ಬೆಂಗಳೂರು: ಟೀಂ ಇಂಡಿಯಾದ ಮಾಜಿ ನಾಯಕ ಎಂ.ಎಸ್.ಧೋನಿ (MS Dhoni) ಹುಕ್ಕಾ ಸೇದುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಫಿಟ್ನೆಸ್ ಮತ್ತು ಶಿಸ್ತುಬದ್ಧ ದಿನಚರಿಯ ಹೊರತಾಗಿಯೂ, ಎಂಎಸ್ ಧೋನಿ ಸಾರ್ವಜನಿಕವಾಗಿ ಹುಕ್ಕಾವನ್ನು ಬಳಸುತ್ತಿರುವುದು ಅವರ ಕೆಲವು ಅಭಿಮಾನಿಗಳನ್ನು ಕೆರಳಿಸಿದೆ. ಅವರು ಹುಕ್ಕಾ ಸೇದುವುದು ಸರಿಯಲ್ಲ ಎಂದು ಅವರು ಹೇಳಿದ್ದಾರೆ.
ಈ ಮಧ್ಯೆ, ಆಸ್ಟ್ರೇಲಿಯಾದ ಮಾಜಿ ಟಿ 20 ಐ ನಾಯಕ ಜಾರ್ಜ್ ಬೈಲಿ ಅವರ ಹಳೆಯ ಹೇಳಿಕೆಯೊಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ. ಇದರಲ್ಲಿ, ಅವರು ಹುಕ್ಕಾ ಸೇದುವ ಬಗ್ಗೆ ಎಂಎಸ್ ಧೋನಿಗೆ ಇದ್ದ ಆಸಕ್ತಿ ಮತ್ತು ಹುಕ್ಕಾ ಸೆಷನ್ಗಳ ಮೂಲಕ ಹಿರಿಯ ಮತ್ತು ಕಿರಿಯ ಆಟಗಾರರ ನಡುವೆ ಸ್ನೇಹವನ್ನು ಬೆಳೆಸುವ ಪ್ರಯತ್ನಗಳನ್ನು ಹೇಳಿಕೊಂಡಿದ್ದಾರ. ಐಪಿಎಲ್ನಲ್ಲಿ ಧೋನಿ ನಾಯಕತ್ವದಲ್ಲಿ ಆಡಿದ ಅನುಭವಗಳನ್ನು ನೆನಪಿಸಿಕೊಂಡ ಬೈಲಿ ಚೆನ್ನೈ ಸೂಪರ್ ಕಿಂಗ್ಸ್ (2009-2012) ಮತ್ತು ರೈಸಿಂಗ್ ಪುಣೆ ಸೂಪರ್ಜೈಂಟ್ಸ್ (2016) ಪರ ಆಡಿದ ಅನುಭವಗಳನ್ನು ನೆನಪಿಸಿಕೊಂಡರು.
ಜಾರ್ಜ್ ಬೈಲಿ ಹೇಳಿದ್ದು ಇಲ್ಲಿದೆ
ಧೋನಿ ಸ್ವಲ್ಪ ಹುಕ್ಕಾ ಸೇದಲು ಇಷ್ಟಪಡುತ್ತಾರೆ. ಆದ್ದರಿಂದ, ಅವರು ಆಗಾಗ್ಗೆ ಅದನ್ನು ತಮ್ಮ ಕೋಣೆಯಲ್ಲಿ ಹುಕ್ಕಾ ಸೆಶನ್ ಮಾಡುತ್ತಿದ್ದರು. ಅದು ಓಪನ್ ಡೋರ್ ವ್ಯವಸ್ಥೆಯಾಗಿತ್ತು. ನೀವು ಒಳಗೆ ಹೋದರೆ ಅಲ್ಲಿ ಸಾಕಷ್ಟು ಯುವ ಆಟಗಾರರನ್ನು ಕಾಣಬಹುದಾಗಿತ್ತು. ಭಾರತ ಅಥವಾ ಕ್ರಿಕೆಟ್ ತಂಡಗಳಿಗೆ ಇದು ಸೂಕ್ತ ವ್ಯವಸ್ಥೆ ಆಗಿರಲಿಲ್ಲ. ಆದರೆ ಅವರು ಖಂಡಿತವಾಗಿಯೂ ಸಂಪ್ರದಾಯವನ್ನು ಮುರಿದಿದ್ದಾರೆ ಎಂದು ಬೈಲಿ ಹೇಳಿದ್ದಾರೆ.
ತಡರಾತ್ರಿ ಧೋನಿಯ ಕೋಣೆಯಲ್ಲಿ ಆಟದ ಬಗ್ಗೆ ಅಥವಾ ಆಟದ ವಿವಿಧ ಅಂಶಗಳ ಬಗ್ಗೆ ಅಥವಾ ವಿಭಿನ್ನ ಜನರ ಬಗ್ಗೆ ಮತ್ತು ವಿಭಿನ್ನ ಜನರೊಂದಿಗೆ ಅನಿವಾರ್ಯವಾಗಿ ಚಾಟ್ ಮಾಡುವುದನ್ನು ಕಾಣಬಹುದು. ವಿಭಿನ್ನ ಜನರೊಂದಿನ ಸಂಬಂಧವನ್ನು ಹುಟ್ಟು ಹಾಕಲು ಅದು ಉತ್ತಮ ಮಾರ್ಗವಾಗಿತ್ತು ಎಂದು ಬೈಲಿ ಹೇಳಿದ್ದಾರೆ.
ಇದನ್ನೂ ಓದಿ : Shreyanka Patil : ಆರ್ಸಿಬಿ ಆಟಗಾರ್ತಿ ಹಾರಿ ಹಿಡಿದ ಕ್ಯಾಚ್ಗೆ ಶಹಬ್ಬಾಸ್ ಎಂದ ನೆಟ್ಟಿಗರು; ಇಲ್ಲಿದೆ ವಿಡಿಯೊ
2010, 2011, 2018, 2021 ಹಾಗೂ 2023ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ್ದರು ಧೋನಿ. ವಿಕೆಟ್ ಕೀಪರ್ ಬ್ಯಾಟರ್ ಮುಂಬರುವ 2024 ರ ಐಪಿಎಲ್ ಋತುವಿನಲ್ಲಿ ಸಿಎಸ್ಕೆ ತಂಡದ ನಾಯಕತ್ವದ ಕರ್ತವ್ಯಗಳನ್ನು ಪುನರಾರಂಭಿಸಲಿದ್ದಾರೆ.
ವಿಡಿಯೊ ಕಂಡು ದಂಗಾದ ಫ್ಯಾನ್ಸ್
ಬೈಕ್ ಮತ್ತು ಕಾರುಗಳ ಮೇಲೆ ಅಪಾರ ಕ್ರೇಜ್ ಇರುವ ಧೋನಿಗೆ ಹುಕ್ಕಾ ಸೇದುವ ಚಟವಿದೆ ಎನ್ನುವ ವಿಚಾರ ತಡವಾಗಿ ಬೆಳಕಿಗೆ ಬಂದಿದೆ. ಈ ಹಿಂದೆ ಆಸ್ಟ್ರೇಲಿಯಾದ ಮಾಜಿ ಆಟಗಾರ ಜಾರ್ಜ್ ಬೈಲಿ ಸಂದರ್ಶನವೊಂದರಲ್ಲಿ ಧೋನಿಗೆ ಅಪಾರ ಹುಕ್ಕಾ ಸೇದುವ ಚಟವಿದೆ ಎಂದು ಹೇಳಿದ್ದರು. ಯುವ ಕ್ರಿಕೆಟಿಗರೊಂದಿಗೆ ತಮ್ಮ ಕೊಠಡಿಯಲ್ಲಿ ಕೂತು ಮಾತನಾಡುವ ವೇಳೆ ಧೋನಿ ಹುಕ್ಕಾ ಸೇದುತ್ತಾರೆ ಎಂದು ಹೇಳಿದ್ದರು. ಆದರೆ ಬೈಲಿಯ ಈ ಮಾತನ್ನು ಯಾರು ಕೂಡ ನಂಬಿರಲಿಲ್ಲ. ಬೈಲಿ ವಿರುದ್ಧವೇ ಆಕ್ರೋಶ ವ್ಯಕ್ತಪಡಿಸಿದ್ದರು. ಇದೀಗ ಧೋನಿ ಹುಕ್ಕಾ ಸೇದುವಾಗಲೇ ಸಿಕ್ಕಿ ಬಿದ್ದಿದ್ದಾರೆ.
ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಸಂಭ್ರಮಾಚರಣೆ ಮಾಡಲು ಧೋನಿ ತಮ್ಮ ಪರಿವಾರ ಮತ್ತು ಸ್ನೇಹಿತರೊಂದಿಗೆ ಸೇರಿ ದುಬೈನಲ್ಲಿ ಬೀಡು ಬಿಟ್ಟಿದ್ದರು. ಈ ವೇಳೆ ಅವರು ತಮ್ಮ ಗೆಳೆಯರೊಂದಿಗಿನ ಪಾರ್ಟಿಯಲ್ಲಿ ಹುಕ್ಕಾ ಸೇದಿದ್ದಾರೆ. ಇದನ್ನು ಅಲ್ಲಿದ ಕೆಲವರು ವಿಡಿಯೊ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಇದನ್ನು ಕಂಡು ಅವರ ಅಭಿಮಾನಿಗಳು ಪರ ಮತ್ತು ವಿರೋಧದ ಕಮೆಂಟ್ಗಳನ್ನು ಮಾಡಲಾರಂಭಿಸಿದ್ದಾರೆ.