ಮುಂಬಯಿ: ಕ್ರೀಡಾ ಪ್ರೇಮಿಗಳು ತಮ್ಮ ನೆಚ್ಚಿನ ತಂಡ ಅಥವಾ ಆಟವನ್ನು ವೀಕ್ಷಿಸಲು ಯಾವುದೇ ರೀತಿಯ ಕಸರತ್ತು ಮಾಡಲು ಸಿದ್ಧರಿರುತ್ತಾರೆ. ಆದರೆ ಇಲ್ಲೊಬ್ಬ ಫುಟ್ಬಾಲ್ನ ಅಪ್ಪಟ ಅಭಿಮಾನಿ ಆಸ್ಪತ್ರೆಯಲ್ಲಿ ಆಪರೇಷನ್ ಮಾಡಿಸಿಕೊಳ್ಳುತ್ತಿರುವಾಗಲೇ ಫಿಫಾ ವಿಶ್ವ ಕಪ್(Fifa World Cup) ಪಂದ್ಯ ವನ್ನು ವೀಕ್ಷಿಸಿ ಎಲ್ಲರನ್ನು ನಿಬ್ಬೆರಗಾಗಿಸಿದ್ದಾನೆ. ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಫುಟ್ಬಾಲ್ ಅಭಿಮಾನಿಯ ಈ ಫೋಟೊ ಕಂಡ ತಕ್ಷಣವೇ ಉದ್ಯಮಿ ಆನಂದ್ ಮಹೀಂದ್ರಾ ಅವರು ಟ್ವಿಟರ್ನಲ್ಲಿ ಈ ಫೋಟೊ ಶೇರ್ ಮಾಡುವ ಮೂಲಕ “ಈ ವ್ಯಕ್ತಿ ಕೆಲವು ರೀತಿಯ ಟ್ರೋಫಿಗೆ ಅರ್ಹನಲ್ಲವೇ” ಎಂದು ಟ್ವೀಟ್ ಮಾಡಿದ್ದಾರೆ.
ಪೋಲೆಂಡ್‌ ನಗರದ ಕೀಲ್ಸ್‌ನಲ್ಲಿರುವ ಆಸ್ಪತ್ರೆಯಲ್ಲಿ ಈ ಚಿತ್ರವನ್ನು ತೆಗೆಯಲಾಗಿದೆ. ವರದಿಗಳ ಪ್ರಕಾರ ನವೆಂಬರ್ 25 ರಂದು ವ್ಯಕ್ತಿ ತನ್ನ ದೇಹದ ಶಸ್ತ್ರಚಿಕಿತ್ಸೆಗೆ ಒಳಗಾದರು. ಆಪರೇಷನ್ಗೂ ಮುನ್ನ ಆತ ಶಸ್ತ್ರಚಿಕಿತ್ಸೆ ಮಾಡುವಾಗ ವೇಲ್ಸ್ ಮತ್ತು ಇರಾನ್ ನಡುವಿನ ಪಂದ್ಯವನ್ನು ವೀಕ್ಷಿಸಬಹುದೇ ಎಂದು ಶಸ್ತ್ರಚಿಕಿತ್ಸಕರನ್ನು ಕೇಳಿದ್ದ. ಆಸ್ಪತ್ರೆಯ ಅಧಿಕಾರಿಗಳು ಇದಕ್ಕೆ ಅನುಮತಿ ನೀಡಿ ಆಪರೇಷನ್ ರೂಮ್ನಲ್ಲಿ ಟೆಲಿವಿಷನ್ ಸೆಟ್ ಅಳವಡಿಸಿ ಈ ಅಭಿಮಾನಿಯ ಆಸೆಯನ್ನು ನೆರವೇರಿಸಿದ್ದಾರೆ.
ಇದನ್ನೂ ಓದಿ | Fifa World Cup | ತಂಡದಿಂದ ಹೊರಕ್ಕಿಟ್ಟಿದ್ದಕ್ಕೆ ಮುನಿಸು; ಗೆಲುವಿನ ಸಂಭ್ರಮಾಚರಣೆ ಮಾಡದ ರೊನಾಲ್ಡೊ