದ್ಯದಲ್ಲಿ ಮೆಸ್ಸಿ ಆಟವನ್ನು ವೀಕ್ಷಿಸಲು ಕೇರಳದ ಕಲ್ಲಿಕೋಟೆಯ ಐವರು ವಿದ್ಯಾರ್ಥಿಗಳು ತಮ್ಮ ಶಿಕ್ಷಕರಿಗೆ ರಜೆ ಅರ್ಜಿ ನೀಡಿದ್ದರು ಅದರಂತೆ ಮಕ್ಕಳ ಈ ಪ್ರಾಮಾಣಿಕ ಮನವಿಗೆ ಮಕ್ಕಳಿಗೆ ರಜೆ ನೀಡಲಾಗಿತ್ತು. ಈ ವಿಚಾರ ಇದೀಗ ತಡವಾಗಿ ಬೆಳಕಿಗೆ ಬಂದಿದೆ. ಮಕ್ಕಳ ಈ ರಜಾ ಅರ್ಜಿ ಟ್ವಿಟರ್ನಲ್ಲಿ ಗಮನ ಸೆಳೆದಿದೆ. ಇನ್ನು ಈ ಮಕ್ಕಳು 100ಕ್ಕೂ ಹೆಚ್ಚು ಅಭಿಮಾನಿಗಳ ಸಹಿಯನ್ನು ಕೂಡಾ ಸಂಗ್ರಹಿಸಿದ್ದರು.
ಇದನ್ನೂ ಓದಿ | Fifa World Cup | ಲಿಯೊನೆಲ್ ಮೆಸ್ಸಿ ಆಟ ನೋಡಲು ಕೇರಳದಿಂದ ಕತಾರ್ಗೆ ಕಾರಿನಲ್ಲೇ ಪ್ರಯಾಣಿಸಿ ಬಂದ 5 ಮಕ್ಕಳ ತಾಯಿ!