ಮೊಹಾಲಿ: 14 ತಿಂಗಳ ಬಳಿಕ ಟಿ20 ಪಂದ್ಯದಲ್ಲಿ ಕಣಕ್ಕಿಳಿದಿದ್ದ ರೋಹಿತ್ ಶರ್ಮ(Rohit Sharma) ಅವರು ಅಫಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ(India vs Afghanistan, 1st T20I) ಶೂನ್ಯಕ್ಕೆ ಔಟಾದರು. ಅವರ ಈ ವಿಕೆಟ್ ಪತನಕ್ಕೆ ಸಹ ಆಟಗಾರ ಶುಭಮನ್ ಗಿಲ್(Shubman Gill) ಕಾರಣ. ರನ್ ಗಳಿಸುವ ಅವಕಾಶ ಇದ್ದರೂ ಕೂಡ ಗಿಲ್ ಓಡದೆ ರೋಹಿತ್ ರನೌಟ್ ಆಗುವಂತೆ ಮಾಡಿದರು. ಇದೇ ಸಿಟ್ಟಿನಲ್ಲಿ ರೋಹಿತ್ ಮೈದಾನದಲ್ಲೇ ರೊಚ್ಚಿಗೆದ್ದು ಗಿಲ್ಗೆ ಬೈದಿದ್ದಾರೆ(Rohit Sharma Blasts Shubman Gill). ಈ ವಿಡಿಯೊ ವೈರಲ್(viral video) ಆಗಿದೆ.
ಮೊಹಾಲಿಯ ಐ.ಎಸ್‌.ಬಿಂದ್ರಾ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭಾರತ ಉತ್ಕೃಷ್ಟ ಮಟ್ಟದ ಬೌಲಿಂಗ್ ಪ್ರದರ್ಶನ ತೋರುವ ಮೂಲಕ ಎದುರಾಳಿ ತಂಡವನ್ನು ಅಲ್ಪಮೊತ್ತಕ್ಕೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾಯಿತು. ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ಗೆ 158ರನ್ ಬಾರಿಸಿತು.
Rohit gone for duck 😭#RohitSharma #Gill #IndvsAfg #INDvAFG pic.twitter.com/xpSGnreCm5
— Shubham Chand (@shubhamchand768) January 11, 2024
ಸುಲಭ ಗುರಿಯನ್ನು ಬೆನ್ನಟ್ಟಿದ ಭಾರತ ಮೊದಲ ಓವರ್ನಲ್ಲಿಯೇ ನಾಯಕ ರೋಹಿತ್ ವಿಕೆಟ್ ಕಳೆದುಕೊಂಡಿತು. ಮೊದಲ ಓವರ್ನ ದ್ವಿತೀಯ ಎಸೆತದಲ್ಲಿ ರೋಹಿತ್ ಶರ್ಮ ಅವರು ಸಿಂಗಲ್ ತೆಗೆಯುವ ಪ್ರಯತ್ನ ಮಾಡಿದರು. ಆದರೆ ನಾನ್ಸ್ಟ್ರೈಕ್ನಲ್ಲಿದ್ದ ಗಿಲ್ ಉದಾಸಿನ ತೋರಿದವರಂತೆ ರನ್ ಓಡುವ ಬದಲು ಸುಮ್ಮನೆ ನಿಂತರು. ಇದರಿಂದ ರೋಹಿತ್ ಶರ್ಮ ರನೌಟ್ ಆದರು. ಬೇಜವಾಬ್ದಾರಿ ತೋರಿದ ಸಿಟ್ಟಿನಲ್ಲಿ ರೋಹಿತ್ ತಾಳ್ಮೆ ಕಳೆದುಕೊಂಡು ಮೈದಾನದಲ್ಲೇ ಗಿಲ್ಗೆ ಜಾಡಿಸಿದ್ದಾರೆ. ಕಾಮೆಂಟ್ರಿಯಲ್ಲಿಯೂ ರೋಹಿತ್ ಸಿಟ್ಟಿನ ಬಗ್ಗೆ ಹೇಳಲಾಯಿತು. ಇದರ ವಿಡಿಯೊ ವೈರಲ್ ಆಗಿದೆ.
ಗೆಲುವಿನ ಮೂಲಕ ದಾಖಲೆ ಬರೆದ ರೋಹಿತ್
ಶೂನ್ಯಕ್ಕೆ ಔಟಾದ ಹೊರತಾಗಿಯೂ ರೋಹಿತ್ ಶರ್ಮ ವಿಶೇಷ ದಾಖಲೆಯೊಂದನ್ನು ಮಾಡಿದ್ದಾರೆ. ಟಿ20ಯಲ್ಲಿ 100 ಪಂದ್ಯಗಳ ಗೆಲುವಿನ ಸರದಾರ ಎನಿಸಿಕೊಂಡಿದ್ದಾರೆ. ಭಾರತದ ಆರಂಭಿಕ ಬ್ಯಾಟರ್ ರೋಹಿತ್ 2 ಎಸೆತಗಳಲ್ಲಿ ಡಕ್ಔಟ್ ಆದ ಹೊರತಾಗಿಯೂ, ಪುರುಷರ ಟಿ20 ಐನಲ್ಲಿ 100 ಗೆಲುವಿನ ಭಾಗವಾದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಪುರುಷರ ಟಿ20ಯನಲ್ಲಿ 100ನೇ ಗೆಲುವಿನ ಮೈಲಿಗಲ್ಲನ್ನು ತಲುಪಿದ ಮೊದಲ ಆಟಗಾರ ಹಾಗೂ ಒಟ್ಟಾರೆ ನಾಲ್ಕನೇ ಕ್ರಿಕೆಟರ್ ಎಂಬ ಖ್ಯಾತಿ ಅವರದ್ದಾಗಿದೆ.
ಇದನ್ನೂ ಓದಿ Rohit Sharma : ಡಕ್ ಔಟ್ ಆದರೂ ವಿಶೇಷ ದಾಖಲೆ ಬರೆದ ರೋಹಿತ್ ಶರ್ಮಾ
Rohit gone for Zero ,
— KAPIL DEV TAMRAKAR 🇮🇳🚀𝕏🌖 (@kapildevtamkr) January 11, 2024
Bad call by Rohit , Gill wasn't ready to take the single,#INDvAFG #IndvsAfg #RohitSharma #ShubmanGill #TeamIndia #CricketTwitter pic.twitter.com/KIpCaTfl4v
ಅತಿ ಹೆಚ್ಚು ಟಿ20 ಪಂದ್ಯಗಳನ್ನು ಗೆದ್ದ ಆಟಗಾರರು
111 – ಡ್ಯಾನಿ ವ್ಯಾಟ್
100 – ಅಲಿಸ್ಸಾ ಹೀಲಿ
100 – ಎಲಿಸ್ ಪೆರ್ರಿ
100* – ರೋಹಿತ್ ಶರ್ಮಾ
94 – ಮೆಗ್ ಲ್ಯಾನಿಂಗ್
89 – ಸುಜಿ ಬೇಟ್ಸ್
86 – ಶೋಯೆಬ್ ಮಲಿಕ್