ಪ್ಯಾರಿಸ್: ಇಲ್ಲಿ ನಡೆಯುತ್ತಿರುವ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ವಿಶ್ವದ ನಂ.1 ಶ್ರೇಯಾಂಕ ಕಾರ್ಲೋಸ್‌ ಅಲ್ಕರಾಜ್‌(carlos alcaraz) ಅವರನ್ನು 6-3, 5-7, 6-1, 6-1 ಅಂತರದಿಂದ ಮಣಿಸಿ ಫೈನಲ್ಗೆ ನೆಗೆದಿರುವ ನೊವಾಕ್‌ ಜೊಕೋವಿಕ್‌(Novak Djokovic) ವಿಶ್ವ ದಾಖಲೆಯೊಂದನ್ನು ಮಾಡುವ ನಿರೀಕ್ಷೆಯಲ್ಲಿದ್ದಾರೆ.
7ನೇ ಫ್ರೆಂಚ್ ಓಪನ್ ಫೈನಲ್ ಪ್ರವೇಶ ಪಡೆದಿರುವ ಅವರು ದಾಖಲೆಯ 23ನೇ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆಲ್ಲುವ ಚಿತ್ತ ನೆಟ್ಟಿದ್ದಾರೆ. ಸದ್ಯ ನಡಾಲ್(Rafael Nadal) ಮತ್ತು ಜೋಕೊ 22 ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಪಡೆದು ಜಂಟಿ ದಾಖಲೆ ಹೊಂದಿದ್ದಾರೆ. ಆದರೆ ಭಾನುವಾರ ನಡೆಯುವ ಪ್ರಶಸ್ತಿ ಸುತ್ತಿನಲ್ಲಿ ನೊವಾಕ್‌ ಜೊಕೋವಿಕ್‌ ಚಾಂಪಿಯನ್ ಪಟ್ಟ ಅಲಂಕರಿಸಿದರೆ ನಡಾಲ್ ಅವರು ಹಿಂದಿಕ್ಕಿ ಅಗ್ರಸ್ಥಾನ ಪಡೆಯಲಿದ್ದಾರೆ. ಮಂಡಿ ನೋವಿನ ಕಾರಣದಿಂದಾಗಿ ಈ ಬಾರಿ ನಡಾಲ್ ಕಣಕ್ಕಿಳಿಯಲಿಲ್ಲ.
ಭಾನುವಾರ ನಡೆಯುವ ಈ ಫೈನಲ್ ಪಂದ್ಯದಲ್ಲಿ ಜೊಕೋವಿಕ್‌ ಅವರು ಕ್ಯಾಸ್ಪರ್‌ ರೂಡ್‌(Casper Ruud) ಸವಾಲನ್ನು ಎದುರಿಸಲಿದ್ದಾರೆ. ಶುಕ್ರವಾರ ನಡೆದಿದ್ದ ಸೆಮಿಫೈನಲ್ ಪಂದ್ಯದಲ್ಲಿ ಸರ್ಬಿಯಾದ ಜೊಕೋವಿಕ್‌ ಸ್ಪೇನ್ನ ಕಾರ್ಲೋಸ್‌ ಅಲ್ಕರಾಜ್‌ ಅವರನ್ನು 6-3, 5-7, 6-1, 6-1 ಅಂತರದಿಂದ ಮಣಿಸಿದ್ದರು. ಇದು ಅಲ್ಕರಾಜ್‌ ವಿರುದ್ಧ ಆಡಿದ 2ನೇ ಪಂದ್ಯದಲ್ಲಿ ಜೋಕೊ ಸಾಧಿಸಿದ ಮೊದಲ ಗೆಲುವು. ಜೊಕೋ ಈವರೆಗೆ ಈ ಟೂರ್ನಿಯಲ್ಲಿ 6 ಬಾರಿ ಫೈನಲ್ ತಲುಪಿದ್ದರೂ ಕೇವಲ 2 ಸಲ ಮಾತ್ರ ಚಾಂಪಿಯನ್ ಆದ್ದಾರೆ.
ಇದನ್ನೂ ಓದಿ French Open Final: ದಾಖಲೆಯ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆಲ್ಲುವರೇ ಜೊಕೋವಿಕ್‌?
Si vous voulez vous faire/refaire la journée des demi-finales à Roland-Garros, on vous a préparé le récap' 👀 https://t.co/3sJdoid0X5 #RolandGarros pic.twitter.com/jppfqeM6fq
— Roland-Garros (@rolandgarros) June 9, 2023
ಮಹಿಳಾ ಫೈನಲ್ಗೆ ಕ್ಷಣಗಣನೆ
ಶನಿವಾರ ನಡೆಯುವ ಫ್ರೆಂಚ್ ಓಪನ್ ಗ್ರ್ಯಾನ್ ಸ್ಲಾಮ್ ಟೂರ್ನಿಯ ಮಹಿಳಾ ಫೈನಲ್ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಐಗಾ ಸ್ವಿಯಾಟೆಕ್‌ ಹಾಗೂ ಚೆಕ್‌ ಗಣರಾಜ್ಯದ ಕ್ಯಾರೋಲಿನಾ ಮುಕೋವಾ ಪ್ರಶಸ್ತಿಗಾಗಿ ಸೆಣಸಲಿದ್ದಾರೆ. ವಿಶ್ವ ನಂ.1 ಪೋಲೆಂಡ್‌ನ ಐಗಾ ಸತತ 2ನೇ ಬಾರಿ ಪ್ರಶಸ್ತಿ ಗೆಲ್ಲುವ ನಿರೀಕ್ಷೆಯಲ್ಲಿದ್ದರೆ, ಚೊಚ್ಚಲ ಬಾರಿ ಗ್ರ್ಯಾನ್‌ಸ್ಲಾಂ ಫೈನಲ್‌ಗೇರಿರುವ ಶ್ರೇಯಾಂಕ ರಹಿತ ಮುಕೋವಾ ಮೊದಲ ಪ್ರಯತ್ನದಲ್ಲೇ ಚಾಂಪಿಯನ್ ಪಟ್ಟ ಅಲಂಕರಿಸಿಸುವ ವಿಶ್ವಾಸದಲ್ಲಿದ್ದಾರೆ. ಲೀಗ್ ಹಂತದಲ್ಲಿ ಬಲಿಷ್ಠ ಆಟಗಾರ್ತಿಯನ್ನು ಮಗುಚಿ ಹಾಕಿರುವ ಅವರು ಸ್ಮರಣೀಯ ಗೆಲುವನ್ನು ಎದುರು ನೋಡುತ್ತಿದ್ದಾರೆ.